如果你既人生好似打機一樣……: 3.4, 點解世界上會有明明條件好好都仲係單身既人？
同一時間我都將食完既野倒左佢，然後番番去自己既坐位。
我黎野都無帶黎，所以就要靠水牛。
「水牛可唔可以講番今日任sir提過既重點？」
「等等。」佢將手上勁厚既notes揭到佢某一頁，然後遞比我。
嘩！咁撚重，而且我求其揭幾揭，本野真係寫滿咁濟，佢邊到搵咁多時間黎寫？
「你自己睇兩睇先，唔識就問我。」
「哦……」好冷淡。
依家我唔知可以點做，唯有認真咁睇下Notes。
我無用到自己既能力slot，就咁睇雖然無今朝既感覺咁易，但亦都唔係太難。
過左一陣之後女同學都開始討論番，睇黎氣氛已經緩和番小小。
水牛既notes寫得非常之精要，但係睇得多始終會覺得dry，於事我開始抬起頭觀察下。
對面既呀飯張支筆夾左係個鼻同上唇之間，睇黎佢都係無心溫書果種。
而水牛就行左去兩個女同學後面，解答佢地既問題。
其實都係想借機會親近下水牛姐你兩個……
「都話左你會集中唔到架啦，諗緊乜呀？」隻魔鬼又露出邪惡既笑容。
「無，唔慣溫書姐……」我上到中學咁耐一次書都無溫過。
但係呀飯咁樣一講，我都唔覺意望左佢一眼。
嘩屌，都係唔好再望喇，我怕我把持唔住會有乜野幻想，水牛佢仲係到架！
「水牛你好叻呀！」啲囡囡讚呀水牛，水牛亦都無乜特別既表情。
「車，佢小學果陣都唔係咁既，成日都走黎問我野，煩到嘔。」呀飯即刻發揮大婆風範。
呀飯同水牛咁熟，其中一個原因係佢地由細識到大，聽佢地講佢地小一到依家，得一年唔係同班。
我之前講過呀飯同水牛之間無野，其中一個原因係 － 如果佢地要有野，有野左好耐啦。
當越了解一個人果陣，佢就會無晒神秘感，而且你對佢既感覺會好似親人咁。
以上既野係水牛親自同我講，回憶起果陣，我問佢：
「你認為你真係好了解佢咩？了解一個人真係咁易？」
「係唔易，但係我同佢相處既時間遠照你所想像。我甚至可以知道佢遇到某D情況既時侯會作出乜野反應。」
就算我同毒撚方日對夜對，我都做唔到依個地步，單係今日我就已經因為咁已捱左唔小苦頭……
水牛有咁好既條件，竟然一條女都無，討厭佢既人點會唔襯依個機會入佢丫？
係男仔之間，經常有人傳水牛係基既，更加仆街係比人傳同佢搞基既人係我。
而係女仔之間，佢地就寧願相信呀飯同水牛之係地下情，咁又係，男神搞基喎，比我都接受唔到啦。
以上係我作為女生既假設咋，唔代表我真係基！
「係喎，桑妮呢？」小學同學，我都有一個，但係我地既情況同佢地完全唔同。
如果我同桑怒好似水牛同呀飯咁日對夜對，我會唔會同水牛有同樣既感受呢？
「黎之前收到佢電話，佢屋企唔比佢出黎喎。」其實都估到，要黎一早黎左，依個鐘數佢屋企更加唔會比佢出門。
「咦，原來九點拿？」WTF?我以為呀方走左無耐咋喎。
水牛堆精要NOTES剩係睇都睇左差唔多兩粒鐘，我更加唔可以想像到佢點解會咁有毅力寫到咁多。
原來天才既背後都有好多你唔知道既付出。
「我想買個蘋果批，你地有無人食野？」兩個女仔都溫到好攰，所以都跟左去買野食。
得番我同水牛兩個。
又靜左，唔通佢真係嬲左我？
男人老狗，有野就講，死就死啦！
「你係咪嬲我？」「唔係。」
但係佢既語氣話比我聽佢嬲緊。
「咁點解你咁愁？」
「我始終都係阻止唔到，呀方既出現同埋佢對你既影響。」
下？我真係完全諗唔到佢係依件事上面有任何責任喎。
「有責任感係好事，但係唔好太自責；我搞成咁都係因為自己戇尻講錯野姐。」
我猶豫左一陣，再問：「我講埋啲咁既野，你唔嬲架咩？」
佢諗左一諗，然後再答我：「雖然呀飯係我好好既朋友，但係你都係；而且你只係陳述自己既想法，講既亦都係事實。」
即係佢承認左「係男人都想同呀飯扑野」依半句？佢咁講野真係可圈可點。
然後我趁依家得閒問下水牛有關中文既問題，講講下既時侯感覺到背脊有鼓未知既熱力……
「嘩屌！」我熱到跳左起身
當我熱到跳起果陣，即刻聽到一陣陣既笑聲。
而係我件衫入面亦都跌左舊野出黎……
蘋果批。
「請你食，唔洗多謝我。」
「嘩，多謝晒喎！」點解要用依種方法先？
「唔洗多謝，見你咁落力氹我開心。」佢仲笑緊，究竟有咩咁好笑可以笑咁耐？
「我被迫架！」係囉，就係比你迫。
於事，我地又開始繼續溫習。
如是者我地又溫多陣，到十點零果陣剩低果兩個女仔就走左，得番我、呀飯同埋水牛。
「波仔你溫成點呀？」呀飯問。
「好悶，但唔算好難。」香港既教育制度就係咁填鴨式，你肯死記就得。
「你好悶咩？咁想唔想玩刺激小小既野？」嘩，你係水牛面前講埋晒啲咁既野？
冷靜啲啦劉驚波，佢係呀飯黎架！
係旁邊既水牛伸緊懶腰，無特別反應。
「講下笑咋，你估真係咁筍呀？都咁上下夜啦，我係時侯走先。」
講完之後呀飯就非常快咁執完野，然後同我道別就走左去。
水牛無反應。
「……………」
又得番我同水牛兩個，依個時間既我已經唔想再溫書，於事我聊佢傾計。
「你覺唔覺得呀飯今日好怪？」
「怪？」水牛嘿一聲。「我覺得你仲怪喎！」
佢唔係以為我想溝呀飯下話？
「雖然呀飯佢頭先咁樣做，但係我唔會對佢有非分之想架！」
「下？」
「點解我信你同呀飯無野，但係你會懷疑我先？」
「劉驚波。」佢直呼我全名。
「我講緊既，係你閃避球果陣既表現。」
仆街喇，我依家係咪叫不打自招呢？
「平時唔會做運動既你，點解聖誕番黎之後會成個唔同晒？」
水牛留意到，咁又係，水牛咁了解我無理由會發現唔到……
「可能唔滾唔知身體好姐，你見到我都有咳到仆街架，証明左我體力依然有限啦！」
雖然我今日係主動左小小，同埋有小小突出既表現，但係都可以用負碌黎解釋，總體上都唔算好顯眼。
「你厄到其他人，但係厄唔到我。究竟發生左乜事？」
我第一日得到依個能力，就比水牛發現左？
水牛你磨擦力實在太驚人，究竟我要點樣先可以蒙混過關呢……？