如果你既人生好似打機一樣……: 1.9 修羅場既伏線已經被埋下

勾完手指尾之後，桑妮同我地傾多兩句就走左，而我同水牛就留低係樓梯到再傾多陣。
「呀波，你今日真係好唔同。」水牛帶住微笑咁講。

「咁算係好定唔定？」我好直接咁問。
水牛哈的一聲，然後再話：「好！梗係好！」

他做了一個GIVE ME 5既動作，而我也配合，發出了清脆的掌聲。
「行喇，我地仲未買野食。」我點頭。
由於時間剩番唔到，於事我地剩係係學校既小食部買左D熟食就算數。





路過保健室既時侯，發現呀方已經唔係到。

當值既MISS周都去左食LUNCH，所以成個保健室係無人，假若有任何人係依個時侯仆街受傷的話就要自求多福。

上番課室，桑妮已經若無其事咁同其他女同學打牙較，而呀方就望實我，用非常之唔友善既眼神。
「問我有沒有？確實也沒有……」呀方怒睥我既同時亦都唱出最佳損友。

「呀方，你塊面做乜腫成咁呀？」水牛即刻好緊張咁講。
「我塊面不嬲都咁肥架啦！」呀方特登講比我聽。





我坐番去自己個位，而同一時間呀方亦都令過黎想審問我：「劉驚波你究竟對我做過乜？」

哇，學校小食部既肉丁米好香！
「我可以對你做D乜？唔通雞姦你咩。」講完之後我咬左啖米粉，因為熱得濟所以唔食住。

「你做過Ｄ乜，點解我塊面會腫成咁？」呀方既語氣好認真。
水牛見呀方咁既態度都唔方便出聲插入。

「你應該未食野架啦？我買埋你果份喇，河粉岩唔岩？」我將一個發泡膠碗遞過去。
呀方打開發泡膠碗，然後話：「屌你無走青既！」





「邊記得你走唔走青姐，有得食你就食啦，食蔥聰明呀，岩晒你。」
「我地食快D啦，剩低時間唔多喇。」水牛道。

我既老友，就係咁既人。
係我地好似平時嘻嘻哈哈咁食LUNCH既同時，我諗起一個問題。

應唔應該同呀方講今晚水牛約人出黎溫書呢？

唔講又好似杯呀方咁，但係講左又驚佢真係黎……
我唔係唔歡迎佢，我動機係為左佢好。

我望住水牛，做出一個「今晚」既口型，水牛亦都已經GET到我想講乜。

佢做出個思考既樣，睇黎佢都明白我擔心D乜。




食完之後，水牛話要去廁所洗手，而一向都無乜衛生意識既呀方就話唔去，而我就乘機跟上水牛。

係走廊入面，我問：「咁叫佢定唔叫佢好？」
水牛神性凝重咁答：「叫唔叫佢後果都好嚴重。」

「佢唔知咪得囉。」的確，就算你係香港犯左法，只要無人知，你依然可以大搖大擺係差館面前行過；又或者就算你犯左都可以咁做，因為香港已經變成一個你犯左法可以屌番警方，反客為主既地方。

「唔得，佢一定會知。」水牛好肯定咁講。

「你又知佢實知？佢平時同Ｄ女仔都無兩句，而我同你唔講的話佢一定唔會知。」為左唔令到呀方弱小既心靈受傷害，我真係好唔想佢去。

「唔關事，總之佢實知。」佢好堅決。
「點解你咁肯定？」
「唔好問，總之我就係知道。」





一輪死寂，耳邊聽到既就只要黎自樓下班智障低FORM仔既玩笑聲。
我同佢係成個去廁所既過程都無交談到，洗完個面之後，忽然間靈機一觸。

《清醒度＋３》

「如果我約佢係咁上下時間落黎M記食野，但係唔覺意撞到你地點得囉！」

我繼續講：「佢條仆街仔一番到屋企打機之後就會有條癮，次次約佢出黎食野佢都趕住番屋企咁，咁樣應該得喇掛？」
水牛考慮左一陣，然後話：「但如果佢真係唔走呢？」

我嘆左一聲；「唉，咁我地咪盡力打圓場囉，條友再戇尻都始終係我地朋友。」
雖然我咁講，但如果呀方真係咁撚厚顏無恥敢坐埋班女同學到，咁樣我同水牛今晚要面對既，就將會係一個修羅場。