如果你既人生好似打機一樣……: 1.8, 但係賣家有所隱瞞的話，都可能會犯商品說明條例
「小智！」我低聲怒吼，四周景物化成灰白色而且停頓，眼前出現既係彩色既小智，鮮紅色既CAP帽睇起上黎竟然十分討厭。
「比你做英雄喎？咁都唔滿意？」小智問道。
「如果我救唔到佢，後果會點？」我好認真咁問佢。
「唔好將事情諗到咁複雜，就算係冠以任務之名，後果都係可以用邏輯推斷到。」
「咁即係佢會比車撞，然後受傷入醫院，最嚴重既係會死？」
「In the worst scenario, maybe.」小智無啦啦學人講英文，聽起上黎又令佢加添幾分討厭。
「你係唔係癲架！佢都有老豆老母生架，你竟然為左自己既娛樂而用佢條命黎較飛？」
「No,No,No.如果我無比到選擇你，我就係無情，但係依家所有野都係你自己掌握之中。」佢將手掌放係我心口：「我觀察左你好耐，你成日怨好多野你自己控制唔到，怨我點會對你唔公平，但係依家我比你自己主宰自己，你又將責任推落我到？」我不能回答。
「記唔記得我同你講過，你周遭既一切都將會圍繞你而發生？就好似依家咁，你變成主角一樣。」
即係係我累左桑妮？仲有呀方？
「以FF7為例，Cloud係主角係因為一早設定左，亦都因為佢係主角，所以所有野都係圍繞住佢而發生。」我唔明，於事佢繼續講：「一個故事既然有一個主角，故事既情節理所當然係圍繞佢而發生；正如你睇一個故事果陣，你會期待有特別既情節，而唔係期待睇一條毒撚番學放番打飛機食飯訓教，無無聊聊咁過人世，比著係你，你會唔會睇個咁既故事？」
唔會，但係我唔想將答案講出口。
「當然，我係非常之慈悲，我給予你風險既同時，亦都將相對既能力比左你；你應該留意到你頭先做任務果刻有超人既表現？全部都係我比你既效果。」
唔怪得我會跑得咁快……
「我稱之為主角威能，正因為你係你依隻遊戲既主角，先可以享有咁既威能。」佢又企番起身，然後圍住我不斷講解：「如果我唔比威能你，你一定好快就gameover，所以成日投訴漫畫動畫主角有威能既人全部都係on9仔。你會唔會期待路飛係未入偉大航道果陣就收左皮沉左船？正因為佢有威能，所以故事先得以繼續。」
我心情開始平伏，小智的確有比到選擇我，我唔可以賴。
「當然威能唔係無代價，如果唔係你就可以係咁用，咁個遊戲就唔好玩……好好享受你既遊戲啦，哈哈哈……」小智伴隨笑聲而消失，周圍既景色亦都開始恢復原有既顏色。
當周圍回復原狀既時侯，我咳得更加犀利，而旁邊既桑妮亦都跪低問侯。
「呀波你無事丫嘛？」
「嘎……依個問題……係唔係……應該我問番你？」我依家個肺好似穿左窿咁，講句野都好辛苦。
「我……對唔住……」桑妮將臉埋入兩隻手掌之中，睇黎佢唔想比我見到佢喊既樣。
水牛遞上紙巾，然後話：「有乜野番到去先講。」
於事我地三個就乜野野食都無買就番左學校，但我地唔係番課室，而係去左一條好小人用既樓梯。
「你頭先做乜會睇唔到架車？」水牛帶住小小責怪既語氣。
「我其實講左個大話。」桑妮答得好快：「琴晚其實我媽媽唔比我出黎。」
原來佢琴晚暪住佢屋企人偷偷地出左黎？唔怪得頭先呀飯提到依點既時侯桑妮好似面有難色咁啦。
「即係你頭先……」水牛已經估到頭先桑妮係電話講緊乜。
「我頭先就係求我媽媽比我今晚出黎……佢唔肯但係我又應承左你地……我唔知點交代。」
「哦，咁你同我地照直講咪得，大家做Friend既知道乜野重要啲。」水牛知道自己間接害左佢，所以語氣亦都轉得比較溫柔。
「唔關事，其實我一向都唔鐘意屋企管得我太嚴，我知佢地係為左我好，但係我壓力實在好大……頭先我都只係借題發揮想抒發下自己既諗法。」
原來依個乖乖女都有反叛既一面。
「其實我一直都好妒忌你，妒忌你屋企比咁大自由度你。」桑妮望向我，我無言以對。
「我有時都想放鬆下自己，做自己想做既野；但係我媽媽永遠將我既時間表排到密麻麻，我想抖下氣都唔得。」
我時間表都係密麻麻，但係全部都係24-7咁鋪滿打機二字。
「你有得揀，但係你寧願留係屋企；而我想出黎都無得出……」
「籠中鳥嗎……」我暗自道。
「劉驚波，你真係好戇尻！」咁粗俗既字由乖乖女張桑妮口中講出黎特別震撼，隔離既水牛雙瞳亦都瞪大，我相信佢感受同我亦相同。
桑妮拉近我倆之間既距離，然後對我講：「應承我，唔好咁浪費自己既條件，代替我好好地出黎做番個正常人得唔得？」
「哦……」我相信依個情況無人會答唔得，如果有人真係咁做，佢真係可以即係喊出黎然後再跳樓比你睇。
「我唔信你。」桑妮伸出手指尾。佢真係好幼稚，但係幼稚得黎好單純好可愛，亦都係我鐘意佢既原因。
「唔得。」我斬釘截鐵的回答。
「剩係我應承你，你咪好著數？作為交換，你都要應承我一樣野。」桑妮對我既反應覺得奇怪。
「你都要應承我，盡快令到屋企人妥協，唔好再做一隻籠中雀仔。」
聽完之後佢呆左一呆，然後洩笑一聲，笑住點頭，同我勾手指尾。
於事，我同佢就做左勾手指尾依啲非常小學雞既行為。
依個時侯，我既世界就得番桑妮；水牛？WFC