如果你既人生好似打機一樣……: 1.6, 火警演習係學生心目中同提早落堂無分別

「鈴－－－－－－－－－－－－－－－－」

同一時間對話框亦都出現，

《突發事件：火警演習》
救世之鐘享起，走火警！睡意值Bar立即下降，作為班長既水牛立即盡佢既本份維持秩序。

我睇個老女人個樣似乎仲想繼續講，但係無情既鐘聲令到佢欲言又止，只可以眼白白咁睇住我地排隊落操場。
講起上黎間學校真係幾撚戇尻，點會考試之前一日先黎做火警演習？
我眼見所有人都行得好hea，d低form仔仲係樓梯到智智障障咁互相撩陰，屌你番番去讀小學啦。




到左操場，水牛開始點名，但係佢似乎面有難色。

「你有無見到呀方？」水牛細聲問我。

「O,FUCK」條ON9仔一定仲係到訓緊教。
同一時間，對話框出現：

《任務：拯救朋友》

於三分鐘之內將游立方帶至操場。




WTF?搵人唔係老師既責任黎架咩?不過既然對話框出現我無理由唔做，換轉真係火燭我話撚知條毒撚比火燒死。
我立即一個箭步跑上樓梯，同一時間腦海中亦都有一個倒數既時計。

究竟倒數完之後會發生乜事呢？唔通我會死？
一諗到未知既後果，我就立即加速，然後好似好英雄咁打開班房道門，大嗌「毒撚方！」

如果我嗌既名係女仔名，我或者會好型，但係依一刻我自己都覺得自己基。
沒有回應，於事我行埋去佢個位到。

「呀方快d起身呀！」我又拍台，又大嗌，依然唔理，眼見時間一分一秒咁過唔係辦法。




睇黎有用武力既必要！
當我想打落去既時侯，又有一行未見過既bar出現。

Bar既上面係紅色，下面係白色，仲有個小箭嘴指住個bar上下移動。
我屌你老母，依個時侯都要講玩？

唔理喇！我用我打機多年積番黎既經驗，係接近條bar既頂端既時侯於腦海禁a，下一刻隻手就好自動咁一巴車埋去呀方到，力度大到打到佢成個人打橫咁訓左係我張凳上面。
呀方頭上面出現另一條紅色既bar，但係bar上面既紅色開始消退……屌你血量計？

對話框又出現。
《游立方使用睡眠》

下一刻呀方本身比我打到剩番小小既hp bar又回番滿……點解本身已經訓左教既呀方仲可以繼續用訓教？
於事我連續車左佢幾巴，每次我都係好接近力氣bar既頂端到停左，呀方既血量亦都扣得好快。





但係陣間佢一訓又係補番滿血，咁落去唔係辦法！
於事車最後一巴既時使，我大嗌出黎，將全身既力氣集中係手上面，同一時間力氣bar既箭嘴就到頂端。
係機會喇，飛雲！
我係力氣bar既最頂端禁左a制，右手同時釋出強勁既力度，呀方受到掌擊之後於頭上仲出現左《critical!》字眼。
得左喇！我係一個回合之內將呀方ko左！
《獲得13點經驗值，獲得道具－昏迷的游立方》

WTF!?!?我打暈左呀方?

得番分半鐘，我點樣帶暈左既呀方落操場？
屌你忽得就忽得啦，我抬住暈左既呀方飛奔往樓梯，落下又一層，落下又一層，終點終於在望喇！

我得番最後一條樓梯要落，下面就係操場，但係得番三秒，時間一定唔夠，點算好呢？

腦海中浮現《任務條件：將游立方帶至操場，剩餘時間　０：０３》





係口喎，條件係將游立方帶至操場，依個方法應該得！
我大喝一聲，然後將背上既呀方係樓梯丟出去。

０：０２

飛啦！呀方！
對話框出現同樣既文字，就好似打機戰果陣，角色出招時既對白一樣。

０：０１

砰……一聲悶響

《任務完成　獲得25點經驗值　體力+3 力量+3》





同一時間我仲聽到呀方發出既慘叫。
呀方既慘叫吸引左全校既視線，今次仆街了。
任SIR見到即刻過黎問：「游立方佢……」

「頭先水牛佢話見唔到呀方，身為佢既好朋友，有責任搵番佢出黎；然後我發現佢係課室到昏迷左，於事抬左佢落黎，但係我最後唔夠力所以唔小心跌左佢出黎……」
完美！完美既理由！
醒左既呀方訓左係地下上面，隻眼一直盯實我，但係無出聲。
「點解佢塊面腫晒既？」任SIR又問。

「呀方不嬲都咁肥架啦！」呀方佢存在感咁低，依招一定行得通！
訓導主任見狀，就開咪對全校講：「依位同學非常勇敢，朋友之間就係需要守望相助，今日雖然只係火警演習，但當他日真係有時發生果陣，我希望各位都可以好似佢咁互相幫助！」

說畢，訓導開始拍手，而台下唔知發生咩事既學生亦都盲目地跟住拍手。

只有任SIR例外：「你明白係演習唔會有事發生，唔會有危險；但係依家咁樣游立方佢分分鐘會比你搞到仲傷……姑念你動機良好我就唔追究。」





呼，順利過關，聽到之後我就走去呀方隔離跪低問：「呀方你無事丫嘛？」

「波仔……你……你……你條……」
我即刻掩住佢把口，然後話：「你依家咁都係唔好講野住喇，等我同任SIR帶你去保健室先啦。」

你咁想去保健室丫嘛?依家我益左你啦。
MISS周幫呀方CHECK完之後發覺無乜大礙，於事任SIR剩係話左我兩句就放過我。

呀方依然留左係保健室休息，而我就自己行左上課室，已經係第二個小息。