我去左間 Cafe 打工 , 想溝入面個 Mk 妹女同事: 你同Mark哥佢。。。究竟係咩關係啊？

「啊？」三哥他說到做到，果然不論我如何哀求，也是不肯透露半點風聲，
 
「我既好三哥，你做下好心講我知啦 …… 」
 
如是我每日死纏著他，懇懇哀求，他卻始終不為所動，
 
很快便過了三天，我做女僕的工作也開始熟習了，
 
有些客人反而就特地來為笑我一笑，咖啡店的生意雖未如前，
 


但Kay媽明顯是放下心頭大石，少了一重掛慮，
 
而這數天來，我也一直在打電話給小草，又到過馬醫生的家，
 
卻始終不見她半點蹤影，她就像人間蒸發般，完全跟我們斷了聯繫，
 
於是我又去翻翻新近的報章，卻又未見甚麼報導，
 
我對她的安全是擔心至極，但說要報警求助，卻又未試過，不敢貿然行動。
 


「竹生啊，我地好耐無傾計啦，點啊，你做左女僕慣唔慣啊，
 
得返我一個係廚房，有時都幾悶，Haha，」一日Jude突然跟我說。
 
「係啊，我地好耐無講野啦 ……. 」其實跟了小草以後，
 
就是往常最合得來的Jude也生疏了，只是我想起她與Mark哥在房內的勾當，
 
似乎對她多了種戒懼。
 


「係啊，點啊，出去招呼客人定留係度洗碗好玩D？」她笑問。
 
「咁 …… 」我心想兩樣都不是味兒，我好好一個大學生，滿腹經論，
 
該是吟吟詩，作作對，談談風月，寫寫文章，才算是人盡其才，
 
如此留在咖啡店一時要洗碗碟，一時又要派傳單，一時又要扮女人，
 
這那裡有好玩不好玩？都是侮辱啊！！
 
但為了五斗米，也只有忍過去就是，
 
「洗碗好玩D啊，有Jude你陪住嘛 …… 」我說。
 
「你幾時學到咁口花，」她笑道，我聽著卻臉上一熱。


 
「我 …… 我 …… 」被她一說我又變回那個口齒不清的竹生。
 
「咁先係嘛，咁先係你，」她笑道。
 
「唉 …… 我都唔知啊 …… 」我嘆道。
 
「做咩啊？唔開心啊？其實你個人都變左好多，你有冇留意到啊？」她笑問。
 
「我變左？」其實文靜也早說過類似的話，
 
她初說我還不相信，但再與Jude說的印證，想我確是不同了。
 
「係咪應該叫成熟左？定係憂鬱左？Haha，或者可能成熟就係憂鬱，」她笑說。
 


「我 …… 」我細細咀嚼著她的話。
 
「你係咪有好多心事啊？無我同你分享睇你鬱都鬱死，好啦，講我知啦，
 
我做你個樹洞啦，」Jude對我是除了母親以外最好的了。
 
「Jude啊 …… 多謝你啊 …… 」我說。
 
「咁客氣既 …… 」她笑道。
 
「我真心架 …… 不過 …… 」我想起她與Mark哥的關係。
 
「嗯？」
 
「我有樣野想問你啊 …… 」


 
「講啦，你想知咩啊？」她很期待我的問題，
 
其實跟Jude認識這麼久，從來就只有我跟她訴苦，
 
她的事麼？卻是隻字不提，今天也是個例外了。
 
「你 …… 你同Mark哥 …… Mark哥佢 ……. 係咩關係啊 …… ？」我鼓起勇氣。
 
「我同阿Mark？」Jude的臉色大變，決不像平時那種置身事外的感覺。
 
我正想要追問，卻聽外邊門鈴響起，小月大叫了一聲「糖果姐姐」
 
Jude似是有心迴避，催我到店面去看，
 


那知我一看那個從未見過的神秘女僕時，卻看得呆住了。