我去左間 Cafe 打工 , 想溝入面個 Mk 妹女同事: 在那裡，在那裡見過你，

走出店外，見是大哥他們一行三人，我看著大喜過望，
 
「點解你地會返黎既？」我喜道。
 
「咳，我地唔係度返工，都可以返黎做客人，小二，三個蛋包飯，」大哥說。
 
「係既大哥！」我說，想定是二哥想多見小月，所以他們又回來了。
 
「咪行住，」突然一把高尖的聲音把我叫住，這自然是三哥，「你 ……
 


你擰過黎比我睇過 …… 」他向我全身打量，「啋，你做乜搞到自己男唔男，
 
女唔女咁啊？」
 
「我 …… 」我想三哥自己也是不男不女啊，但這怎麼好說出口？
 
「文靜姐姐走左，小草姐姐又無返工，
 
所以我地咪搵竹生主人扮住女僕先囉，」小月笑道。
 


「你 …… 你扮緊女僕？」三哥向我看了一眼，
 
「嗯，」我答，想自己也扮得好神似，
 
那知三哥他卻突然哈哈大笑，對我瘋狂恥笑。
 
「三 …… 三哥 …… 」我被他都笑得很難為情。
 
「噯唷，你係女僕啊，過黎，比我鍚啖面豬登先啦，」
 


他說著嘟起嘴真的就要吻來，我回身想要避，卻已然遲了，
 
竟被三哥就在我臉頰上吻了一下，我羞得更不像話。
 
「唔好 …… 唔好咁啦 …… 」我說，
 
「你做咩唔避開啊，我好地地做咩要鍚你啊！」
 
三哥他在嘩嘩大叫，沒頭沒腦的吵著，我看他鬧著，倒覺有趣，
 
正說間，千大哥悄悄的又拉了Kay媽到一旁去，
 
二哥則躲在一邊偷眼看著小月，我卻被三哥拉到桌前，
 
「今日你係女僕，我係大爺，你無得唔服侍我啦，」他得意洋洋的，


 
我看著卻想起一件更緊要的事來。
 
「係啦係啦，三哥我有樣好緊要既野要問你啊，」我說。
 
「你識唔識分賓主架，我係客，邊到你咁多問題，
 
不過見你係我細佬，你即管問啦，」他說，兩手環抱在胸前。
 
「我 …… 我想知文靜 …… 文靜佢 …… 」我想起那日為了小草一通電話，
 
把文靜撇下，就連她的去處也搞不清楚，此時定要弄個明白。
 
「大波怪？」三哥似乎有點意外。
 


「係啊，」我說，三哥是喜歡把文靜稱為「大波怪」。
 
「佢 …… ？」他說著嘻嘻一笑，「佢去左一個好遠好遠，
 
你以後都唔會再見到佢既地方囉，」
 
 
 
「以後 …… 以後都見唔到佢既地方？」我聽著一驚，「即係點啊？」
 
「哼，你識緊張人地啦咩？」三哥是個娘娘腔，
 
他如此哼一聲，聽得我打了個冷顫。
 
「我 …… 我邊有喎 ……  」我說。


 
「人地係度既時候就當人係草，走左又當人係寶，你話你係咪衰丫？」他問我。
 
「我幾時有當佢係草喎 …… 」我撅撅嘴，
 
心想自己倒是把那條小草看得無比緊要，把文靜都忽略了。
 
「本來你要同我地係下面派傳單既，哼，後來你自己就走左上黎嘆冷氣，
 
留低我同隻大波怪係下面，」三哥說，「你知唔知啊，
 
我日日著住個套又重又熱既衫，又要聽隻大波怪係度呻，幾辛苦先係架，
 
有好多女仔想同我講野都無機會，我今次真係蝕晒底，哼，」
 


「唔好講呢D住啦，咁文靜究竟去左邊啊？」我著緊地問。
 
「你知唔知每日係下面，佢就係咁淫蟲前淫蟲後，
 
我後尾先知原來係講你，哼，以我同女人相處咁耐黎睇啊，佢肯定係 ……
 
哼哼 …… 係鍾意左你啦！」他說得很神氣，我卻只覺是無稽之談。
 
「原來佢成日同你有講有笑就係講起我啊？」我問。
 
「唔係你以為係咩啊？」三哥皺皺眉，「聽都聽到我悶啦，」
 
「咁 …… 咁 …… 」原來文靜一路也很在意我，我這真是傷透她的心了。
 
「你寡情薄倖，得一想二，我係唔會話比你知隻大波怪去左邊！」