我去左間 Cafe 打工 , 想溝入面個 Mk 妹女同事: 好啦好啦，我地和好啦。
「佢 …… 佢有第二個女人 …… ？！」牛奶妹驚道，
我卻被她噴得滿臉啤酒，狼狽不堪。
「佢 …… 我 ……. 」我見牛奶妹反應如此誇張，也不知是否要繼續說下去。
牛奶妹如此啤酒直噴，文靜自然也是留意得到，
「做咩啊你地？」她急忙拿起紙巾在我臉上抹拭。
「佢話 …… 」牛奶妹說到此處神情閃縮，想文靜不知道她和馬醫生的事。
「無事啊無事啊，」我忙道，怕要揭露牛奶妹的隱私，
文靜似是覺得我不想跟她說話，於是討了個沒趣，又去跟三哥嘻嘻哈哈的鬧著。
「你講真架？」牛奶妹很激動。
「我 …… 我都係講下架姐 …… 」我怕傷了她的心。
「呢D野都拎黎講笑！！」
牛奶妹寬了一口氣，「你嚇死我啦竹生，」她微微一笑，「如果佢真係有第二個啊，
我就真係唔知點啦。」她的聲音沙啞起來，「我由細到大都無人鍚我既，
我唔怕佢年紀大過我，我反而就係鍾意佢成熟，比到安全感我，
但係啊，如果佢有第二個，我就點都唔得啦，一個男人點可以得一想二，
一個女人又 ……. 又點可以同時服侍咁多個男人 …… 」
牛奶妹說到盡處眼淚默默的流，
我怕她要不快，毀了這個大好的派對，便支吾幾句，想要把話題轉過。
「所以啊，如果有人對你好，你要珍惜啊，」
牛奶妹無端又扯到這個話題上去，一邊拉了文靜過來，「文靜姐姐對你咁好，
你今日成日啊，野都無同人講句，你估我睇唔出咩，」她說。
我和文靜二人四目交投都是尷尬得很。
「咁 ...... 既然佢唔想理我 …… 我做咩又要煩住佢姐 …… 」文靜禁不住說。
「我 …… 我唔係啊 …… 」我想起在她電腦中發現的事，
實在不願再提，只是今日一別，想以後也不會再與文靜有半點牽連，
還是大事化小，當沒有發生過一樣，隻字不提好了。
「唉，」文靜深深嘆了一口氣，「你嬲我咩咪講囉，
之前仲好地地，突然之間就理都唔理下我，
我唔係比你鍾意理就理，唔鍾意就掉埋一邊架囉，」
「我 …… 唉 …… 」我也是無話可說。
「我唔知你發生咩事，但係你有唔開心咪講囉，
或者你覺得我好八婆，個人好衰，好港女既，你咪話我知囉，
你起碼比我知我衰咩啊？」文靜又說。
「你咩都好 …… 係我唔好 …… 」其實千錯萬錯，
也是錯在我偷看文靜的電腦，不然我不知道她和Kelvin暗地裡的勾當，
也不會如此跟她鬧翻，
其實小草有時也說得不錯，有些事情你不知道，就跟從來沒發生過一樣啊，
像一個月前，我不知道文靜的所作所為，
我不就跟她相處得好好嗎？
只是不知道也知道了，都是好奇心累事啊，千錯萬錯，也是我的錯，
也不該全怪罪於文靜。
「你都知你唔好 …… ？」文靜兩眼情深的看著我，「你都知自己衰啊，
你知自己衰就唔好咁對我啊 …… 我都會唔開心架 …… 」
她說著在我胸口上打了兩下。
「我 …… 咁對唔住啦 …… 」是非曲直有時也算不清楚太多，
我見文靜如此著緊，那裡還生得下她的氣？
「你 …… 咁你以後好好做個好人啦，」我說，算是盡了朋友的責任好好勸勉。
「做個好人？」文靜聽後一笑，「你嫌我係壞人，嫌我成日蝦你，係咪？」
她問我，「好啦，最多你唔鍾意既，我以後唔打你，以後唔叫你做淫蟲，
以後唔笑你啦，我地和好啦，好唔好啊？」
其實我跟文靜也沒有那麼多以後，她今天辭職以後，我們隨時是永遠不見了。
我點點頭，怕到最後還要她傷心。
「唔比呃我架，」她破涕為笑，「不過量你都唔敢，」她最後笑得很甜蜜。
「我 …… 我都唔講大話既 ……. 」我說，
隨即又想，這個月來自己說的謊言也太多，怎麼我都忘了以前所學，
現在都成了自己最鄙夷的小人？
「邊有人唔講大話架，」文靜笑道，「你話自己唔講大話已經係大話啦，」
「我 …… 」我無以反駁，臉上一紅。
「不過啊，」文靜突然認真起來，「你覺唔覺你自己最近變左好多啊？」
「我？」
「我都唔知點講啊，你個人陰沉左好多啊，好似都唔係我之前識個個你既，
你究竟呢排做咩野啊？」原來文靜還是很留意我。
「我？我無野啊 …… 」我又在說謊了，
這陣子與小草的事，又那堪與文靜說？
「無野 …… ？」她打量著我。
「我啊，我覺得以前可可愛愛既你先得意啊，先討人喜歡啊，
而家個人所有野都收收埋埋咁，周圍都係呢D人啦，
你咁樣唔特別，唔特別既野，我唔鍾意架！」文靜說。
我想自己確實改變了很多，只是事已至此，也是回不過去，
原來環境還真會將一個人改變。
「嗯，」我敷衍過去，又轉過話題，「不過啊，我有一樣野比較想知啊，」
「咩啊？」她笑說，「見係最後一日，你問咩我都答你啦，」
「點解 …… 點解你要辭職既 …… ？」
這個問題纏繞心中已久，此時終於可以探個究竟。
「哦，咁咋 …… 因為 …… 」
文靜正說著，我都手機鈴聲卻忽爾響起，
「你仲唔返黎既話，我死比你睇，屌我你就識，
要你陪我你就掛住陪第二班女人，好啊，男人個個都係賤人啊！」
小草說著情緒很激動，然後便聽她匆匆掛線，
「做咩啊？」文靜見我神色有異。
「我 …… 我出一出去，好快返黎，」
我怕小草真的要做傻事，便先趕馬醫生家去。