我去左間 Cafe 打工 , 想溝入面個 Mk 妹女同事: 我都未試過，點知姐！！

「我 …… 你 …… 我 …… 」我想小草跟她男友分手，
 
我自然就可以明正言順的追求她了，但又所謂「寧教人打仔，莫教人分妻，」
 
這下真是一個兩難問題。
 
「嗯？唔好啊？」她問我。
 
「咁 …… 咁 …… 咁 …… 咁你點解要同佢分手先？」我問。
 


「無架，悶左咪分手囉，」她笑說，
 
兩眼卻看著我的臉，我都被她看得害羞起來。
 
「悶 …… 悶 …… 悶極都有感情啊，你同左佢一齊幾耐啊？」我問。
 
「一個禮拜囉，」小草說，兩眼誠懇地等著我給答案。
 
「一 …… 一個星期就悶啦 …… 咁 …… 咁你都唔係好喜歡佢姐 …… 」我說。
 


「Um …… Ok啦，佢對我係好既，但係我唔鍾意男仔太癡身啊，
 
同埋又有第二個男仔追緊我呢 …… 」她說，
 
我卻在心裡暗記，原來小草她不喜歡太癡纏的男人，我以後要好好避免了。
 
「又有人追你 …… ？」我驚道，「咁 …… 咁但係你有男朋友，就唔應該理佢啦，」
 
「唉，」小草有點不樂，「我都想啊，但係我又唔識拒絕人，
 


人地對我好小小我就好易鍾意左人啦，你話點算好啦？」
 
「我 …… 」小草既是這麼容易愛人，
 
說不定一天也會喜歡上我，我聽著心裡禁不著暗暗歡喜。
 
 
 
「你有冇試過呢種感覺啊？即係好似呢個又鍾意，個個又鍾意咁，
 
咁好自然，你就會想全部都要晒啊，」小草說。
 
「我 …… 我都無咩點鍾意過人既 …… 」就除了你啊，「不過我都明既，
 
即係魚與熊掌，兩樣都想要，但係又唔可以咁囉，」我說。


 
「類似啦，咁但係我全部要晒，D人又會話我發姣，話我係雞，」她笑說。
 
「唔好咁啦，唔好咁介意人地講既野啦，」我說。
 
「無啊，咁多年都聽慣晒啦，把口生係人地度既，」她說。
 
「或者如果你肯全心全意咁去對一個人，你可能會改變呢，」
 
我想這是大好機會要她改邪歸正。
 
「唔，」她搖搖頭，「我都唔係未諗過拍長拖，
 
但係真係未遇到個可以寧我定性既男仔啊，玩多幾年先啦，反正我仲後生，」
 


「咁 …… 你 …… 你應該唔好咁易同人開始一段感情啊，
 
太快開始，就自然會好快結束，你應該搵個真係岩你既人啊，」我答道。
 
「咁但係人地同我講兩句，
 
我就會好傻咁中左個頭埋去，我都無辦法架，」她笑說。
 
「拍 …… 拍下拖都無話唔得 …… 但 …… 但係女仔 ……
 
女仔要愛惜自己身體啊 …… 」我說，好像當起了她的社工一般。
 
她淡然一笑，
 
「但係我鍾意喎，我成日都話，我有D性上癮架喎，」她渾不當是一回事。


 
 
 
「咁 …… 咁 …… 但係 …… 都係唔好姐 ……  」我說，「呢D野，
 
應該留返同個鍾意既人做啊 …… 」我也從未試過與女孩談這些話題。
 
「咁咪岩囉，同我做親既男仔我都鍾意佢地啊，」她笑道。
 
「我 …… 」糟，說錯話了，「我意思係同你第日老公啊 …… 」
 
「你信耶穌架？」她反問。
 
「唔信啊，我信佛祖，」我說。
 


「哦 …… 」她點了點頭，「咁咪係囉，我有青春唔揮霍等幾時啊，」
 
「咁你諗下你第日老公知道都唔好啊 …… 」
 
我又說，心裡卻幻想著一天自己娶她為妻。
 
「我唔同佢講佢咪唔知囉，」小草笑道。
 
「唔知唔代表無發生過喎但係，」我已經知道了啊。
 
「咁對佢黎講係啊嘛，佢唔知咪當無發生過，
 
當無發生過佢就可以好安心咁同我一齊囉，咁係幸福先岩喎，」
 
她說的話我好像曾經聽文靜說過類似的，但文靜那婆娘，又怎及得小草半點？
 
「都係姐 …… 你自己會知啊，你心入面都唔會安落啊 …… 」我說。
 
「我唔明先真啊，點解你地個個男人都話要個女朋友係處，
 
但係又周圍搵女搞，唔係好矛盾咩？」她問我。