我去左間 Cafe 打工 , 想溝入面個 Mk 妹女同事: 擇偶條件係度啦，你有邊幾樣？

文靜和牛奶妹一陣嬉笑過後，阿翔突然問了個問題，
 
「喂，家姐，我問你丫，你鍾意咩類型既男仔啊？」我聽著一驚，
 
文靜是喜歡女孩的，好好的阿翔又怎麼問她喜歡甚麼男孩？
 
「我 …… ？」文靜也是意外，「做咩咁問啊？」
 
「無，問下姐 …… 」阿翔裝作若無其事，
 


可我知道他背後定有陰謀，說不定又與牛奶妹有關，「你答我先啦，」他又說。
 
「我啊 …… ？」文靜想了一想，
 
她如此疼愛她的弟弟，難得有個機會兩姊弟好好聊上一番，
 
此時文靜就是再吃力，也會想出個答案來，「其實都好簡單架姐，
 
首先要高過我啦，樣就五官正常得啦，乾乾淨淨，整整齊齊咁就已經好唔錯，
 


同埋最好皮膚要好啦，如果生得白既會加分，
 
有錢就唔係好洗既，最緊要有上進心，同埋養得到自己囉，養我就唔洗啦，」
 
我聽著文靜說的條件，只覺自己半樣也沒有，不禁有點自慚，
 
「Um …… 學歷又唔洗話太高，不過最好唔好蠢過我啦，
 
仲要唔好咁鹹濕，成日諗住D衰野，
 


做人要老實，腳踏實地，唔好偷呃拐騙，你知我最憎老千啊，
 
不過最最最重要都係，鍚屋企人，對我好要對阿翔你都好，咁既男人就合格啦，」
 
我聽著欣慰，至少我也乎合老實一項，
 
但想文靜要求如此之高，也難怪她要喜歡女人了。
 
「係啊，唔洗周圍望啦，帶住副黑超都知你諗緊咩啊，係啊係啊，
 
全部同你相反啊，鹹濕仔！」文靜最後補上一句。
 
我聽著心裡不好受，但想都是自己做得不好，也就沒放在心頭去了。
 
「家姐既要求都好簡單啊，咁你呢牛奶，你又鍾意咩男仔啊？」


 
原來阿翔為的便是這個問題。
 
 
 
「我？」牛奶妹瞇著眼，微微一笑，「我無文靜咁高要求喎 …… 」
 
她正說著，侍應正好為我們端上飯菜。
 
我摸著黑，隨便拿起一雙筷子便要進食，那知卻被文靜喝住，
 
「喂，邊有人用筷子飲湯架，」她說。
 
「係既係既，」我說著把筷子移開，似是夾著甚麼軟綿綿的，
 


「薯蓉黎架，你咁樣點食啊，」文靜說，「你睇唔到野好心就除左副眼鏡啦，」
 
「唔係架，我睇到架，」做人那能輕易放棄？於是我又把筷子一移，
 
終於夾著甚麼硬物，卻又被文靜打斷，
 
「你唔係想夾住隻雞髀成隻咬啊？」文靜笑道，牛奶聽著也跟著笑起來。
 
「好啦好啦，」我終於沉不住氣，「既然係西餐廳，又點解會有筷子架？」
 
話才說罷，我即覺有人用力在我腳上踩了一下，
 
「講返頭先個問題先啦，」阿翔盡量裝得自然，「牛奶妹你鍾意咩男仔啊？」
 
「我啊？」牛奶妹笑意未止，「其實好似竹生咁可可愛愛都唔錯啊，」


 
我一聽此言，便知道自己大禍臨頭。
 
 
 
阿翔這個小醋埕，聽得牛奶妹出言稱讚我，
 
定然是要不喜歡了，不出所料，隨即阿翔便在我腳上猛踏，踏得我苦不堪言，
 
但我想他心裡也不好受，也就由他罷了。
 
「講返認真先，」牛奶妹笑後又說，「我覺得男仔最緊要鍚我既，
 
乜野都假，最緊要關心自己嘛，」
 


我聽著點了點頭，想她的要求真的比文靜簡單。
 
「同埋唔可以出賣我，要真心對我，
 
唔可以介意我既過去，我唔想講既野佢唔可以追問，
 
要縱下我，照顧我，我有時發脾氣佢唔可以嬲我，
 
因為啊，我係鍾意佢先會對住佢發脾氣啊，」單聽聲音也知道她笑得很甜蜜。
 
「就係咁簡單咋？」阿翔聽著也是歡喜，放過了我無辜的一隻腳。
 
「Um …… 咁當然最好係可以事業有成啦，個人最好要成熟，
 
我唔鍾意男仔太幼稚，」牛奶妹說者無心，
 
可我知道阿翔聽後，定然是要發作了，
 
於是我趕在前頭把兩腳伸長到文靜椅子下，免得無辜受累。
 
我正慶幸自己先知先覺免去一劫，卻突然感覺頭上一涼，
 
一頂草帽已被人除下，然後是一邊很熟悉的聲音，
 
「喂，唔好以為換左個Look我就唔認得你喎！」