我去左間 Cafe 打工 , 想溝入面個 Mk 妹女同事: 翔哥仔，你可唔可以著返件衫啊？

醒來時發覺身邊沒人，微微睜開眼來，卻見阿翔光溜溜的就站在房中，
 
「嘩！」我大嚇一跳，立時從床上跳起，
 
想莫非他姊姊喜歡同性時，他也有斷袖之癖？
 
我可接受不了啊。
 
「你醒啦？」阿翔笑問，那個笑容很溫柔。
 


「你 …… 你 …… 你做咩啊 …… ？」難道我入睡以後，竟遭他淫辱了？
 
「家姐話出去食飯啦，你都快D起身啦，」
 
他說著一邊換上了一件襯衣，打了一條領帶。
 
「食 …… 都係食餐便飯姐 …… ？」我問，想怎麼他要打扮得如此誇張。
 
「唔係啊，有家姐啦，我啦，你啦，仲有牛奶啊，」
 


阿翔說著興奮，似是忘過了今早的情傷，年輕人就是看得開。
 
「哦，好啦好啦，」於是我便坐了起來，
 
只覺睡意未消，整個人仍是昏昏沈沈的。
 
那知就在此時，阿翔卻突然走到我身前，伸手想要把我的上衣脫去。
 
「你 …… 你想點啊 …… ？」我立時驚醒過來，退後幾步。
 


「唔係搞你啊，」阿翔說，走過來又要替我脫衣。
 
「咁你 …… 你想點啊？」我驚魂未定，不敢讓他走近。
 
「你同我家姐食飯喎，梗係要著得得體D啦，你要追我家姐架嘛，
 
點可以失禮佢啊，黎啦，我借件衫你著啊，」
 
說著他打開衣櫃，見裡頭先整齊的一行襯衣。
 
「唔洗咁誇張啦 …… 」我說，除了上學以外，都沒有好好穿過一件恤衫。
 
「唔得啊，今日你要追我家姐，我要追牛奶妹，
 
我地要一齊努力，點可以賴低你呢？」阿翔興致勃勃的。


 
「咁啊 …… 」我仍是猶豫不決。
 
「唔洗咁啦，」阿翔說著已拿了一件淺藍色的襯衣拼到我身上，
 
然後搖了搖頭，「你個人生得矮，個樣又細個，唔襯著到咁斯文，」
 
阿翔說起來頭頭是道，但我想起自己二十多歲才不過長一米六左右，
 
只覺上天真是太不公平了啊。
 
「唔得喎，我成個衣櫃都係純色既恤衫，點算好呢 …… 」
 
阿翔很認真看待，我看著不忍要他失望，只有配合好了，「啊，有啦有啦，
 


仲有件萬中無一既 …… 」阿翔說著蹲下去，
 
在衣櫃底找來一件花紋的夏威夷襯衣，又拼到我身上，然後滿意地點了點頭，
 
「係啦，係咁啦，Fit晒，」阿翔說著便替我穿了上去。
 
阿翔比我高出些許，這件夏威夷襯衣穿起來有點不稱身，
 
「係咪 …… 係咪好似太大件啊 …… ？」
 
我心裡只覺好好吃一頓飯，整齊就好了啊，也沒必要這麼穿起沙灘裝。
 
「岩架啦，咁先有個味道啊，」阿翔笑說，「不過都仲差咁D野，」
 
說著又替我找來一頂草帽、一副墨鏡和一條貝殼項鍊，全都給我帶在身上了。


 
「啊，係咁啦，即刻成個感覺唔同晒，」阿翔笑說，對自己的作品很滿意。
 
而我從墨鏡中看著鏡中的自己，只覺漆黑一遍，就是路也看不到，
 
真不知道Mark哥是怎麼在室內也帶著太陽眼鏡的。
 
「即係 …… 會唔會 …… 有DD …… 唔係好岩場合呢 …… 」
 
我想現在是到酒樓啊，不是到沙灘，這樣也太異相了。
 
「岩架啦，Fashion既野，最緊要係咩啊？」阿翔問，「睇你都唔知架啦，
 
係主題啊，最緊要有個主題係度，其餘都係次要，
 


你個Look咁Summer，已經贏左架啦，」
 
「係咪架 …… ？」我將信將疑，但想阿翔把我當是朋友，也不會陷害我。
 
「係啦，行啦，肚餓啦，」說著阿翔便拖起我的手，走出房門。