我去左間 Cafe 打工 , 想溝入面個 Mk 妹女同事: 英雄救美。

「咩 …… 咩話 …… ？！」我實在不敢相信阿翔的話。
 
「佢而家鍾意女人姐，但係只要令佢變返正常就得啦，
 
第二個男人同我家姐一齊我係唔肯架啦，不過竹生，我當你係我朋友，
 
我信得過你唔係要呃我家姐，就咁話啦，一於由你去做！」
 
阿翔一臉誠懇的看著我。
 


「唔 …… 唔得架 …… 我做唔黎架 …… 先唔好講 …… 」
 
我想說自己心裡已然有了小草，但怕阿翔要失望，便止住不說，「唉 ……
 
總之就係我肯應承你啊，文靜都唔會鍾意我啦，我改變唔到佢架 …… 」
 
怎麼類似的情節好像在那裡見過？
 
啊，對了，文靜要我改變小草時，也是要我當起她男友才慢慢潛移默化，
 


只是我心裡沒有文靜，這樣欺騙感情的事，我可萬萬不願做。
 
「你放心啦，家姐鍾意咩，唔鍾意咩，我全部都一清二楚，
 
有我做你軍師既時候，佢一定飛唔出你五指山，」阿翔說起來信心滿滿。
 
「但係 …… 我對文靜佢又 …… 無感情 …… 咁樣咪即係呃佢 …… 」
 
我總覺不妥，若待文靜喜歡上我時再把真相告訴她，她可會傷心欲絕啊，
 


還有我要追求小草的事呢，這樣我的大計可就泡湯了。
 
「你唔係呃佢啊，掉返轉，你係幫緊佢，做緊好事啊，」阿翔說，「仲有啊，
 
你頭先應承左話要幫我，你唔講口齒啦？」
 
「咁 …… 咁我又真係應承左你 …… 」唉，以後還是不要輕易許諾。
 
「無錯啦，唔可以反口，所以呢你就 …… 」阿翔正說著，
 
門外卻傳來「啪啪」兩響，
 
「喂，竹生，出黎幫手啊！」文靜說來似是很著急，不知外邊起了甚麼變故。
 
 


 
我聽著文靜的語氣，知道事情非小，便暫時忘過與阿翔的事，趕了出去。
 
「做咩啊？」我問，只見文靜把她的友人牛奶妹摟住。
 
而那女孩臉色蒼白，兩手掩住小腹，似是十分難受。
 
「牛奶佢 …… 佢突然話個肚好唔舒服 …… 點算啊 …… ？」
 
文靜很徬徨，女人還是需要有個男人在旁照顧才是。
 
「唔怕唔怕，快D報警，叫十字車黎，」我正說著，
 
阿翔也從房中走了出來，看個究竟。
 


「唔係啊，我幫佢約左Dr . Ma，診所就係附近咋 …… 」文靜說，「點啊，
 
牛奶你行唔行到啊？」文靜問。
 
那女孩拼命忍著痛苦，只是默默的搖了搖頭，想是走不上半步。
 
「咁快D叫白車啦，快D快D，」我說，想人命關天，刻不容緩。
 
「唔好啦，仲得十分鐘太遲啦，你抱佢去啦，三四分鐘就到啦，」文靜說。
 
「抱佢 …… ？我 …… ？」我聽著一驚，「我 …… 我唔得架 …… 」
 
我想如此重任，實在難當，還是等救護車好了。
 
「唔緊要 …… 我抱佢去啦 …… 」背後一人說，卻是阿翔。