我去左間 Cafe 打工 , 想溝入面個 Mk 妹女同事: 唉，我又有一個新任務，真係忙。

「我家姐好野蠻咩？」阿翔神色之間又有異象，
 
一個正值青春期的孩子，情緒真是波動得很，叫人難以捉摸。
 
「咁 …… 又唔係 …… 不過係可以溫柔DD …… 」我說。
 
「我家姐好溫柔啦，就係太溫柔啦，對個個人都太好啦，」
 
阿翔突然很激動，「我同你講啊，我家姐係全世界最好，最完美既女人黎啊！」
 


「咁 …… 佢又真係幾好既 …… 」除了野蠻一點，脾氣壞一點。
 
「唔係幾，係好好！」阿翔又說。
 
「好啦好啦，係啦，佢好好啦，」我想阿翔對她姊姊這麼壞，
 
怎麼又說她是世上最好的女孩啊？
 
「你敷衍我？」他似是看破了我的心事。
 


「咁 …… 咁又唔係 …… 不過我係唔明 …… 唔明點解你講到你家姐咁好，
 
而你自己又對佢咁衰姐 …… 」我問。
 
「我 …… 」阿翔說著哽咽起來，別過了臉去，「家姐佢 …… 唉 …… 」
 
 
 
「你講比我知啦，最多我唔同返你家姐講啦，
 


旁觀者清嘛，話唔定我幫到你呢，」我對阿翔說。
 
「外人好難會明架啦 …… 」阿翔低下頭，悶悶不樂的。
 
「嗯，」我想也不可能貿然要他向我坦白一切，
 
倒不如先拋磚引玉，「你係唔鍾意阿希 …… ？」
 
「唔好再提個Gay婆啊，」阿翔反應很大，「我真係唔明啊，我真係唔明啊，
 
點解我家姐樣樣都咁好，就偏偏係要鍾意女人，
 
個Gay婆簡直係污染左我家姐係我心目中既形象啊！」
 
我聽著不錯，文靜這麼一個美人胚子，喜歡女人實在是有點暴殄天物。


 
「咁鍾意女仔都唔係錯既 …… 」
 
我勉強為文靜辯解，「個世界唔係男仔就係女仔，咁既然文靜佢 …… 」
 
「你根本唔明，佢以前唔係咁架 …… 」阿翔說。
 
「下？」我聽著有點意外，「呢D野 …… 唔係天生架咩？」
 
我沒有試過喜歡男人，自然是不知道。
 
「唔，」阿翔搖了搖頭，「係因為一件事 …… 」
 
「因為咩事啊？」我問，實在很想知道當中的內情。
 


阿翔沉吟片刻，正想要把真相告知，卻突然靈機一觸，
 
「咪住！！」他突然用力拉住我。
 
「做 …… 做咩啊 …… ？」他兩隻手就搭在我的膊上，嚇得我顫了一顫。
 
「以前既事改變唔到，但係來者可追，」阿翔眼裡充滿著希望，「喂，竹生，
 
你當唔當我係朋友先？」
 
我聽著胡里胡塗的，怎麼他話與話之間都沒有半點關連？
 
「我地握過手，就係做好朋友啊，」我答。
 
「嗯，好，好兄弟，」他又在我的膊上拍了兩拍，「我要你幫我個忙。」


 
「你係文靜細佬，又係我朋友，幫到我一定會幫既 …… 」我說。
 
「好，君子一言，」阿翔看著我的雙眼。
 
「快馬一鞭，」我答，他聽著很歡喜。
 
「我要你幫我去溝我家姐，令到佢鍾意返男人！」阿翔說。