我去左間 Cafe 打工 , 想溝入面個 Mk 妹女同事: 拿拿拿，講到尾最緊要都係自己荷包，唔好打劫我啊！

文靜沒有理會我，只是繼續把她要說的說下去，
 
「我姓文，單一個靜字，阿翔係我細佬，」文靜說。
 
「哦 …… 」我聽著鬆一口氣，「原來係咁 …… 嚇死人咩 ……
 
好啦好啦，你繼續講啦，究竟係咩事啊？」
 
「所有野就要由兩年前講起 …… 」
 


文靜淡然的把往事細說從頭，「爸爸媽媽係個種好傳統，重男輕女既人，
 
即係你D同類啊，」文靜說，兩眼卻是空空洞洞的，「佢生左我之後，
 
一路都想追多個仔，所以後來就有左阿翔，
 
咁好自然，阿翔就係佢地既心肝寶貝，係屋企都係萬千寵愛在一身，」
 
我點了點頭，想中國確是個重男輕女的社會，
 


就只杜甫有那種幽默感反說「信知生男惡，反是生女好。」，
 
「咁阿翔都係抵鍚既，佢讀書好叻，運動又唔差，係個人有時反叛左小小，」
 
文靜續說，我又點了點頭，想每人也總有反叛的時候，也怪不得他。
 
「就係兩年前，佢突然離家出走，詳情唔講啦，總之最後都係搵得返，
 
但係佢就講到打死都唔要再同阿爸阿媽住，
 


最後係無可奈何之下，佢地就租左呢個地方比佢出黎住，
 
咁佢地怕個寶貝仔一個人，就梗係唔放心啦，於是又叫埋我過埋黎陪佢，」
 
我看這間屋子地方寬闊，文靜的家境其實也不壞，
 
「但係屋企環境係點，我又點會唔知啊？」
 
文靜說著默默流了一行淚，「本來要供一層樓已經好吃力，
 
為左阿翔搬出黎住，又怕佢住得唔舒服，
 
淨係供樓租樓，屋企都已經無左大半既錢啦，」
 
我聽著心裡一酸，這孩子也太任性了，


 
「你就係因為咁所以咁早出黎做野？咁阿希又係邊個啊？」
 
我問，心裡千百個疑問未解。
 
「唔，」文靜搖了搖頭，「你聽我講埋先啦，」
 
「好啦，你講啦，」我說。
 
「嗯，問題就係由我同佢開始住之後開始 ……. 」
 
文靜說，「兩年前我識左阿希，但係偏偏阿翔就好唔鍾意佢，」
 
「阿希幾好啊，點解要唔鍾意佢啊？」
 


我想起剛才文靜把我按在梳化上，也幸得阿希替我消了一劫。
 
「因為佢同我一齊囉，」文靜答。
 
「咁 …… 咁又有咩問題啊 …… ？」那麼他也該討厭小月、Kay媽她們啊，
 
「你仲係唔明啊？」文靜問。
 
「我 …… 明明地 …… 又唔係好明咁 …… 」
 
其實是不明白，但這樣說來沒有顯得我那麼愚笨。
 
「都唔怪得你既，」文靜苦笑，「或者咁樣講啦，
 
我同阿希係情侶，我係鍾意女仔架，」


 
我聽著心頭大震，
 
「啊？你唔鍾意男人架 ……. ？」
 
「嗯，我最憎男人，男人都係衰人黎，」文靜說，「所以我隻狗都要叫做男人，
 
所有男人都係好似隻狗咁，淨係識擺尾，你對佢好呢，佢又身痕，
 
但係你對佢衰，佢又反過黎當你神咁拜，你話係咪犯賤？」
 
我心想這也太偏激了啊，真不知文靜到底經歷過甚麼才會對男性有如此觀感，
 
但想她現下情緒波動，我也不好相問。
 


「係啊係啊，男人都係狗啊，」我假意附和，但總覺得怪怪的。
 
文靜聽著淡淡一笑，然後又說起來：
 
「本來阿翔佢都唔知我係鍾意女仔既，但係我地兩個人住埋一齊，
 
仲有咩瞞到佢丫？」她說著長嘆一口氣，「以前同爸爸媽媽住，
 
我都唔敢咁明目張膽，但係得返我同阿翔兩個，
 
我自然就鬆懈左，成日會叫阿希上黎，
 
唉，其實上得咁密，佢都應該發覺唔妥架啦，
 
我仲諗住佢會明我，體諒我，點知 …… 」文靜說著開始哽咽起來。
 
「我本身都無諗住同佢講既，始終呢D野都好難開口啊，況且佢都無必要知道，
 
但係 …… 或者都係天意黎既 …… 」文靜又苦嘆一口。
 
「即係點啊？」她這樣說了跟沒說也差不了多少，叫人聽得心癢癢。
 
「即係 …… 好難講得你明喎 …… 嗯，或者咁講啦，有一日得我同阿希係房，
 
點知佢突然返左屋企，比佢見到D唔應該見到既野，咁囉，你明唔明啊？」
 
「下 …… Er …… 總之佢就知道左啦，係咪？」
 
我聽著實在不明白，但想裡頭的細節不重要，也就懶得去搞清。
 
「嗯，你當係咁啦，」文靜又說，「阿翔佢見到之後，反應好大，
 
發左好大脾氣，好似頭先咁趕走左阿希，」
 
文靜說著輕輕的抽泣起來，「我好怕 …… 好怕阿翔佢唔鍾意 ……
 
所以之後都係我上阿希屋企搵佢，亦只有趁阿翔唔係度，我先敢叫阿希上黎，
 
佢本來早幾日同我講話去左Camp，要過一個禮拜先返，
 
點知佢 …… 點知佢 …… 都係天意黎既 …… 」
 
我聽著只覺文靜實在很愛惜她的弟弟，
 
唉，若是我也有一個這樣的姊姊，你說多好。


「咁 …… 唉 …… 」我想要安慰文靜，但又怕說錯話，反而惹得她更惱，
 
少說少錯，不說不錯，我還是不說好了。
 
「跟住自從個次之後，佢就好似成日有心避開我咁，
 
一日都唔知係屋企見唔見到佢兩個鐘，後尾佢仲同我講，
 
講話中學畢業之後就要去外國讀書，以後都唔返黎啦，」
 
文靜淒然說道，「我有時係度諗，而家就好似爸爸媽媽無左個仔，
 
我又無左個細佬咁，或者總有一日，佢會唔認我呢個家姐啦，」
 
「點都係骨肉相親，又點可以唔認呢，」我說，
 
心中實在不忍看到文靜如此淒苦，「就係因為咁，所以你要努力搵錢比佢去讀書？」
 
我又問，想到外國留學的開支可不少。
 
「佢今年就畢業啦，但係去外國讀書，乜野都係錢啊，
 
阿翔佢過左去之後，呢度係就係唔洗再租落去，
 
但係佢係個邊要食要住要交學費，屋企根本就無能力比，
 
阿爸阿媽又唔係唔知，但係佢地望子成龍，反而讚成佢咁做喎，唉 ……
 
我話啊，阿翔過左去之後，可能就以後唔返黎啦 …… 」
 
原來文靜所以要敲詐我的薪金，為的便是她的弟弟，
 
這真是個可歌可泣的故事啊，他要是早跟我說，
 
這樣我就是把所有的積蓄都給了她，也是無悔啊。
 
「佢總會明你對佢好架 …… 」我捉起文靜的手，溫柔的對她說。
 
「唔，」她搖了搖頭，「佢唔會明，」
 
「唔怕，我幫你同佢講！」我說，想總要幫上文靜一個忙，
 
再說若是能勸退她的弟弟不要到外留學的話啊，
 
呵呵，我可省卻不少脫毒的學費呢，真是何樂而不為？