我去左間 Cafe 打工 , 想溝入面個 Mk 妹女同事: 阿希 ...... ？你係阿希 ...... ？

我往下一看，見自己還是穿著那條淡黃菊花款式的短裙，
 
又見小月正拿著自己的內衣褲，不禁登時羞得滿臉發紅。
 
「得啦，我自己著得啦，」我急得一手搶過小月手上的衣衫，
 
然後走到她背後，匆匆忙忙的就換過了。
 
「唔講啦，我走啦，聽日見啦，」我說罷便即頭也不回的走了。
 


「主人 …… ！你漏左野啊 …… ！」臨行前我隱約聽到小月把我叫住。
 
但我又想起自己剛才醒來時下身黏稠稠的，
 
我此時就是再不懂風月之事，也知道羞人，
 
於是我便充耳不聞，直奔往碼頭，裝作甚麼也沒發生過。
 
這次沒了小月陪伴，一個人顯得有點冷清，
 


但沒了小月在旁嘮嘮叨叨，也總算偷得半點寧靜。
 
我閒來無事，便整理了一下衣袋，見錢包、電話、鑰匙都完好，
 
可我又總覺得自己遺留了甚麼，但再點算一下，卻又都齊全，
 
想是我昨夜睡得不寧所致，於是我便閉眼睡了一會，
 
也用不多時，我便又回到市區了。
 


 
 
下船以後，我便依著文靜給的地址走，
 
走著走著，我想起自己徹夜未有回家，母親是要替我擔驚了，
 
於是我還是先撥一個電話報報平安。
 
「我 …… 我 …… 琴晚去左朋友屋企，你唔洗擔心我啊 …… 」
 
我說，總不能說是到了小月的家。
 
「你廿幾歲成年人黎架啦，唔洗咩都同阿媽講，」
 
母親笑說，「你成日痴住屋企我先驚啊，男仔就係要出去闖啊，不過呢 ……


 
你個同事啊 …… 」
 
「我同事 …… ？」我問。
 
「個女仔呢 …… 啊 …… 叫阿Jude啊好似，
 
佢打過電話黎話帶左你去玩，叫我唔洗擔心，你唔知咩？」她問。
 
我聽著一驚，原來Jude又在背地替我打點好了嗎？
 
「哦 …… 我知啊我知啊 …… 」我說，怕母親為我擔憂。
 
「嗯，快D識返個女仔啦，阿Jude係好女仔黎啊，
 


你再無女朋友啊，阿媽真係擔心你係Gay架，」她笑說。
 
「點會喎，」我忙道，想自己也不討厭同性戀，但不孝有三，無後為大，
 
不能傳宗接代確是罪過。
 
「唔理你啦，總之以後你唔返黎唔洗同我講啦，
 
成日打過黎，你唔嫌煩我都嫌煩啊，」她笑說，然後便掛了線。
 
我想母親不過是心不對口，世間上那又不記掛自己兒女的父母？
 
以後還是要好好交代自己的行蹤才是。
 
如此想著，已然到了文靜的家門前。


 
「叮噹，」我輕輕按下門鈴，那知卻迎來連聲犬吠。
 
我心裡暗驚，莫非文靜家中養了狗隻？我可怕得要命啊。
 
「BB，開門啦，」大門還未打開，即又聽文靜在裡頭大叫。
 
然後又傳來數下腳步聲，大門才終於徐徐打開。
 
「你一定係竹生啦，文靜成日講起你啊，」
 
開門的那人笑說，「我叫阿希啊，你叫我阿希得啦，」
 
我看著一驚，
 


「阿希 …… ？你係阿希 …… ？哦 …… 阿希 …… 」