我去左間 Cafe 打工 , 想溝入面個 Mk 妹女同事: 我女神係公廁？！

離開了公園以後，我追上了文靜和小月，
 
「喂，搞咩咁耐啊？」文靜問，可沒等我答過，她又說下去了，「喂，快D啦，
 
頭先搞一搞，搞左成個鐘，就黎天光啦，我個周末啊！」
 
原來說到底，她在意的還是她的假期。
 
「文靜姐姐 …… 」小月突然停下腳步，拉住文靜的手，「小月 …… 」
 


「嗯，唔洗講啦，」文靜搖了搖頭，「我當咩事都無發生過，
 
你仲係個個同我情同姊妹既小月，」
 
「但係 …… 」小月似乎心下歉疚，想要跟文靜坦白一切。
 
「但係你再唔行快D，阿Jude佢地走左，我就真係嬲你啦，」
 
文靜笑說，仿佛把剛才的事都統通拋之腦後。
 


我看著心裡一寬，只覺能交到文靜這種朋友，實在是福份。
 
於是我們加快了腳步，急急回到剛才那酒吧底下，
 
那知卻又見到小草的身影。
 
 
 
「小草 …… 」我輕輕喚著她的名字，
 


只見她身旁又換了一個男伴，這次是個身材高大，留著鬍鬚的男子，
 
那男子伸手搭著她的膊，形甚親密。
 
「唔好望啦，我地上返去先啦，」文靜說，就拉著我要走。
 
「咩唔好望啊，小草啊 …… 」我說，
 
仍是痴痴的看著她和那個男子，可他們二人情意綿綿的，也沒察覺到我們。
 
「你再望落去咪又係得個傷心，有咩為姐 …… 」文靜說。
 
「呢個就係佢男朋友啊？」我問，想剛才的Kelvin是外遇，
 
這個怎麼想來也該是男友吧，「又幾Man喎，都同佢好襯啊，」


 
說著不禁有點自慚形穢。
 
「哎呀，你好長氣啊，叫你唔好問就唔好問啦，」
 
不知怎的，文靜竟有點不耐煩。
 
「但係 …… 」我還是忍不住多看了幾眼，只見他們兩個越走越遠。
 
「你再係咁我就唔幫你脫毒啦，」文靜仍是拉著我離去。
 
「唔好啊唔好啊，」我忙道，「我都係問下你個個係咪佢男朋友姐，
 
你唔好嬲我啊，」我怕她當真就要把我放棄。
 


「唔係啊，咁你滿意未啊，你個人有時真係好煩啊，」文靜滿臉不快。
 
「唔係 …… ？」我思索著她的話，想若這個鬍鬚男也不是小草的男友時，
 
即是說她一晚就有兩個外遇？這可不得了啊！
 
「咁你仲唔叫住佢？！」我驚道，「佢男朋友好慘啊，」
 
將心比己，若是我的女友對自己如此不忠時，我可會難過得很啊。
 
「佢男朋友？」文靜冷笑一下，「佢男朋友係鍚佢你估小草會咁？」
 
「咁都係啊，一個女仔又 …… 」往下齷齪的事，我也難以啟齒。
 
「就算佢男朋友係真係Care佢都好，你咪當無知都係一種福份囉，


 
起碼小草做緊既野，佢完全唔發覺，唔知咪等於無發生過囉，」文靜說。
 
「咩 …… 咩無發生過啊 …… ？佢係你姊妹啊，你點可以睇住佢 …… 」
 
我想她對小月如此時，對小草也必然如是，
 
故特意說起「姊妹」二字，想要動之以情。
 
「要勸既都勸過晒啦，」文靜說，「小草換男朋友仲快過我換新衫，
 
有D野你改變唔到，就唯有希望佢玩得安全就係啦，
 
你又點知呢種唔係佢想過既生活？」
 


「你又點知呢種唔係佢想過既生活 …… 」我把文靜的話輕聲重覆一遍。
 
「無錯啦，即係好似你鍾意滿口古文，我聽住都覺得唔鍾意架，
 
但係呢種係你鍾意既生活方式嘛，唔通我又去阻止你咩？
 
同樣道理，小草鍾意身邊有一堆男仔圍住佢轉，你問我鍾唔鍾意，
 
我當然唔鍾意，亦都唔想見到，但係我又有咩權去阻止佢？」
 
文靜說得頭頭是道，我聽著雖不以為然，但實在也想不來甚麼反駁。
 
「所以呢，」文靜續說，「食得鹹魚抵得渴，你要繼續對人一往情深既，
 
呢樣野你一定要忍到，你諗你啦，」她說得好像事不關己似的。
 
「我 …… 」我正說著，卻又見到一個熟悉的身影。