我去左間 Cafe 打工 , 想溝入面個 Mk 妹女同事: 又撞到？！咁巧合？！

「唉，大哥大哥，你輸左之後，小月以後要跟佢走啦，」
 
「咳咳，我無輸，我不過係眼訓，所以唔小心訓著左姐，」
 
「唔係啊唔係啊，我已經講到明我地會返去報仇啦！！」
 
「唉，報仇？小月個心都唔係我度 …… 報到仇又點？唉 …… 」
 
「咳，咁就唔岩啦，雖然今次我讓左佢地一仗，
 


但係只要下次贏到，小月都照樣會同佢分手，二弟你放心，小月一定會係你既。」
 
「無錯啦，二哥，我都已經幫你諗好左對策架啦，今次我地有贏無輸，哈哈哈！」
 
「咩對策啊？唉，睇個騎呢怪傻頭傻腦咁，但係小月就對佢 ……. 唉 …… 」
 
「佢搞到我二哥成個人落晒形，我今次一定要為二哥你一雪前恥！」
 
「你有咩好辦法啊？」
 


「哈，犀利啦，酒量當係佢贏，
 
但係我今次要同佢鬥持久力，佢點都要輸啦，哈哈！」
 
「持久力？！！！」
 
說話的自然是千鍾粟、黃金屋、顏如玉三怪，
 
我聽著心裡也是一驚，原來他們三人已密謀如何對付我，這可不得了啊。
 


我正想要繼續探聽敵方軍情，卻被文靜輕輕在膊上搭了一搭。
 
「喂，比佢地見到小月又唔知點算啦，」文靜輕輕在我耳邊說。
 
我聽著覺得有理，若小月又被他們三人纏上，可就麻煩了。
 
「嗯，咁點算啊？」我問，想法子可不是我拿手的。
 
「你同佢落樓下避一避風頭先啦，」
 
文靜說著已然輕輕從後推了一把，要我站起，「都係唔好啦，我同埋你地一齊去，
 
得你一個陪住小月我唔放心啊，」她說，「阿Kay，阿Jude，
 
你地幫我睇一睇住佢啊，我一陣就上返黎，」


 
文靜臨行前還是忘不了那個小女孩的事，怕她一人寂寞。
 
「唔洗你講我地都會啦，」Kay媽笑說， 而那小女孩則只是拼命的喝著啤酒。
 
「好啦，快D行啦，小月，Go！」文靜說著便帶著我們二人離去。
 
那知還在候著升降機，卻見防煙門處走出小草和Kelvin二人，
 
但見小草春光滿臉，兩頰暈紅，也不知道他們剛才有過甚麼勾當。