「突發」打打下丁比人捉左去研究所做實驗品: 比賽開始

「無見你地咁耐，有冇掛住我呢？」

我一聽到把聲，我就知係仆街ben，再經過呀華既死令我更討厭佢地，我話過我一定會幫呀華，

仲有茂仔報仇，我擰轉頭，望到呀ben副眼鏡，我就想衝過去打爆佢，呀ben笑左一聲

「唔錯呀你地，果然冇估錯，你地連王牌隊伍都搞得掂，可惜囉，死左個人，叫咩話佢？唉，是但啦，

反正死嘅，一定係垃圾，哈哈哈」





我握緊拳頭急步衝上前，一拳打落去呀ben度，就打到佢嘅時候，黑超男即刻擋住，

我個一拳好似打左落棉胎度咁，就咁睇好似毫無力度，但係我明明出左力，

「哈，有火係好嘅，不過留番去比賽度出啦」呀ben不知天高地厚咁講，

我地全部人冇一個唔係拎怒視既眼光望住呀ben，呀ben不以為然，穆林同我地講，

「大家，我知你地忍得好辛苦，我地化悲憤為力量，蠃左比賽，之後就燒左呢度」我地只好聽從意見，





因為我地就算反抗，依家都太多不明朗因素，比賽完左先算啦，呀ben就話

「比賽係一年一度既事，表現得好，就可以出去，唔好就要接受處分，你地既對手係呀力奇，

佢管嘅係女性，我管既係男性，唔好因為人地係女就心軟，人地唔係人咁品，今年比賽係三局二勝制，

你地全部同我起身，依家要行啦，阿力奇等緊我地」。

之後我地係幾個黑超男嘅「護航」底下，到左一個類似體育館既野，我打開門既時間，





第一個諗法就係詩詩，佢唔通係個個咩呀力奇部下嘅一員？咁我即係要打佢地？！諗到呢度，

門打開左，我眼前係一班係度傾計既女仔，我地全男班當然嘩左一聲，因為我地太耐無接近過女色，

依然仲要咁多個，不過這些機會，我即刻搵下有冇詩詩既影蹤，我只見有一條長腿，我沿著長腿上望，

吞左啖口水，個樣咁熟既？係就係幾靚女，不過，係啦！！佢係果日係詩詩格離既長腿姐姐，

我望一望左手邊，只見一個得得意意，眼仔水汪汪，一雙馬尾，最緊要係頭上既一個髮夾，

係當年我比詩詩嗰嗰，佢仲帶住，姐係仲記得我啦！我即刻衝過去大叫，「詩詩！！」，

男超男無啦啦係度話「比賽未開始，唔準接觸佢地」，我擰轉頭一野打落黑超男度，

「咪撚阻住我搵女呀呀呀呀！！」，之後全場只剩下我既回音，之後幾個黑超男搬番我去男仔區，





我一路大叫詩詩！！你望下我啦，我係天仔呀！！詩詩！！，但係詩詩不為所動，

好似詩詩唔係佢個名咁，係呢個時候詩詩變左一個陌生人，唔通佢因為做左D實驗搞到佢唔記得左我，

如果係咁，我一定要令佢記番起我，你等我呀，詩詩。

「比賽開始，第一回合，請雙方派出三個人出戰」，把聲好冷淡，但係唔係黑超男既無表情，

而係好似一把把匕首係你頸部果一種壓迫感，係我眼前既，係一個高佬，佢就係阿力奇？

佢同呀ben完全唔同，呀ben係令人想打佢，佢就係令人唔想去接觸佢，我地經過商量後，

決定派出呀鴉，呀鋒仲有穆林，我就要坐底冷靜下，諗下詩詩點解唔理我，





女仔方面派左一個短髮個樣有少少baby fat，之後果兩個都係金髮嘅，兩個都好似樣，雙胞胎？

「好啦」，呀力奇就話，「你地今次要做既野就係」，講到呢到，有一個黑超男企左出嚟，

「除左佢副黑超！！」