「突發」打打下丁比人捉左去研究所做實驗品: 消失

「呀仔，起身啦，d飯涷曬啦」一日平平無其嘅星期天，我一如既往咁比呀媽叫醒食飯，「黎啦！」

我刷一刷牙就行左出聽食飯，果然老豆唔係屋企，唔怪得咁靜啦，呀媽好似平時咁一邊食一等我，

係我食飯前我都會開一開電視先，「大家好，我係吳景進，同大家睇下今日嘅最新聞」電視雖然開住，

但醉翁之意不在酒，我開電視嘅原因只係想有D聲聽下廢事咁悶，

「今日係樂晴邨明樂樓入面發生左一宗謀殺案，死者楊先生同佢妻子都慘遭兇徒殺害，





行兇手法非常殘酷，事主有十三歲嘅女兒不知所蹤，暫時並未知道兇手行兇動機，跟住另一宗......」

楊先生，明樂樓，十三歲女兒，我即刻放低飯碗跑左出門，「呀仔，做咩呀！」，宜家我幾乎可以肯定，

係詩詩嗰一家人比人殺，我即刻跑向去明樂樓，我個心不停咁跳，越跳越快，「扑扑扑扑扑」，

唔知衝左幾多盞紅登嘅我，終黎到明樂樓，成頭大汗嘅我一入到明樂樓，只係見到，

一大批警察係道搵人落口供，我即刻走過去問其一位警察，





「唔該，我想問唔見左嗰嗰女仔係叫咩名呀？」，

警察好唔耐煩咁話:「好似係叫咩楊洛詩wo，做咩呀你識佢呀？」

我並冇答佢，只係默默咁行開，「冇事嘅，發夢啫...」我不停安慰自己，其實我知道係事實，

但唔知點解我就係冇勇氣面對，之前先話要同佢入同一間中學，又話大個又都唔可以唔搵對方，

就係今日將呢一切都化為烏有，最後警察都係因為冇線索而結束調查，連兇手都搵唔到就結束，





咁算咩結束呀！嗰時嘅我，咩都做唔到。

如果係宜家嘅我，又可以做到d呀，詩詩.....

「呀天，唔好諗太多啦，可能佢唔係詩詩呢，

之前場訓練如果唔係你拎到北極之星我地一早比人處決左啦，唔好怪責自己啦，

如果嗰嗰女仔係詩詩嘅話先再算啦」穆林又一次打破我嘅思考，

「都係呀吉嘅功勞，唔關我事...」我身旁嘅呀吉即刻發出「喵喵」聲好似認同我講嘅野咁，

我抱起呀吉摸下佢，我會好好照顧呀吉架，放心啦，呀華，我頭頂比硬物打左下，轉頭一望，

原來係呀鴉用刀柄打左我一下，「船到橋頭自然直啦，係鍾意嘅，打贏場比賽，再同佢地傾囉，





你宜家係度諗都冇用架，諗下點同其他人打好過啦，你咁耐先黎到你去左邊呀？」，「比你睇下」

我將頭頂嘅液體聚集到手上，拳頭其快無比，「好！」呀鴉拔刀頂左我呢一拳，呀鴉淡淡一笑就坐番低，

「大哥哥做左D咩呀？咁勁嘅」余軒雀躍咁問，我笑住咁答:「做D改造咪搞到咁囉」，

「我又要，我又要」余軒天真咁講，人不可以貌相，

坐左係道玩飛刀嘅呀鋒話:「呀天，唔好話我唔教你呀，媾女最忌太上心呀」，

「得啦，邊個話要媾佢啫」，「你自己知就得啦」，我都冇再應佢，只係繼續玩呀吉，

我發現呀吉戴住一條有粒紫色寶石嘅鏈，我摸一摸粒寶石，寶石竟然發出淡淡嘅紫光，





正當我想再睇清楚粒野嘅時候，呀吉抓左我一下，可能係想叫我唔好搞掛，既然係咁咁我都無謂再搞啦，

可能會爆炸掛。



「咔嚓」門再一次打開，

「各位，係咪等左好耐呢？宜家我就同大家講清楚咩係比賽」