「突發」打打下丁比人捉左去研究所做實驗品: 收放自如

「大猩猩，係你逼我打柒你架」我淡淡咁講出呢句野，宜家嘅我要打敗佢根本就係易如反掌，

我用手接硬佢之後，手臂上傳黎一陣一陣劇痛，不過我完全唔在乎，一瞬間，

我感覺到手臂有大量嘅液體流動，證明左大猩猩今次嘅攻擊係比頭先嗰一拳黎得更大力，

宜家我比佢壓住左，我唔諗得太耐因為聚能只得唔分鐘嘅時間，一過左我又要再比佢打多次，

話就話唔在乎啫，但都痛架，係我諗緊辦法嘅時候，大猩猩都仲係一直咁用力壓落黎，





如果唔係體形嘅問題我一個轉身就出番黎啦，但呢句廢話，係比賽中都可能會出現呢D敵人，

當拎經驗啦，「諗到啦！」我不禁大叫左出黎，既然頭先我可以一拳打走佢，宜家都一樣得架，

我再次將液體聚集係拳頭上，一手頂住佢，一手準備出拳，

宜家基本上我每一次出拳都會一鬆一收咁出拳，我盡量拉開手臂，務求一拳打走佢，呀唔係，

係一拳打死佢，感到手裏面嘅液體都谷到實曬，「收皮啦，大猩猩」我擊出一拳，完全冇任何聲音，





只見我面前嘅大猩猩個身穿左個窿，「嘩屌！咁勁嘅，好野wo，博士」我真係O撚左，

估唔到竟然威力咁大，一道熟悉嘅聲音再次係出面傳黎，

「1989估唔到你咁快將聚能運用得收放自如呀」，正當我諗住叫佢開門嘅時候，

我感覺到我身上嘅大猩猩郁左一郁我即刻推開佢，企番起身，發生大猩猩隻眼仲係發出紅色嘅光芒！

一瞬間，大猩猩出現係我面前，四手成拳，一拳轟係我心口，「呯！」我成個人飛左落個鐵籠道，





我心口好似裂開左一樣，一陣陣劇痛傳出，頭先嗰拳咁打都唔死，咩構造呀佢，我眼前紅光一閃，

轉瞬間，大猩再次出現係我地前，佢都冇時候留意佢個樣啦，因為佢已經出左拳，

一拳平平無奇嘅直拳，我彎腰避開之後，我立刻向佢心口擊出一拳，

大猩猩並冇因為我嗰一拳而停止攻勢，反而不停向我進攻，一，二，三，四，佢一次過擊出左四拳，

「呯！呯！呯！呯！」同一時間擊出嘅四擊都打係我手臂上，手臂又一次傳黎陣陣劇痛，

液體再一次係手臂上聚集，佢再一次收拳，果然佢收拳嘅速度都係冇變過，我趁機會係腳上聚能，

佢再一次攻過黎，又係一次四拳齊發，我立刻向右一移，今次佢四拳皆空，

動物果然係動物完全冇諗過敵人點諗，我話:「大猩猩，頭先專登比你打，搵你比個儲氣呀，On9仔」





因為用力過度打空氣嘅佢，成個人失左平衡，我用力一躍，半空中一個轉身，一腳踢係佢後腦，

「轟」聲並冇出現，血光四濺，大猩猩成個頭比我踢爆左，生命力驚嘅大猩猩終於比我一腳踢死左，

D博士用無比興奮嘅聲音講:「練習結束！」，佈滿血跡嘅鐵籠終於打開，我並冇因為咁而鬆一口氣，

因為我知道跟住落黎嘅比賽先係真正嘅開始，我冇辦法逃避，唯有面對。

一出到鐵籠D博士即刻同我講左幾句野，大概都係嗰D話我勁之類嘅說話，我根本就唔想理佢，

「喂，你有冇聽我講野架，頭先呀Ben打黎話，叫你快D番去，成村人等緊你wo」，

我就答佢:「屌！呀Ben真係On9又要叫人黎呢邊又要叫人快D番去」，





「唉，你唔好講咁多野啦，總知你番到去同佢講話個改造好成功啦，我仲有野做呀，唔同你講咁多啦，

黑超，帶佢番會場」，

話口未完呀，五個黑超人已經行左過黎，我一見到咁即刻叫停佢地:「喂，唔洗抬我啦，自己識行」

好可惜黑超人完全冇將我嘅說話放係心裏面，完全冇理過我嘅感受，話抬就抬，

過左一陣佢已經將我從大樓抬走，轉個身呀，我已經上左直昇機，望住慢慢變細嘅銀色大樓，

我不禁講左句:「希望唔洗再番黎呢道啦...」今次呢一程直昇機我都係睇下風景咁，冇咩特別，

過左大概十五分鍾左右，直昇機慢慢咁向低飛，出現係我面前嘅係一個好大嘅正方形，

入面分左好多部份，正當我想睇多一陣個正方形嘅結構嘅時候，黑超男用力一推，示意我落機，





「出句聲洗死咩，推，推，推」黑超男一如既往自顧自咁向前行，

係我地隔離都有一輛啱啱降落嘅直昇機，我出於好奇咁望一望，都係黑超男帶佢地落機，

但係唔同嘅係入面嘅竟然係女性，我個心即刻沉一沉，每個都係正正常常嘅女性，

但係黎得呢度都唔方正常，隔離突然傳出一句「仔」，出嘅本能反應嘅我望一望嗰邊，

一個身高一米七左右，面前掛住一個異樣嘅笑容，一對白滑長腿，佢望住我笑一笑就走左，

我當場O撚左，令我驚訝嘅並唔係嗰嗰長腿姐姐，而係佢身後嘅少女，

佢紮住「邊」頭上戴住一個粉紅色嘅髮夾，佢比我一種熟悉嘅感覺。





冇錯！

一定冇錯，

「詩詩！」