「突發」打打下丁比人捉左去研究所做實驗品: 小試牛刀

邊撚個係咁搖我個身呀，「屌！咪搞啦」，忍無可忍嘅我即刻起身，

我一手捉住我隔離嗰嗰人一手就拋左佢出去，「阻我訓教呀嗱」，一瞬間後，一勁大聲嘅開門聲，

「呯」，五個黑超男行入黎同聲同氣咁講:「D博士請你去練習，跟我地行」，

係wo屌我仲係研究所wo，當我記起殘酷嘅現實嘅時候，我已經比佢抬起左，唔洗兩分鐘，

我就比人抬左去唔知幾多樓五個黑超男同時開口：「Ｄ博士，1989到左」，Ｄ博士再次出現係我面前，





今次呢間房同頭先間房唔同，入面冇左張凳，間房都幾大，入面仲有個鐵籠，

正當我諗緊入面有咩嘅時候「1989宜家比機會你試下個聚能」D博士再次出聲，

黑超男示意我入去個鐵籠，我心諗，搞咩呀，入到黎咩都冇，咁點試呀，一諗到呢道嘅時候，

「開啟」Ｄ博士再次出聲，話口未完，鐵籠內嘅地板打開左打開左個缺口，「吼！」

係個缺口入面爬左一隻巨型生物上黎，全身上下都生滿毛，Ｄ毛你黑色嘅，睇起上黎同一隻，





黑猩猩一樣，但係當佢見到我嘅時候，佢雙眼立即通紅，「吼！！」，再一次吼叫嘅佢，

佢馬上舉起雙手，嘩屌呀，唔只兩隻手ＷＯ，四隻ＷＯ，正所謂雙拳難敵四手，

我就得兩個拳頭佢就有四隻手，鐵籠外傳出聲音：

「1989，你唔洗驚佢，呢個係一個好機會比你試下聚能，黎啦，比我見識下我嘅研究成果啦！」，

屌，唔洗你講我都會試啦，我嘗試去感受一下全身上下有冇多左佢口中嘅薄膜，唔感由自可一感！





全身上下都多出左一道冰凍嘅感覺，心口仲有Ｄ裂開嘅感覺，好難想像冇打麻醉針會點，

正當我諗緊點樣對付隻大猩猩嘅時候，佢一跳，「轟」，鐵籠都差Ｄ比佢撞爆，佢落地嘅時候，

一拳打係地下，「轟，轟，轟」，地板出現一道道裂痕，好似向我宣戰嘅佢，我當然都不禁示弱，

我烏低身一拳打係地板上，「轟」，地板都出現一道道裂痕，大猩猩好似知我都同佢打咁，即刻跑過黎，

兜口兜面打左我一拳，我立即舉雙手防禦，嘩屌！咁痛嘅！

呢一拳比平時食人一拳痛好多，

「係咪好痛呢，唔記得同你講，我仲改一改左你嘅痛覺神經，令你嘅痛覺會放大兩倍左右」，

鐵籠外再次傳出Ｄ博士把聲，我都廢事應佢，





雖然係痛但係我感覺到手臂比佢打嘅位有一種好特別嘅感覺，就好似捉住一樣唔放嘅感覺一樣，

但係呢個感覺係出現係你隻手臂出面，好難用言語黎表達，仲有Ｄ冷冷冰冰嘅液體聚集係比人打嘅位置，

佢話要將力量聚集你身體上嘅一點，係我諗緊嘅時候我都不停移動，因為我都唔再係一個戰鬥新手，

我決定搵隻大猩猩練拳，我輕輕力一躍，黎到佢身邊，冇咩智慧嘅佢果然係馬上擊出一拳，

係佢頭先打一拳係地板嘅時候，我留意到，佢每擊出一拳都要用１秒左右嘅時間去收拳，我就睇準時機，

避開佢嘅拳頭，我好順利咁避開左佢嘅拳頭，一瞬間我將力量集中係拳頭，一收一放，

將肌肉中嘅力量爆發出黎，再加上聚能，我試圖將嗰種液體聚集係拳頭上，我捉實拳頭，





果然嗰種液體會隨住我用力而流向嗰一個位置，我捉開手臂擊出一拳，「轟！」，

成隻大猩猩比我一拳打走左，撞左去鐵籠上面，一瞬之間我出拳嘅力量比以前大左唔知幾多倍，

鐵籠外再一次傳出Ｄ博士嘅聲音:「好呀，你咁快就掌握到聚能太好啦，不過比時間你練多陣啦」，

話口未完，大猩猩起番起身之後即刻唬過黎我道，我心諗，仲打唔夠咩，係要我出手嘅，

正當我以為佢會打拳打落黎嘅時候，佢用成隻野撲過黎，我想避都避唔切，因為佢身形實在太大，

冇辦法完完全全咁避開我只好用盡全力舉手防禦，避免傷到頭部，「呯！」佢一野擲落黎，

我兩隻手痛到仆街，

「大猩猩，冇計啦，咁唯有打柒你」。