「突發」打打下丁比人捉左去研究所做實驗品: 脫離

「呼，呼，呼，呼」,我係唔係死左,我係唔係係天堂？我仲記得我岩先暈左，

但係我依家竟然係比強風搞醒，話時話，係喎，佢地點呀？

我即刻忍受住痛楚，身上都多左唔少傷痕，應該係岩岩既大爆炸仲有電擊所造成,

之但係我唔理咁多，我身邊多左唔少沙石仲有碎既礫石，我一企係地下，一望，見到

全場人除左我，王牌隊伍都訓左係地下，連牛角男都唔例外






我搵一搵呀鋒，仲有呀鴉既蹤影，好可惜現場實在太多沙石啦，根本搵唔到佢地，我

真係好擔心佢地，因為佢地本身有重傷在身，係經過咁猛烈既大爆炸後，我真係好

驚會冇左佢地，佢地係我係研究所既唯一好朋，,我一諗到佢地既情況，

即刻拖住極重既身軀搵下佢地。






但係咁樣根本就係大海撈針， 「哈,估唔到你個人都幾重情重義喎，1989下話？」

突然，有一把聲係我上面出現，我冇心情去答佢，我只係想見番佢地，我既好朋友，等等，

點解會有一把女人聲係我上面傳出,我因為太心急想搵番佢地所以就忽略左一樣咁重要既野，

我就望下上面只見一個身材火辣着住緊身衣既女人坐係一架超大型運輸直昇機上面

拎住個大聲公咁講野，我就知道係呀敏，





「一個鍾到左啦,訓練結束，係你地拎到寶石，所以我地係接你走既」


我好想大叫死八婆仲咁多野講,食屎啦你，但係我傷得太我，連講野都唔得，只好等

佢地支援我地，仲要幫呀鋒，呀鴉出番去，直昇機上面有幾個黑超男吊落地面，

之後抱我上直昇機,我一上到機,竟然比我見到


穆林，呀軒仲有吉仔，呀鴉，呀鋒就訓左係病床度，就情況睇，呀鋒情況最，嚴重，我諗

到岩岩佢比兩人打傷既情況，心頭即刻酸左一酸，有人幫呀鴉療傷，

穆林就好哀傷咁講，「呀天，你唔洗自責，佢既死唔係你問題，佢都唔想你咁傷心」





我諗穆林已經知道呀華咩事，我都唔想再提起，仲有咁姐係話，我係最後一個起身既人，

有一種失落感係我心裹頭傳出「係喎,個兩個人唔係去搵寶石咩，點會埋伏呀鋒既？」我諗番起，

穆林話得知佢地會有兩個人去拎寶石，我一講完，穆林既眼神就暗淡無光，

之後流下一絲絲男兒淚，好難咁慢慢講出

「sorry啦,我失誤左,佢地知道我會讀心術，所以就係心度講左個大話，如果唔係，你地就唔會......仲有呀華..」一講到呀華，

佢既哀傷感再加幾分「夠啦！」我唔想佢再亂諗野，所以就阻止左佢，我一邊接受療傷，

一邊諗下點先可以變強，仲有點先可以剷除西共，「係呢,呀敏姐姐,果幾個王牌隊伍既人去左邊呀?」





佘軒一面天真咁抱住吉仔咁問呀敏，

好難想像一個咁天真既細路會用降頭術如此毒辣既野， 「細路,佢地輸左，一輸左就要接受處分」

呀敏一面唔再乎咁講,我一望到佢咁樣就無名火起，握實拳頭，忍住啖氣，因為我心知要報仇，

就要一直有呢一口氣，唔可以輕舉妄動，


我地番左去之後，呀鋒，呀鴉去左接受手術，穆林佢地就去左休息，我就一個人行下，行行下，突然,

有一個人係我後面出聲「1989,局長要求見你」