「突發」打打下丁比人捉左去研究所做實驗品: 鬥牛

牛角佬兇神惡剎咁望住我，頭上嘅兩隻兩全部變長嘅，身上嘅保護衣物全部爛曬，
 
露出黎嘅係一舊舊大到離譜嘅肌肉，見到佢嘅肌肉我不禁講左一句，
 
「做咩呀，拍大隻佬呀」，係爆曬肌肉嘅佢面前，我好似一個毛都未生齊嘅細路咁呀，
 
我心諗，屌，大隻又點呀，我又一次將全身嘅力都集中係雙手上面，決定同佢硬碰，
 
頭先我推得開佢，咁證明左我嘅力量唔比佢細，所以速戰速決，我首先衝過去佢嘅前方，
 




佢即刻用番頭先嗰招，諗住用隻角黎陰我，我地兩個就好似兩輛車咁，全速衝向對方，
 
同佢得番一米距離嘅時候，我即刻用力一跳，避開佢全力嘅衝撞，係半空中嘅我決定
 
「騎牛牛」，我好成功落左係佢背脊，佢知道左我係佢背脊之後，佢不停咁fing，
 
試圖fing開我，「牛牛聽話啦！」我兩隻手捉住佢隻角，一放一緊，再次用盡力，
 
我試圖屈爆佢隻角，但屈左一陣，發現隻角其硬無比，屈唔爛，正當我諗住放棄嘅時候，
 




佢諗住同我一齊撞落牆上面，佢一聲吼叫一野衝埋牆嗰邊，我知道佢唔會腦筋急轉彎，
 
所以我一拎住佢隻角直到佢撞埋我同牆既距離愈來愈近，之後我即刻跳起，
 
但係我一跳既時候，就有一股拉力好神奇咁拉番我落去，我仲失左平衡跌左落個佢個角度，
 
之後我首當其冲，第一個撞落石牆度，之後我唔敢再同佢亂打，即刻彈去左手邊，
 
我望一望度石牆，竟然有一個大凹坑，我無諗過我受左咁大既傷都仲頂到，我係強化左姐，
 




無可能咁都唔痛，話時話我身上既傷，好似唔存在咁樣，我望下手手腳腳，
 
竟然搵唔到任何一處傷痕，到底咩事？

係西共研究所既實驗室裏面，「哈哈哈，差唔多啦」一位望住電腦螢光幕既肥佬，
 
托一下眼鏡之後陰陰笑

呀鴉捂住個口大叫：「細路，冇事呀嗎？」，我即刻大叫：「無野！」，
 
牛角佬好似唔敢相信眼前矮佢幾個頭既細路既細路，可以抵擋住咁猛烈既攻擊，
 
但係作為專業人士既佢，好快咁收埋驚訝既表情，沈著應對，之後佢跑過嚟我度，
 
地下都係咁震，我恢復力量過後，雙腳集中力度，之後向地下作支撐點，




 
再用反作用力做前衝既推進力，根據E=mc2,所以我好確定我地會碰頭，話口未完，
 
我再一次證明左我既理論係岩既，好彩我平時有認真上音樂堂，
 
真係要多謝我既英文科老師，番番去現場，我右拳揮出，係佢心口打左一野，
 
佢大叫左聲「吼！！！」，好似野獸咁，之後佢用冷鋒似既眼神直插我心，佢不為所動，
 
好明顯我既行為冇對佢造成任何傷害，反而激起佢既怒火，我見勢色唔對路，
 
搵埋呀鋒掉頭走，我只呀鋒比兩個人搞到全身是傷，佢完全無得反擊，比人單方面壓制，
 
突然電光男一野用電搞到呀鋒死死下「呀呀呀呀！」呀鋒跪左係地下慘叫，我一路行過去，
 




望清楚佢身上有好多傷痕，大大少少我諗不下一百條傷痕，當中有好多夾滲住血水，
 
我再行近啲，呀鋒連呼吸都好辛苦，我冇諗過我同隻牛係度玩緊既時候，
 
呀鋒比兩個人瘋狂攻擊，我一諗到呢度，就諗起呀華臨死時望住我個個樣，
 
個雙眼深深插入我心房，我唔可以再犯同一過錯，所以我跑前，抱起呀鋒掉頭跑，
 
邊大叫「走呀，呀鴉！！」，呀鴉明白我想點之後轉身急急走，但係牛角男冇咁易放過我，
 
突然電佬放電，不過佢電去牛角男度，驚人既事出現了，牛角男隻角吸收全部電力，

再電向我，電流經過角之後，根據經典電子理論，係冇外電場作用既時候，
 
金屬中既自由電子沿住各方向既機率相同，所以唔會產生電流，當施加外電場既時候，




 
自由電子就會得到附加速度，所以就會沿住外電場方向產生定向遷移，就會產生電流，
 
如果我既理論冇錯，我一比佢電到，我就受傷，所以唔可以比佢打中，
 
就係我係咁跑既時候，佢既電力都射左出嚟，「咇！！轟！！」係我背脊中招既同時，
 
係我地既上方出現爆炸聲，仲要超強烈嘅爆炸！