廢青於中世紀魔法世界的生存法則: 64, 溝女既手段充份反映人既等級
「你點做到？」
「嘎？」都鐸既反應就好似被觸怒左一樣，乜我問左個好理所當然既問題咩？
「我意思係……我唔係懷疑閣下既魅力，但係以我既立場真係好難理解點解菲兒會願意幫你。」
「唔……若果你真係想知的話，你幫我加熱先。」
「加熱？」
「我人形型態需要用體溫維持，塞洛都係深明呢一點先會創造呢個結界。」
原來無啦啦落晒雪都係三葉搞出黎。
「具體黎講我要點樣做？」
「用火炎魔法攻擊我。」
「阿。」其實我係應該知道，不過都係向當時人肯定下先。「一係你放低佢先？」
由於此刻佢抱住菲兒，我好驚整親佢。
「不必。」
都鐸將菲兒托於右肩之上，然後伸出左手向我招手。
「Sprite hear my call. To set my enemy on fire!」
「洪－－－－－」
火球打於都鐸伸出既左手之上，然後就好似當時ultranova被吸收一樣，漸漸化成漣漪消失。
當然啦，呢個弱雞火球消失既速度快好多，就係擊中既幾乎同一瞬間就被完全吸收。
「呢把聲……原來係咁。個火球既能量唔係好多，我就長話短說。」
「我條魔力槽係得咁多，真係好對唔住。」我既語氣無半點要道歉既意思。
然而都鐸惜字如金，無咁多氣（體溫？）回應我無營養既對答，只自顧開始講故事。
「必需承認我當初衝入圖書館只係一時衝動，造成咁大騷亂真係好抱歉。」
「嗯……嗯……」你做乜向我道歉？間屋又唔係我既。
係呢段既對話之中，都鐸一直都表現得非常紳士（雖然佢提過好樂意使用暴力），實在好難令人對佢生厭，相信十個人入面有十三個人都覺得蘭卡特更加衰格。
咦，等等，係咪漏左啲好重要既野？
「你衝入圖書館既動機係乜？」
「若果你知道塞洛當時用既魔法背後既歷史，你或者唔會咁問。」
「唔係唔係，你大可以睇住白石鎮全滅……」
「若果白石鎮係地圖上消失，大哥會好唔高興。」
「等等等等等！！」對話既走向越黎越遠，點會無啦啦扯到佢大哥？佢大哥咪即係古龍公元？
「我換另一個方法黎問。」我回想三葉就職測試之後當晚，我地被審問既經過，然後再組織出以下問題：「若果當時圖書館入面既係我，你會唔會衝入黎？」
「當然唔會。若果唔係菲兒，我根本懶得於白石出現。」合乎預期！我完全唔覺得Hurt！一啲事都無！完全無問題！
「矣矣？」
「呢十年黎我一直看守住菲兒，佢去邊到都好我都會離遠觀察住。」
我係咪聽到啲非常不得了既野？
即係我黎到既第一晚，佢打走熊侏首領其實都係為左救菲兒？
「無錯。」
都鐸既行徑係香港係稱為跟縱變態，英文叫做Stalker，日文叫做尾行癡漢，我實在諗唔到第二個解釋。
「你鐘意佢？」「非也。」
「咁你作為一條地位咁高既龍，又何必執著於一個人類妹妹仔？」
「佢依家咁既身世…」佢指既係菲兒於十年前因為龍禍而陷家剷既設定。
「……我至少要付一半責任。」點解得一半責任？。
「菲兒自己知唔知道你一直尾……守護住佢？」其實我好討厭用守護呢個字眼，因為呢個字眼極之肉麻，但係除左呢個字眼之外，尾隨、跟蹤統統都非常負面。
「直至昨日佢都唔知道。」換而言之菲兒依家已經知道。
已經知道左呢個有份令到自己陷家剷既元兇由十年前開始就一直尾隨自己，觀察住自己既一舉一動。
老老豆豆，諗起都打冷震，然後菲兒仲要心甘情願幫佢引開我既注意？WTF？邏輯君你去左邊？
「九爺你究竟係點樣用你三吋不爛之舌說服菲兒？」
「我無說服佢，我只係將所有事實講出黎，然後菲兒就作出決定。」
＊ ＊ ＊ ＊ ＊ ＊
於童話故事中，公主、美女往往都會吸引惡龍的注意。
雪菲兒雖然不是公主，但其身上獨特的血統，加上其美貌及於白石鎮裡面獨特的地位，要吸引惡龍的注意可說是綽綽有餘。
事實上，此頭惡龍早於十年之前開始就一直注視著菲兒。
並不是因為她有獨特的血統，都鐸對此可說是一無所知；亦不是因為她擁有沉魚落雁的美貌，當時她尚是一名稚氣未除的幼女；更不是因為她受到白石鎮所有人的關注及愛戴，這些關注都是那場龍禍之後才慢慢建立起。
少女睜開眼的時侯，已經是深夜。
「晚安。」明明少女才剛張眼，一話也未說，但都鐸仍能透過呼吸聲心跳聲等等方法來知釋菲兒的狀態。
此晚安聽起上來是無比的溫柔。
於漆黑一片之中聽到不熟悉的聲音，菲兒首先是感到點不安，但那溫柔的語氣立即就令到緊張感降低。
「你係……？」菲兒問了一個任何人於同一情況都會問的問題。
「用你自己雙眼確認……」都鐸話畢之後，無數光球便憑空出現，將漆黑的山洞照亮。
這裡是一個非常廣闊的山洞，意外地，山洞的一側竟然有書架、床、桌椅等等傢俱，就像曾經有人在這裡生活過一樣，而此刻菲兒便是在這一側，坐在床上面。
山洞的另一側則是一個巨大的空間。
而這一個巨大的空間就是都鐸此刻所在之處。
「赫！」菲兒驚訝地叫了一聲，因為此刻都鐸是以龍的姿態示人。
「先自我介紹，吾名為都鐸‧提默亞祖，乃創世古龍提默及亞祖之九子，也是你們口中的『劫』。」都鐸此時將頭垂下，就如紳士一樣向對方鞠躬。
即使對方態度全無敵意，但劫怎樣也算是於白石臭名遠播的惡龍，而且還是那場令自己失去家族的龍禍元兇之一，因此菲兒仍未放低戒心。
但除了戒心之外，雪菲兒心裡面還有一種莫名其妙的鼓動……
「雪菲兒……」牠還知道我的名字……菲兒心裡非常驚訝。「等我解釋一下你迷昏既呢段時間白石鎮發生左乜野事。」
然後都鐸便將三葉就職測試、自己闖入圖書館的事情經過中肯地講述一遍。
「我要返去！」菲兒立即忘記自己的處境，將心中所想立即道出。
「何解？」都鐸的問題彷似明知故問。
「村裡面既大家一定好擔心我，而且出左件咁既大事我一定要返去幫手。」
「出發點係村裡面既其他人……咁你自己呢？」都鐸就似看穿菲兒心底裡隱藏著的自我一樣。
「明明慘被滅門，表面上故作堅強，唔想為其他人添麻煩，但偶然都因為掛念家族而偷偷飲泣既你。」說到尾令我滅門的不就是你嗎？不行，不可以……我不可以動氣……
「由細到大最感興趣既都係魔法，但係因為其他人既期望而轉修學術，於就職測試前夜不斷嘆氣既你。」這件事我明明從來沒有跟任何人提起，為什麼……
「最感興趣既研究課題係各種奇珍異獸，但因為職責所限而被迫困於白石鎮，只能透過書本上既描述幻想，壓抑住自己既求知慾默默忍受既你。」
「仇人於眼前，但因為方舟教教義而壓抑住憤怒既你，真正想要既野係乜？」
「我……」何解眼前的龍比起自己更能了解自己？
「呢個問題係你陪我行完一躺之後先再答我。」