廢青於中世紀魔法世界的生存法則: 59, 可以用錢買武器既"免費Game"統統都係垃圾

頭先佢用火球射都鐸果陣我以為因為佢係森林入面先聽唔到，點知真係無聲！
由於呢下攻擊毫無預警，我只可以勉強碌入樹幹後面避難。

好彩頭先落完雨，周圍都濕晒，啲樹都可以頂到兩下火，否則佢既魔法連樹都燒埋點避都無用。
周圍都係接近伸手不見五指既狀態，對方都只係依靠一個鬼火球（離遠睇同菲兒果個類似）照明，想必佢都係靠聲音黎判定我既位置。
35%既電量究竟可以做到乜野？
…………………
首先我要知道點解佢可以唔使唱技！

但係我連對方個樣都睇唔清點樣分析？




其實唔難。
我先從地上拾起一塊石頭，然後以三葉十份之一既功力將石頭丟出。

石頭飛過矮樹，發出沙沙聲，黑衣人立馬就放出一記火炎魔法。
而我就睇準呢個機會，按下快門。
「咔察－－－」
係火球既光芒同閃光燈既淫威之下，係森林既黑夜我都可以影到靚相！

我係咪應該考慮同蘋果收返廣告費？
我迅速哩返埋草叢入面，然後立即就睇下我影既靚相。





黑衣人既除左斗篷之外，頭帽都戴住一頂好似Assassin咁既帽，佢唔除落黎的話我根本睇唔到佢既樣，連佢係男定女都唔知。
「洪－－－－」

黑衣人搵唔到我既位置，所以開始亂咁放火，距離成個森林被燒著只係時間問題。
而佢放出既火球威力比一般Firebolt更強，會唔會根本唔係同樣既魔法黎？

於是我就放大火球既位置睇清楚……
就係我將火球放到佔左半個螢幕咁大既時侯，竟然出現一行文字。
【Fire Dart，Fire Bolt之強化型，必須依靠特殊之媒體（例：裝備）方能使出】





除左名之外，本來後面既字本來都係用龍語寫，上面係已經由我翻譯過我版本。
屌你老母，我黎左呢個個世界觀咁似Online Game既世界終於有一樣野係真係可以比返平時打機既感覺我！

更加似打機既地方係有神裝玩撚晒呢一點。
我就睇下你個臭閪咩野神裝咁巴閉！

於照片中將黑衣人既斗篷放大，果然有料到。
【The Burning Cape of Tudor，Legendary………】

連傳說呢類打機描述裝備既字眼都出動埋，一早有類似既系統個故就唔會無人睇啦！
【效果一　使出Fire Bolt時自動升級為Fire Dart、使出Lava Dart時自動升級為Lava Spear、使出Magma Spear時自動升級為Eruption】

可恨電話既觀察效果有限，每招技能實際有咩轉變我只可以靠估；但係佢頭先既火球威力強於Fire Bolt，弱於Lava Dart，估計為Fire Dart；而Fire Dart目測威力又為Fire Bolt約1.5倍……
【效果二　施放效果一所記載之魔法只需要Intention】





所有謎團經已解開喇屌你老母臭閪！唔怪得佢放技唔使唱技咁撚卑鄙！
單睇呢兩個效果，呢件毫無疑問係神裝，按照一般既我是主角我超強既故事走向，呢件神裝不出三話就會入我手。
但殘酷既現實係，對方有件咁既神裝我打碌撚乎？

「嘿嘿……」我不禁冷笑一聲。
事實上我已經嬴在起跑線。
是咁的，熊侏企係你身後……佢睇起上黎仲好火滾。

既然熊侏首領已經係出現，佢既手下會係附近亦都非常合理，而由剛才開始就一直施放魔法既黑衣人已經被一眾熊侏睇中。
無錯我都用左電話黎影相，邏輯上我都好可能用左魔法，但係由於我對於班熊侏黎講係佢地上司既上司既下屬，亦即係隔離department既人，勉強都可以算係自己人。
諗到呢到我終於意識到頭先三葉要DS個魔法師放魔法點火既用意係邊……就係用黎通知熊侏！
理論上我依家可以撓埋雙手睇班熊侏做野，但事實並無咁簡單。

熊侏用既弓箭攻擊全部都被一道不知名既火牆所吹開或燃燒，由於呢道火牆既存在，熊侏亦都唔敢謀然用近身攻擊……




到最尾，熊侏只係起到牽制作用，但至少黑衣人已經無唱魔法。

等我做先鋒試探下你個火牆有咩弱點！
我拔出腰間既佩刀，呢把由白石鎮軍校配給比我既刀終於有出動既一日！

由於在場熊侏數量眾多，黑衣人已經唔可以單憑樹木既聲音就判定我既位置，相反佢既光球同埋有些少火光既火牆令佢成為黑夜叢林之中既一點紅。
「喝－－－－－」作為一個低級士兵，我並無華麗既招式名稱可以嗌出黎，我只係單純地於黑衣人身後進行跳斬。
比著係以前既我我一定唔會敢咁樣做，但係我諗起三葉係戰場既另一邊對抗緊一個更加強大既高牆，為左救一個世上絕無僅有地肯當我係人看待既女仔，同埋一個雖然不斷出賣我卻又肯無條件地信任我既人（始終唔肯承認佢係女仔）……
曾經我只係一個係街邊見到人打交最多係食花生，比金毛仔兇睥乜呀我一定係低頭行快兩步……
依家既我……依家既我……

至少我會影低佢放上Youtube！
黑衣人回頭，但一切都已經太遲。

係已經發動攻擊既戰士面前，一般既法師都束手無策。




除非你叫做三葉啦！又或者……
「斬唔入既！？」短劍斬係黑袍之上完全無造成任何傷害。

又或者雙方既裝備等級相差好遠。
「咁既裝備真係無問題？」我回想起頭先出發前三葉問過我既問題。

「大丈夫，萌大奶！」當時我如此回答。