廢青於中世紀魔法世界的生存法則: 81, 精彩既戰鬥用婆媽既對話結束

我又走進佢既近身範圍，蘭卡柒靈活地揮刀保持距離，而且對木盾有所防範。

森宿佢講得好岩。
我閃身從右路繞入，蘭卡特見狀立即用劍柄敲打我右邊肋骨……但我唔可以後退。

已經成功進入對方既近身範圍，係呢個距離揮刀的話即使係蘭卡特都一定避唔開。
若果我選擇揮刀的話，輸既一定係我，原因好簡單，我係一個弱既dps。

但係，說話比起刀鋒可以造成更大傷害，而且我係點滿左嘴炮專精既鍵盤戰士。
「你睇過雪菲兒果對吊鐘型大奶奶未？真係好punk好正……見到都想奶兩啖……嘻嘻」





最後既兩聲淫笑可以話係畫龍點睛。
「你！」一聽到菲兒個朵佢已經停左一停，聽完全句之後更加係怒不可遏！
『白痴嗎你？』

無錯，我係白痴……
白痴先會咁蠢中左將軍伏黎同佢隻揪。
「你睇下你，講兩句就嬲，又唔識變通，知唔知你呢種人最易比人婊？」

雖然蘭卡特既仇恨值已經破左表，但係為免甩怪，我都一路走一路挑釁。




「鹿躍！」

蘭卡特又唔知點樣將其中一把劍鞘扔係我面前，截住我既去路。
「太易玩了。」

劍鞘著地一刻勝負已分。
我立即轉身面向正往劍鞘方向衝鋒既蘭卡特，然後烏低身舉起木盾奔跑。

兩個人互相提起武器向前方衝鋒，非常經典既決戰畫面。
可惜光明正大並唔係我既作風。





我用木盾檔開蘭卡特既衝擊，然後再爭取時間走開數步。
「Sprite hear my call. To set my enemy on fire!」

我向地面射出一記火球術，與此同時蘭卡特亦著地。
呢下火球術完全唔中目標，係遊戲既觀點就係徙mp徙cd。

但呢個正正就係我既目的。
火球擊出之後，埃瘋立即反白眼，借森宿力量所創造既樹林立即消失，剛才蘭卡特使用縮土時造成既樹藤軌跡亦消失。
而泥土裡面用黎固定地面既根莖亦同樣消失。
「洪－－－－－」
蘭卡特腳板著地一刻大草地立即崩塌，食花生既鄉親父老見狀都紛紛走避。

而地陷既正中央位置正正係果道V型火痕既交匯處，亦即係我剛才檔左蘭卡特一招地裂閃既位置，亦即係蘭卡特現在所身處既位置。
地陷之後現場捲起陣陣灰塵，能見度極低。




「雖然無一定要嬴既理由，但估唔到真係會嬴到……」

我望住個深坑，雖然未到深不見底既程度，但至少我跌左落去一定會跌斷腳兼上唔返黎，更何況有咁多碎石……
此時我見到將軍正向我呢面衝埋黎。

「喂將軍，我完成左任務喇，記得遵守諾言。」

「伏低！」

「矣？」雖然唔知發生乜事，但係我都立即照做先。
「縮土！」剎那間，將軍瞬身至我身後，金屬碰撞發出響亮既鏘一聲，我方意識到要回頭……
迎面而來既係暖水……

「老師你第一樣教我既野我仲好記得，取人性命者必需背負性命被取之覺悟。」





「原來你仲當我係師父。」

「我一身武功都係由你所授，呢個係事實。」
我抹一抹一臉既暖水，哦，原來係血。

抬頭望，將軍正與蘭卡特格劍。
將軍橫架闊刀，檔住蘭卡特左劍。

但蘭卡特武器有兩把，而將軍只有一把。
為左保護我，將軍左手緊握來襲既右劍，無名指及尾指因而被斬落，我臉上既血因此而來。
「臭屁孩你仲唔收劍？」

「我同佢既決鬥尚未完結。」

「已經完結，由我介入一刻起你已經嬴左。」




若果唔係將軍出手，中劍既就係我，到時就唔係比人斬手指咁簡單。
「你指使嘉穎向我挑戰動機何在？」

「係你臨走之前同你上最後一課。」

「若果你因為咁膚淺既原因就要其他人賭上勝命的話，區區兩隻手指就太便宜你。」
蘭卡特踢開將軍，雙方隔開數米對峙，似乎仲未想收手。

「仲想打？細路，我唔想你臨走都再係咁多人面前丟架。」

「知唔知點解我無再跟你學武功？」
眨眼間，蘭卡特就瞬步至將軍面前，瞬間移動已經變得非常廉價，話用就用。
蘭卡特右手舉高劍，劍身發出白光。

「龍嗚閃！」




電……魔法？
雖然將軍用刀格開蘭卡特呢一招，但魔法既餘力就好似行雷一樣劈落將軍身上。
「係因為我覺得係你身上已經學唔到任何野。」

蘭卡特前後柒左兩次創造左一個其實佢並唔係好勁既錯覺。
其實只係佢之前既對手太強，俗語有云同武力100既呂布單挑完之後就覺得要嬴武力99既關羽其實唔難。
將軍閉起雙眼忍受雷電帶來既痛楚，而蘭卡特自己亦企開以免被波及。

魔力擊中將軍後於地面向六個方向散開。
將軍用刀插地勉強支撐身體道:「細路你係幾叻仔，可以將魔法同武術混合。」
「但係我地既水平仲係相差好遠。」

將軍一步一步咁行去蘭卡特面前:「知唔知點解你係我身上學唔到更多武術？」
「因為你能力有限！」蘭卡特無企係到等死，佢率先出擊，向將軍拋出劍鞘使出鹿躍。
而劍鞘著地，蘭卡特衝鋒之時，將軍動作忽然加快，然後躍至半空然後用力一踩，衝刺中既蘭卡特就此被踩中，直攤攤地跌落地面食泥。
勝負已分。
「唔想死就接實呢招！龍嘯！」

此記與蘭卡特既龍嗚閃如出一轍，不過將軍既威力明顯較高，於能見度極低既夜空中都隱約見到一條電絲牽引至將軍刀鋒。

「隆！！！」
魔力直轟至蘭卡特身上，少年於泥土上痛苦地掙扎。

將軍本可直接將刀鋒砍落蘭卡特身上，顯然佢已手下留情。
「你學唔到既原因係因為我唔教你；而我唔教你既原因係因為你性格有缺陷。」
將軍說畢之後，蘭卡特已經昏迷，緊張既氣氛亦因而舒緩。

「將軍你送行既方式真係特別。」一把女聲於塵霧之中傳來。
「原本想假手於嘉穎，但最終都係忍唔住親自出手。」

「何止出手？連手指都出埋。」我忍唔住吐槽。
將軍忽然跌坐於地上：「呢個臭小子係有啲本事……若果我再老幾年應該承受唔到剛才一劍。」

原來將軍一副游刃有餘既姿態係扮出黎，呢一點從佢痙攣緊既雙手睇得出。
「拎住。」三葉將將軍既斷指拾起，放於將軍只有三隻手指既左手手心之中。

莫非三葉識得魔術將已經斷左既手指駁返好？
「令你失望非常抱歉，醫療魔法並非我所長。」三葉將一條手帕遞予將軍，將軍簡單地將傷口包扎。

「再者，我所認識既『人』裡面，只有一個有本事將斷肢接合。」人字被強調……我大概估到佢講既係邊個。
「我仲以為魔法係萬能。」

「呢個只係不黯魔法既人先會有既誤解同幻想，魔法再強大始終都有佢既限制。」

生出黎係一個麻瓜好對唔住！
「兩位不必擔心，區區兩隻手指何足掛齒。最重要乖女唔可以發現。」

「我唔知兩位點諗，不過小弟覺得應該拿拿聲送蘭卡柒同埋將軍你去軍校醫治。」
呢段對話越黎越婆媽，係我悶到訓著之前係時侯中止佢。