不知不覺愛上你: 18. 結局

雖然係星期五晚, 但係今晚想返屋企休息唔想出去玩.  一路食雞胸肉一路飲紅酒, 諗諗吓發現唔見咗張八達通, 即刻攞個銀包出嚟睇吓會唔會擺得太埋所以搵唔到.

八達通就搵唔到, 無端端搵到啲搞到我記返起啲回憶嘅嘢.  本來已經唔係好記得, 但係無端端睇返 LuLu 嗰張 receipt, 搞到我突然間心跳加速, 搞到我好想再試多次.  嘗試用兩個月去忘記, 但係一秒鐘又由頭記返起.

"...我只好用我最大的勇氣...把妳的微笑寫在歌詞裡...把這首歌曲流傳出去...再傻傻的...希望你回應..." 啱啱聽緊羅力威嘅 "尋找的是你", 突然有個想法.

我冇咁有才華唔識寫歌, 但係如果我寫一個網絡故事流傳出去, 唔知 Charlotte 最後會唔會睇到然後回應呢?  就當係試多次吧!  做過而後悔好過冇做而後悔係唔係?

之後我每晚都回憶返我地嘅故事, 在瞓覺前寫低我記得嘅所有點滴, 然後慢慢整理連貫成一個故事, 再叫 Vivian 幫我返睇同 proof read.





終於寫好哂, 係時候上載去紙言.  

雖然有讀者比意見, 但係始終都係希望佢會睇到呢個故事.  我冇奢望佢會感動然後接受我 (我好希望但係冇奢望), 起碼我知道, 亦話比佢知, 愛上佢唔係一時衝動.  我知道佢年尾生日, 雖然唔知 exactly 幾時, 但係希望當係我第一份送比佢嘅生日禮物, 希望佢會鍾意.

今個星期工作好忙, 決定 weekend 去愉景灣租間酒店房休息返兩日.  飲吓酒去沙灘曬吓太陽, 一個人好快就消磨咗一個星期六.

今日星期日, 瞓醒已經九點三, 起身睇吓有冇 whatsapp message 先.  約咗 Vivian 食 lunch 佢一定勁 message 我.







這是我同 Charlotte 嘅 "結局".