（新手試作）中六時，你的出現令我改變...: 3.誤會

今日我早左起身，無計啦，鬼叫琴日訓咁多咩...

今日照平時一樣咁返學，但硬係有d野唔同，唔知點講好

係返學校途中俾我見到呀勝 [喂，gay 佬早晨，又會咁岩撞到你既]

[屌你個肺，唔好行咁近，你俾好多人望住架~]好快佢彈開

[搞咩呀你，係波，點解咁多人望撚住我既，無計啦~可能我太靚仔啦]我周圍望左望，之後整一整我既頭髮





[屌你啦~靚你老母，柒少陣啦，琴日仲柒唔夠呀，你琴日d野依家差唔多全校都知啦]我即刻疾左疾，心諗：唔撚係呀，咁快，新聞咩。。

我拿拿林上課室，坐返自己位，扮無事發生過

坐低之後，發現愛糖未返.....啦啦啦~都話日頭唔好講人架啦，佢咁岩就返到啦，我望住佢行返坐位，佢今日依然美麗動人，屌~點解佢好似磁石吸住我隻眼咁架....

佢突然係我個位到停低左，我心諗：唔係又想打我下話，啦啦啦~唔好呀，我屌老母架...

佢冷冷咁同我講左聲[早...晨....]之後即刻坐返埋位，見到發生咩事既人都呆左，我就緊係俾唔到反應啦，屌，唔應該係咁架波，我平時唔係咁架~





[早…晨…]我好細聲咁答返佢，我驚我太細聲佢聽唔到，所以望左望佢，見到佢塊臉有少少透紅咁，之後望住我笑左笑，就睇返本好多雞腸既書...我只好轉返身等上堂

呀勝見到都O左嘴[點解~會咁架...]

我笑左笑無答佢，其實愛糖佢係咪驚因琴日既事而影響我先咁做呢....
___________________________________________
  愛糖角度~

  我訓係張床到準備訓教，突然有個男仔係我腦裏飛過，呀~係佢？點解我會諗起佢...





係波~死啦，今日咁對佢會唔會令到佢無朋友架，但我真係無心架，佢咁突然，嚇死人架嗎...

之後我都有同佢講返對唔住啦，唔會有咩事既，我諗~或者~可能~掛

唉~死啦，第一日就搞到咁，最衰係佢啦，無啦啦彈起身做咩波...

第二日返到學校

我一入班房就見到佢一個坐係個位到，唔通真係因為我......

唔得~我諗我要幫幫佢，但點做好呢？點解我會咁想幫佢？唔通我…

唉，唔理啦，死就死啦，本身我諗住係全班面前講聲對唔住，再自我介紹返，但.........我淨係講左句早晨....

點解我會咁無用架，快d坐返埋坐先，哭哭~唔知幫唔幫到佢呢？





死啦~佢係咪望緊我呢，我點做好呢...之後我確定下佢係咪真係望緊我，所以望一望佢，噗...佢個樣好呆呀~笑死我啦，唔得，我要忍住，我求其拎本書扮下野先，之後佢轉返去前面..我即刻放鬆曬，但佢岩岩個樣真係好搞笑呀，哈哈~

 （叮噹叮噹~）小息啦

我見到佢d fd 都搵返佢傾計啦，應該無事啦掛，但點解有兩個女仔女同佢行得咁埋？唔通佢係果d playboy?點解我會咁在意佢，如果佢係果d playboy 我一定唔會再理佢...

[呀糖，一齊去食野囉]佢係我依間學校第一係fd呀蕉，佢都幾靚女架，但好似無男朋友...

之後我就跟左佢去食野....
___________________________________________

羽方角度~

一到小息，個個都走過黎問發生事[點解你同佢好似無事既？係囉係囉~]我都廢事理佢地





[羽方~聽講你琴日...]係呀花同呀瑤，佢地係我係女仔中最好既朋友，其實我當佢好似家姐咁，因為佢地真係好似家姐咁錫我

咩話？你地問我會唔會溝佢地？唔會啦，因為無感覺就係無感覺，勉強係一齊只會無好結果，更何況我唔想無左兩個好朋友。。

[唔好提啦~]我真係有d唔想提

[但你地今日無好似無事啦波，話時話你做咩咁主動呀，你對人地有意思呀？唔通你唔再驚俾人挽啦咩？]唉，無啦啦做咩打再開人地既舊傷姐

[我都唔知自己點諗....]因為我都唔清楚自己係點諗...




人總是害怕再次受傷，因為傷過就是傷過




        不論過了多耐，傷口依然還在