（新手試作）中六時，你的出現令我改變...: 2.相識

     愛糖角度~
[今日第一日轉校過黎，好緊張呀...唔知D人係點架呢，希望無壞人啦，死啦，真係好緊張呀]我係班房門口度口up up 咁

個老師一話有插班生，班學生就開始嘈，搞到我更加緊張，我扮得cool D會唔會好D呢！

突然個老師叫我入去，嚇死我啦~算啦，死就死啦...

一入到去個個都眼金金咁望住我，搞到我唔知點好~好彩我都好順利自我介紹完，但好似生硬左D。。

之後老師叫我坐去果到，係個男仔後面，佢......都幾....靚仔下....  nonono ~我都係覺得內在重要過外在....





 點知佢突然......
_________________________________________________
   羽方角度 ~
佢一步一步咁行近我，搞到我有D緊張！唔知係咪我錯覺呢，我見到佢塊面有少少紅，我唔知我做咩突然企起身....

我心諗：仆街，我做咩呀，死啦，點做好呢！妖~死就死啦

[你好呀！我叫黃羽方，你可以叫我羽方架...]我伸手出去示意握手...





 （啪~）

我覺得我塊面又熱又痛既感覺，無錯~佢打左我一巴，我完全企係到俾唔到反應，只有眼金金咁望住佢

係依一刻全班都望住我地兩個，真係好柒呀！！！

搞咩呀，做咩無啦啦打我呀，死啦，佢會唔會當我係果D狗公~仆街啦，古語都有話：第一印象係好重要...（sorry 我都知依句唔係古語）

佢Dup低頭望住地下，口up up咁，好似有野講，之後唔知講左D咩就坐低左，咁我~仲可以做咩呀，緊係坐返低啦，唔通仲柒唔夠咩...





班主任睇到成個過程後都知氣氛有D尷尬，所以即刻講返D笑話，之後搞返D班務

我完全無心機聽，屌~好正常姐，柒左呀嗎， 俾著你你都無心機聽啦...

呀勝佢暗住嘴笑笑口同我講 [你搞咩呀你~哈哈，笑死我啦，柒到核爆呀你]

我唔想理佢，因為真係好柒，哭哭~喊出黎，好想 捐返落老母個西到。。
 
（啪~啪啪）
唔好誤會，係拍枱既聲...

[嗯~呀....原來我訓著左...]我柒完之後僕低係張枱到，點知訓著左...

[屌，醒啦咩，拍左你張枱幾耐呀，放學啦，行啦]呀勝嬲嬲地咁講，仲有今日第一日，所以早放





[無計啦，攰呀嗎，依家醒左咪俾面你囉！俾著第二個，我都廢事理呀]我汁住野咁講

[話時話你岩岩做咩呀，真係好柒]係波，做咩無啦啦提起姐，本身唔記得架嗎...

[唉，我都唔知呀，係咪行呀]講完我就衝出門口，唔想理，好煩~

出左學校門口我同呀勝就分道揚鑣，因為我地都住唔同地方

就到屋企樓下，點知俾我見到佢，無錯係愛糖，我諗住佢見唔到，所以加快腳步，諗住快d返屋企

點知佢好快咁企左係我面前，佢望住自己腳尖，佢臉好紅，之後佢抬起頭眼定定咁望住我，好得意呀，搞到我唔敢直視佢，突然佢好細聲咁講左句（對唔住）就跑走左

真係好細聲，唔認真聽都聽唔到，我企左係到，慢慢咁回過神黎，先知咩事，跟住我臉紅紅咁返屋企，一返到屋企我訓左係張床到，一訓係到我就諗起佢，雖然企係到都諗緊佢....

點解我一對住佢就唔知點解我完全俾唔到反應，唔通我.....再一次心跳？





（點解我會咁講，因為前幾段愛情，都係俾人挽，所以我已經對愛情依樣野死左心，亦無再對其他人有愛意，直到今日~）

 我諗左諗~點解佢會係依到出現，唔通佢住附近？點解佢會講對唔住，唔通佢為今朝既事道歉？
諗諗下我又訓著左~直到呀媽叫我起身食飯...





（難道我真的再一次心跳~
我唔想再俾人挽~
俾人挽既感覺真係好痛，好攰~）