(無甜)上天給我的一個玩笑 (新增外傳): (37)

直到晚會當日…
 
我故意將我同啊螢嘅到達時間推遲半個鐘，好讓一班兄弟姊妹們幫我準備一切，而我亦都盡量將我興奮又緊張嘅心情收埋係心底…但難免會係到偷笑
 
「你做咩係到傻笑呀」啊螢望住我
 
「無野呀，諗起見返我地呢班家人，我好興奮啫」我求其講個藉口
 
「咁又係，難得可以約齊全班人，呢啲機會越黎越少架啦」
 




當我地亦都到達禮堂嘅時候，就係作戰開始嘅時候
 
一黎到啊恩就按照計劃將啊螢拉左去女生群入面
 
而我同一眾兄弟亦都偷偷走開，去好換上我一早安排好嘅西裝
 
當萬事俱準嘅時候…
 
「啪」全場嘅燈熜哂
 




一盞大射燈照住啊螢一個人
 
禮堂嘅大門緩緩打開，同時亦都奏起左周董自己作嘅結婚進行曲
 
另一盞射燈另都照向企係大門口緊張嘅我，我同一眾兄弟亦都緩緩咁步入禮堂
 
啊螢雙眼已經開始出現淚水
 
「啊螢」我行過去捉實啊螢雙手「由我地拍拖開始到而家已經咁多年啦，咁多年黎你都一直肯包容我，體諒我，一直都不離不棄，所以…」我半跪住啊螢，從褲袋入面拎出求婚戒子「嫁比我」
 




啊螢呢個時刻已經講唔出任何嘅野
 
身後嘅一眾兄弟亦都半跪，一人拎住一支玫瑰花，用一致嘅口吻「嫁比佢啦」
 
而一眾姊妹每人都拎住一幅幅充滿住我同啊螢回憶同甜蜜嘅相片，圍住我同啊螢，用一致嘅口吻「嫁比佢啦」
 
啊螢嘅眼淚隨著佢嘅點頭一滴滴流下，我亦都幫啊螢戴上戒子緊抱住啊螢，呢一刻我想講句，媽呀我得左啦
 
音樂一轉，轉成我同啊螢係呢個禮堂嘅主題曲「流星雨」
 
「陪你去看流星雨落在這地球上
 
讓你的淚落在我肩膀
 
要你相信我的愛只可為你勇敢




 
你會看見幸福的所在」
 
全場嘅人都係到「WOWOWOWOWO」
 
當然亦少不了「嘴佢!嘴佢!嘴佢!」
 
「咳咳」校長拎住支麥克風「而家已經過左學校嘅上堂時間，你地做咩我理唔到」
 
「WOWOWOWOWOWO」全場嘅人再一次
 
我亦都同啊螢嘴對嘴親吻左一下
 
「羨慕死人咩」「好強勁嘅閃光彈呀」「我盲啦」「曬熔我啦」圍觀嘅人都好羨慕我地兩個