(無甜)上天給我的一個玩笑 (新增外傳): (36)

台灣之旅完結左，我同啊螢亦都要面對放榜了，好好彩，我同啊螢都升埋同一間大學，不過我同啊螢唔想相處嘅時間越黎越少，我地無上莊亦都無住宿舍，而啊螢亦都正正式式搬左過黎我屋企住，我地個種關係已經去到未婚夫婦，我好慶幸有呢一段人生
 
大學四年生活亦都平平淡淡過去，每一年大學生活，我都有出去打工賺錢，為我同啊螢嘅未來做好準備，直至有一日…
 
電話響起
 
「喂」
 
「喂，啊風，啊恩呀」原來係我既媒人打黎
 




「點呀恩姐好耐無見」
 
「廢話唔講啦，黎緊學校四十周年，會大搞呀，仲有晚會邀請我地個屆學生去呀，你地兩公婆有無興趣呀」
 
「我同啊螢商量下先」
 
「得，咁你盡快覆我啦喎」啊恩講完即刻收線…
 
我就係到諗呢個晚會到底有幾多人參加
 




「我返黎啦」我打開門
 
「衰仔過黎，我有野同你講」老豆同老媽坐左係到個樣有啲嚴肅，但啊螢就唔知去左邊
 
「啊螢呢?」我放低我嘅物品
 
「佢過左去探盈盈食埋飯先會返過黎」
 
「啊仔，我同你啊媽都商量過啦，你同啊螢都拍左咁多年拖，係時候要比個名份佢啦」
 




「其實我都一早有打算同啊螢結婚，只係未有周詳嘅計劃…」呢個時候我醒起啊恩叫我去嘅周年晚會!!!
 
「老豆啊媽我諗到啦」
 
「咁就最好啦，有咩需要幫手嘅就搵老豆啦」老豆拍哂心口咁同我講
 
係呢個時候我就打比啊恩
 
「啊恩，你而家搵左幾多人去個晚會呀」
 
「搵齊架啦，係爭你地兩個，我地順手同班主任食埋退休飯呀」
 
「咁你預埋我地黎啦，我有樣野要你地幫手」
 
「咩事咁神秘」




 
「遲啲出黎先講啦」
 
我收左線後，就準備我呢一場求婚大行動!一切嘅開端就係呢間中學，所以呢到就係最好嘅地點!
 
而我亦都用左同班主任食退休飯為理由拉左啊螢去，而佢一直都被我蒙在鼓裹
 
我將我所有嘅計劃都SEND左比啊恩，佢亦都幫我協助好所有野，好好彩我亦得到各方嘅支持，可能係因為我同啊螢係係佢地嘅見證下成長吧