金庸今年出食譜？: 二

老實講，平時我除左教科書，其他乜小說散文統統都唔睇既。金庸果d字典咁厚長篇小說我更加無睇過。

不過咁，TxB翻拍既金庸作品我都有睇過下，其中吳啟華版既《倚天屠龍記》我細個果陣都有追，扮演韋一笑既就係王青「大口青」。

我以為果陣大口青做既蝠王都夠樣衰啦，點知我呢個仲加樣衰，係一個身穿青色長袍，禿頭凸眼哨牙兼有肚腩既中年大叔。

「哈囉！」我對韋一笑說。

「呵呵！在下韋一笑！未請教？！」佢答。





「我叫Kyle.......」

「笑咩笑！有本事就放馬過黎！」韋一笑神情突然嚴肅。

「下...下？咩...咩話？」我嚇左嚇。

「笑咩笑！有本事就放馬過黎！」

唔係咁搞笑掛，黎黎去去都係呢句既，係咪系統有問題呀？當時我心存疑問打過去該出版商查詢，點知佢答我所有角色都除左自我介紹之外，只會預設多一至兩句對白，分別係「笑咩笑！有本事就放馬過黎！」同「哈哈哈，就憑你三腳貓功夫想打贏我？」。





我問點解得兩句對白咁少，佢地答我原本係諗住將每個人物係小說講過既每個對白都放入去角色裡，但礙於硬件容量不足同技術問題所以最後放棄左呢個做法。

囧。

之後我無理咁多，上維基查下韋一笑有咩人物特點同絕技。

可惜礙於韋一笑只係個配角，所以背景資料較少，而佢小說入面最勁果招好似叫寒冰綿掌，同埋佢擅長輕功，我諗佢既速度應該好快同好敏捷，閃避率或者會幾高。

於是我響食譜上尋找寒冰綿掌既對應菜色。





驟眼睇只係蝦球炒蛋，以為易如反掌啦，認真睇，原來係瀨尿蝦球炒蛋，仲要求雙蛋黃既蛋。

我心諗：唔係咁玩野下話？！

遇到咁難搞既菜色，我梗係想搵老母幫手啦，點知佢話我發嗡瘋，跟住就唔理我。

呢個情況唯有靠自己啦。