千禧港女神探（一）春風化雨殺人事件: 第卅三話　靈機一觸

第卅三話　靈機一觸

葉雨晴在回家的途中，不停反覆思量，究竟兇手如何將劍帶回學校。

不經不覺，就已經回到家中，這時三色台正在重播古裝武俠劇集《刺客列傳》。

劉月嫦坐在梳化中，津津有味地觀看着這部單元式的劇集。

《刺客列傳》總共有二十集，平均每個刺客有四至五集。





今日出場的是刺客專諸，飾演的是資深演員，大肥佬鄭七事。

專諸要刺殺吳王僚，可是吳王僚侍衛眾多，專諸要把兇器帶在身上是不可能的。

於是，專諸問吳王僚的喜好，知道他愛吃「魚炙」，即是燒烤的整魚。

專諸就想到將匕首放進烤好的魚腹中並送上去，將魚送到吳王僚面前。

專諸突然撕開魚肚，拿出匕首刺向吳王僚，匕首穿透三層鐵甲，吳王僚當場死亡。





葉雨晴說：「唔係吓嘛！咁大把匕首都裝到落魚肚入面！」

可惜，吳王僚的侍衛亦一擁而上，將專諸殺死。

雖然刺客專諸被殺，但是刺客行動總算是成功。

這就是中國歷史上著名的「魚腸劍」刺客故事。

這時，葉雨虹亦回到家中，並脫掉皮鞋。





當葉雨虹開始除下長襪時，葉雨晴雙手托腮，保持一個諗樣，進入「思考模式」。

Loading …... 0% …... 13% …... 28% …... 51% …... 66% …... 77% …... 89% …... 100%

葉雨晴突然靈機一觸，想到破解案情的關鍵線索。

葉雨晴說：「家姐等陣，唔好除住。」

葉雨虹說：「咩事？唔係有小強掛？」

葉雨晴說：「放心，梗係唔會。」

葉雨晴從書包的筆袋中，拿出六寸長的間尺，插入葉雨虹長襪的內側，再用長襪包着。

葉雨晴說：「家姐妳行幾步來睇吓！」





葉雨虹要遷就長襪內側的六寸間尺，行路時既不自然，也不流暢。

葉雨虹說：「妳認為兇手將把劍放喺呢度？咁樣好難行㗎喎！」

葉雨晴說：「咁又係嘅，而且劍嘅形狀露曬出來。」

葉雨虹說：「不過，如果係男仔嘅話，有條長褲包住長襪，就唔係好覺。」

葉雨晴說：「咁琴日5A班有無體育堂要上？」

葉雨虹說：「無呀！點解咁問？」

葉雨晴說：「無體育堂上，就唔使除長褲，把劍就無人會發覺。」





葉雨虹說：「但係男仔未必會着長襪，琴日搜查違禁品只搜書包，睇唔到邊個男仔着長襪。」

葉雨晴說：「咁妳覺唔覺得琴日有邊個男仔行路嗰陣好怪？」

葉雨虹說：「唔係好覺喎！咪同平時差唔多！」

葉雨晴說：「如果係咁嘅話，我大概估到邊個係兇手，只係無真憑實據。」

葉雨虹說：「咁係邊個呀？快啲講啦！我唔想Edward被個差婆屈呀！」

葉雨晴說：「我依家未完全肯定，費事講咗出來會怪錯好人。」

葉雨虹說：「咁又係嘅，唔係就會好似個差婆一樣，拉幾次都拉錯人。」

葉雨晴說：「不過呢個兇手真係好聰明，識得將自己嘅劣勢化為優勢。」





葉雨虹說：「將劣勢化為優勢？咁咪好難對付？」

葉雨晴說：「我相信唔理兇手計算有幾咁精密，都一定會有漏洞。」

葉雨虹說：「無錯，就好似考試一樣，要攞滿分係好難嘅。細妹妳一定要加油！」

葉雨晴說：「咁就梗係，我以Season爸嘅名譽發誓，一定要揪出兇手。」

葉雨虹說：「妳依家仲差啲乜嘢證據？我有無事可以幫到手？」

葉雨晴說：「我要設一個局，引兇手犯錯，已經有兩個幫手。」

葉雨虹說：「係邊兩個會幫手？唔通係妳嗰個新同學Pluto？」





葉雨晴說：「係5A班嘅Kenneth同Jeffery呀！」

葉雨虹說：「妳同佢哋好熟咩？點解佢哋會幫手？」

葉雨晴說：「呵呵！佢哋兩個有痛腳喺我手上！」

於是，葉雨晴就將放學時與兩人的對話告訴葉雨虹。

葉雨虹說：「咩話？佢哋兩個，仲有Victor同Winson輪姦咗Tina？」