千禧港女神探（一）春風化雨殺人事件: 第卅一話　案情膠着

第卅一話　案情膠着

葉雨虹說：「點解咁講呢？證據喺邊度？」

葉雨晴說：「既然琴日約定，放學發生，就係突發事件。兇器開鋒、搽毒，都需要時間預備。」

蔡智勇說：「有道理，兩個人都唔可能會事前知道要決鬥，又點會事先準備兇器？」

葉雨晴說：「真正兇手預計到，甚至係促成兩人決鬥，問題係兇器點解會喺現場出現？」





葉雨虹說：「會唔會兇器一早放咗喺地下男更衣室入面？」

蔡智勇說：「呢個機會唔大，把劍成六寸長，好容易會比其他人發現。」

葉雨晴說：「無錯，最大可能係有人事先將兇器交俾其中一個人。」

葉雨虹說：「把劍成六寸長，交俾其中一個人，點會無人發現？」

蔡智勇說：「如果將把劍靜靜雞放入褲袋呢？」





葉雨虹說：「咁行路嗰陣就會好快感覺到！」

葉雨晴說：「係呢！琴日佢哋兩個有無着外套？」

葉雨虹說：「Winson唔覺，Edward就有。」

葉雨晴說：「咁一定係有人將把劍放入Edward外套嘅袋。」

蔡智勇說：「萬一兩人都無着外套返學呢？」





葉雨虹說：「Edward身體比較弱，天氣一轉涼就會着外套。」

葉雨晴說：「恐怕呢點亦已經喺兇手嘅計劃之中。」

葉雨虹說：「唔通今次嘅兇手，同上次Victor單案一樣？」

葉雨晴說：「好大機會，兇手好明顯對5A班各同學非常瞭解。」

蔡智勇說：「就算係咁，把劍成六寸長，兇手點樣帶返學校？」

葉雨晴說：「放喺書包入面咪得囉！咁簡單！」

葉雨虹說：「咁喺無可能㗎！琴日朝早先至搜完書包！」

蔡智勇說：「無錯，琴日收到匿名電話舉報5A班有人帶色情刊物返來。」





葉雨虹說：「所有同學嘅書包都搜過，發現唔到任何刀劍之類。」

葉雨晴說：「咁會唔會兇手一早將把劍放喺locker入面？」

葉雨虹說：「5A班嘅locker喺四樓走廊，拎咁大把劍出來，點會無人睇到？」

葉雨晴說：「咁又係喎！兇手究竟點樣將咁大把劍拎返學校？」

蔡智勇說：「仲有呢把劍好多人都認得出係香港動漫嘅紀念品，5A班有幾多動漫迷？」

葉雨虹說：「差唔多全班都係，但係會儲動漫紀念品嘅，多數都係男仔。」

葉雨晴說：「但係如果兇手係女仔，呢個都係轉移調查方向嘅好辦法。」





蔡智勇說：「咁又係，依家男女平等，女仔鍾意刀劍都唔出奇。」

葉雨晴說：「只要查到兇手點樣拎把劍返學校，兇手就會呼之欲出。」

蔡智勇說：「兇手好明顯係智慧型罪犯，恐怕唔會咁容易露出馬腳。」

葉雨虹說：「仲有Kenneth同Jeffery兩個應該知道啲嘢，Edward去查佢哋即刻出事。」

葉雨晴說：「既然係咁，唯有我哋兩姐妹親自去查，分頭行事，每人調查一人。」

葉雨虹說：「咁我去查Kenneth，妳去查Jeffery啦！」

葉雨晴說：「一有消息，就要通知對方。」

這天放學，張宇傑輕易就擺脫了葉雨虹的跟蹤。





徐梓俊沒有為意被葉雨晴跟蹤，只專注於跟蹤張宇傑。

徐梓俊拿出手機傳訊息，不一會張宇傑就收到訊息。

徐梓俊留言：「你都收到來自68923928嘅訊息？(16:20)」

張宇傑回覆：「Jeffery你講乜嘢？我唔明白喎！(16:21)」

張宇傑被留言嚇得不知所措，突然有人從後拍他的肩膊。

徐梓俊說：「點呀？嚇到面都青曬喎！」

張宇傑說：「咩事？你咁樣喺後面嚇人，係人都驚啦！」





葉雨晴離遠觀察兩人，憑兩人的表情變化和唇語，判斷兩人的對話內容。

徐梓俊說：「琴日放學嗰陣就係你將把劍放入Edward外套嘅袋入面？」

張宇傑說：「我幾時有做過？你唔好屈得就屈喎！」

徐梓俊說：「唔好再扮嘢喇！依家我同你都俾個真正兇手控制住，你唔想揪個兇手出來咩？」

張宇傑說：「乜原來連你都⋯⋯佢又係用暑假嗰件事來威脅你？」