假如世界只留下小部分人，你還有勇氣生存嗎？: 地獄

2013年7月20日凌晨5點40分



太陽慢慢升起，黄紅色嘅光射入我眼簾！夾雜著一陣陣血腥味。



我地點樣先可以安全咁救到呀柔呢？？我地一路行就一邊諗。再睇睇我地身上，每人都係得一把菜刀，一隻屍都打到死下死下，如果嚟幾隻咁點？再望下我地個身，已經沾滿唒唔知係人定屍嘅血！






沿途一路行，就諗起半年前我地仲要番學嘅時候，每日都係經過嚟到，然後去山景邨食飯。


但係而家，只留下呢個死寂嘅地放，沿途傳出陣陣屍臭味！輕鐵路軌不再見輕鐵經過，間中傳來，嗚！嗚！的叫聲。



山景邨！







「喂到啦！咁我地點去揾佢呀？佢住邊架？」呀傑講



「呀文會識路架啦！哈哈，我諗喪屍唔係出現左咁耐，應該仲會留唒係每棟樓裏面，所以萬事小心就應該救到佢出嚟」







「佢住係山景，係最入面！景富樓高座十樓。」呀文講



一行入山景邨，就有種莫名其妙嘅壓迫感，果然，啲屍仲係係啲樓，店舖入面，正當我地望入m記，發現有兩隻屍正係到享受佢嘅食物，雖然已經睇唔到咩樣，但我地都知係m記職員，只見啲屍身後嘅漢堡包原封不動咁放左係到，相信個啲屍除左對人，就應該對其他野都冇興趣！



見到咁嘅情況，我地唯有急急腳咁走啦，我地嘅目的都係為左救呀柔走姐！



咁跟住我地就快快手就行啦，我地都發覺，每當啲屍食緊野嘅時候注意力係最低。






每當我地行每一步，我地個心就越嚟越急，我地都知道我地唔係玩緊game，我地乜都冇，得把菜刀，假如一次個嚟幾隻，我地唔死都唔得！



正當我地行到去景富樓門口之制，發現有隻屍係到走嚟走去，咁我地要上去的話只好把個隻野殺左啦！




「呀傑，靠你啦，用你隻手搞店佢啦，好似一開頭咁！」呀文講



「你都傻嘅，你地唔好？要救人又係你講！」呀傑回答







我地傾左一陣之後就決定由呀文去引個隻野，我同呀傑就係後面幫手。


「去啦呀文。」



呀文小心翼翼咁走埋去！


隨手汁起石仔。就掉埋去！






「喂！白痴仔，呢到有野食呀！」


呀文一講完，就跑去我地一早去預備好嘅位置，而我同呀傑一早就埋伏左係左右，隻野一見到野食就發唒狂，發唒狂！


即刻追住呀文。



「中計啦你！」我用雙手拎起把菜刀，一下向住個隻屍嘅後腦斬落去。


「嗚！嗚！.........」唔知佢係到講啲乜，佢已經行唔到，但可能我太細力，無法一下了結佢。







「快啲殺左佢呀！佢係到叫同伴呀！」呀文大叫。



呀傑立即用左手拎起把刀，用刀一下斬落去，一下將隻屍個頭同個身分開左，冇錯，唔係講笑，呀傑隻左手比我地任何一個人左右都大力，因為佢天生小隻手，所以佢由細到大都不停訓練佢隻左手。


係呢個時候，周圍嘅樹都有啲動靜，就好似提緊我地好多野嚟緊！



「快啲上樓！」


樓梯門口一早已經開了，所以我地即刻跑上去，沿途有乜野都唔理！


九樓，十樓！


「到啦，係呢到！」呀文講


「呀柔，係我呀，呀蕉，快啲開門！」


咔察！大門慢慢咁開！


呀柔樣子慢慢咁露出嚟，一見面，就即刻撲落呀文到。




「多謝你呀！呀文！」


「快啲入去先啦！想死咩？」呀傑講


咁我地就快快手入左去，我由窗口望落去，見到頭先我地殺個隻野個個位，有好多隻係到，三，四，隻，唔係，個到最小又十隻，每隻個口都有血，相信係岩岩食完野個啲屍啦。



「點算，呢個時候我地點丫？」呀柔講



「應該係頭先我地殺隻屍個陣，比佢叫人幫手，事實證明佢地應該識溝通！」呀文話



「係呢個時候，我地諗諗點走先」


6時30分，已經出發左一個半小時！



只見樓下越嚟越多喪屍，天已經光唒！太陽光照住地下，地下上面嘅血，其他人嘅手手腳腳，呢到邊到嚟！呢到根本就係地獄！！！！！！