假如世界只留下小部分人，你還有勇氣生存嗎？: 起程

「好，起程」我細聲咁講


我地諗一諗路程，現在身處健生邨！假如到我表弟家(龍門居)，必須要經個青田公園，再到石排沿途經由輕鐵路軌一路行，我諗都要兩個鐘，因為要選用最安全嘅方法。


沿途仲要希望乜野事都冇發生，再望番我住個棟樓，我諗都仲有好多人係入面，因為好多都著左燈，但望過小小，就有好多紅色嘅微光，應該就係個啲喪屍！呢家望就望暫時全部留唒係棟樓上邊。


「唉！呢個世界變成點丫，其實係咪得番我地幾個架！！！！」呀文樣都變埋







就係呢個時候，遠處有一個黑影從天落下！



「屌，唔撚係呀？啲屍識飛咁唔合理？咁佢玩撚唒啦，我地死緊啦」呀傑驚驚青青咁講







「其實有屍嘅出現已經好唔合理，不過睇清楚啲，個個應個係人！」




應該係一個中年女人







「boom」！一聲，引左係附近嘅喪屍都過唒嚟，啲屍好似發現新大陸咁，拎起個個血淋淋嘅女人，慢慢一下一下咁咬落要，同我地平時食牛扒冇分別！


「唉！我諗個個女人都接受唔到呢個事實，所以寧願死都唔比啲屍咬死，但又點會諗到死左都比啲屍慢慢食，死無全屍呀？」



「快啲走啦！趁呢家冇人」呀傑拍拍我講



就係咁，我地只能見到個女人慢慢比人分屍，然後我地就直穿過青田公園。


再見啦！屋企






我地上到天橋之後，一望，望入宣道書院入變，發現好多屍係入面，為免驚動啲屍，我地唯有行去新圍個邊。



鈴！鈴！鈴！


「屌，唔記得較靜音！」


令我知道，只要係呢一到做錯一個決定，分分鐘幾條人命就玩完！






「喂！邊位？」


「太好啦，你地冇事！呀文係唔係你身邊？蕉，我係呀柔呀，我岩岩一訓醒發現乜人都冇唒，睇一睇新聞發現周圍都係怪物，正當我想走嘅時候，一開門發現有隻怪物係到食緊人呀！可唔可以嚟救我呀？」



就係咁，我同呀文呀傑講左！



「快啲走啦，邊救到佢姐，佢個邊一定好多屍啦！！我地過去咪死緊！」呀傑講







「唔得，唔可以見死不救，我已經忍夠呢個世界，不停見個個人死係我地面前，仲有，呀柔係我地中學同學，識左6年，點忍心唔救佢？何況佢一個女仔！冇人救佢就死硬」呀文堅決咁講


如果我冇記錯，呀文嘅初戀就應該係呀柔！


「我都認為應該要救佢，救得一個得一個」


「唉，你地都痴q線，行啦，仲唔行就比人發現啦！」呀傑話


「得，呀柔，我地呢家過嚟，你汁定野，準備走」






「多謝你呀！蕉」



「唔洗，係呀文死都要救你！」


「…」


好，出發去山景邨，回望我地曾讀過嘅中學。



老師，同學，唔知呢家點呢？



如果真係一開始得我一個，我相信我會好似個個女人咁，係呢一刻我發現我有真正嘅朋友！！！