假如世界只留下小部分人，你還有勇氣生存嗎？: 屯門碼頭

文「咁我地岀發啦喎」

呀文準備打開門

柔「等等先，先睇下門口有冇喪屍先」


正當呀柔想望之際，插一聲，對門插左五隻手指入嚟

「呀！！」





呀柔嚇到成個跌左落地。

傑「係佢地呀，點算啦」


健「冷靜啲先」

啲喪屍已經殺到嚟門口，睇嚟門口已經冇得走了。





「既然係咁，我地窗口岀去啦，十樓姐，快啲入我間房」

講完，所有人入哂房，我把所有桌，椅塞係門，希望可以阻到佢地一陣。

然後一個一個爬落去，首先落去嘅係呀健，然後兩個女仔，到最後係我。

好啦，到我走了，正當我走嘅時候，佢地已經入到嚟，我唯有跑岀窗口，一跳，跳左去下層冷氣機頂。

嗚嗚嗚，佢地沖埋嚟，我望住佢地跳落樓。





「一隻，兩隻，三隻，仲有一隻。」

原來唔只四隻，仲有好多係上面望住我。

佢地雙眼發紅，指甲大約有十厘米長，好綵嘅係佢地唔識爬落嚟，只係上面望住我地。

正當我落到五樓我睇到佢地已經落哂去，樓下都有三，四隻嚟迎接我地。


呀健手起刀落，一把大劍斬落面前一隻。

呀文一劍插入對方心臟，但死唔去。呀傑從後補一刀

「快啲落嚟啦」呀文係下面講





呢個時候我見到小欣後面大約五六米有隻喪屍，我一手拎起把弓，一手拎箭，拉弓，感覺好似魔介個位精靈王子咁，一箭發岀。

落空⋯⋯⋯

「射準啲啦」肥仔峰係後面一把大劍斬落頭到。

「唔好意思，我射箭冠軍嚟架嘛。」

文「我知，五十年前呀嘛。」

呢個時候我已經落到去地下，哈哈「五年前姐，可能太耐冇練過啦」

傑「點走好？啲野四周圍都嚟緊啦」

「個邊有架貨車呀，上去啦」呀健大叫





正當所有人上哂車之際「點解我坐司機位嘅？」


呀健「邊有人識揸姐？得你學過車。」


「係就係學過。不過肥左姐，唔理啦，屯門碼頭姐，死就死啦」

諗緊點解唔行，我先發現原來我未著架車⋯⋯


「各位團友，亡命貨車即將啟動，請各位保持冷靜，唔洗扶，因為即使你揸實扶手都冇用，go go go」






喪屍們食塵啦，眼見後面有源源不絕嘅喪屍，我只好踩油撞開前面障礙物

比我想像中易，已經到達屯門碼頭。


但係我地已經比過百隻喪屍重重包圍。而沒有發覺有任何一架船。


下回係第一章嘅完結，究竟佢地有邊個可以生存落去呢？