假如世界只留下小部分人，你還有勇氣生存嗎？: 去向

下午五時

我望住坐係床邊嘅呀文

「早晨呀文」

「早晨喎呀蕉，五點啦，天都就嚟黑，我地點好丫？」

「其實我都唔知架，不如岀去睇下佢地醒左未啦？」





於是呀文正當開門之際，一開門就見到呀柔企左係門口

兩人當場紅都面埋

「⋯我同小欣煮左飯丫，岩岩想叫你地起身食飯，你地快啲岀嚟食啦」

「嘻嘻，我知道啦，呀文行啦，我好肚餓丫」

岀到廳，其他人已經坐哂埋位





「哇，好多野食丫，呀柔，小欣，你地咁叻嘅，邊個娶著你地就好了」呢個時候我單一單眼呀文。

呀文就話「講呢啲」

哈哈哈哈，終於見到大家嘅笑容
運動，訓完之後果然係最肚餓，其實每日都係我自己一個係屋企，食杯麵，都唔知有幾耐冇食過煮家飯，如果每日都係咁就好了
當然是沒有喪屍啦！

食完之後嘅我地圍埋討論我地下一步應該點做好。





「呀文，你隻腳冇事啦嘛？」

「應該冇事，抖左陣，應該行到，係喎呀蕉，頭先上嚟個陣你覺唔覺一直有人望住你？」

「冇喎，我地上嚟唔多覺，健，肥仔峰，你地有冇？」

「冇丫」


呀文「咁冇野啦，咁我地之後點丫？」

表弟「不如開個收音機聽下，可能聽到啲野呢？」

香港各處碼頭開始運送人離開，請各位未離開的市民快到各地碼頭，收音機不停重複。






小欣開心咁講「好耶，我地有救啦。」


呀傑「但會唔會留係到安全啲呀？」


我「但我地點都要走，始終食物有食完一天，雖然岀面可能危險，但好過遲啲係到餓死，加上佢運夠人就會走，遲左就未必再有」


呀健「不過點都好，等到聽朝先岀發啦，咁夜乜都睇唔到好危險架，大家四點好冇丫」

呀文「一於咁話啦，休息埋今晚」

其他人都一致同意





表弟「你地過嚟一人拎把先啦！」

表弟指住一推大刀

「你屋企幾時變左武器倉架」


「其實我一直都有收藏刀，弓嘅習慣架啦，係你唔知姐，今日終於大派用場了，哈哈」


於是我就拎起一把弓，原因係我早前曾經學過用弓，加上有用菜刀嘅陰影。呀文就拎起一把日本武士刀。而呀健同肥仔峰就拎住一把非常重嘅大劍。兩位女士就拎一把匕首。毒男就照拎住電腦。呀傑就話都係用憒菜刀，自己走左去廚房拎把菜刀
而表弟就拎住三把日本武士刀，扮三刀流，樣子十分搞笑，經我力勸之下佢終於放低一把。

然後傾左陣計之後就各自番房訓。






「呀文，你幾時同呀柔講呀，你地明明仲好在意大家，唔好再係到扮啦，珍惜眼前人呀」

「知道啦，最緊要佢安全，佢安全我就咩都得，有咩都等上左船再講啦。呀呀！好熱隻腳」


「冇事呀嘛？隻腳今朝整傷個到？」


「冇嘅，係有小小熱，我沖涼先啦」


之後呀文就去左沖涼，呀文沖涼時捉住隻腳，發現傷口已經埋口，只不過有啲熱。






另一面小欣同呀柔


「呀柔，呀文係咪你男朋友丫」

「之前係⋯」

「點解嘅？」

「因為有啲事我誤會左佢，所以⋯」


「哦，唔緊要啦，我睇得岀佢好緊張你架，之前唔知你地發生咩事，但之後先係最緊要呀」

「知道啦，你都唔好諗之前個男朋友啦，呢到都好多好男仔架，哈哈」

好耐未試過唔係打機打通宵，而咁早訓教，因為大家都知道聽日係最危嘅一日，所以一定要訓，就算訓唔著都好。

第朝我一早就起身汁好哂野，準備好岀發，然後佢地一個一個行岀嚟


「抖夠未？係時候岀發啦。」

「好！！」


我唔想見到你地任何一個人死係我面前！！