《唔係啩！真係有個老婆教我追女仔！》: 尾聲
我回頭一看，只見小惠、Jodi和Roy已經走得遠遠的，在我眼中差不多變成一個小黑點了。
我沒空再跟Fiona道別，馬上追上他們，眼見他們的背影越來越大，我忍不住叫喊﹕「小惠！小惠！」
其他旅客都停步看著我這個瘋子，只有一個人轉身向我迎面而來。
Roy? 你要攔阻我嗎? 沒可能！小惠是我的！
我使出擱下已久的足球絕技–直角假身，身影一晃就騙過了Roy並越過了他。
我繼續追上去，在離她們只有十步之遙時，Jodi突然拉住了小惠。
做得好！Jodi果然是我的好安搭！
Jodi拉住了小惠的同時，向我喊道﹕「停！你唔好再追小惠喇！」
吓? 為甚麽? 你不是幫我拉住了小惠嗎?
我大惑不解之際，Jodi從口袋裏拿出一張紙，向我道﹕「陳洛鋒，你講過嘅嘢算唔算數? 」
甚麼跟甚麽? 這個跟現在的情況有甚麼關係?
不過我還是答道﹕「我應承過嘅一定算數。」
「咁就得喇。」她轉頭向小惠展示她手上的紙﹕「小惠，呢張就係呀Sam同我立嘅憑據。佢應承我，只要我令到Fiona原諒佢，又令你同Fiona和好如初，佢就會將佢生命中最重要嘅一樣嘢讓比我。咁我而家完成任務喇，而佢最重要嘅嘢呢，就係你，所以你係屬於我喇。」
小惠聞言看了看憑據，向我咆哮﹕「陳洛鋒！你當我係咩呀? 」
Jodi搞甚麼鬼? 這是說笑的時候嗎?
我馬上解釋﹕「喂等等先！我無話過比小惠你喎！我都唔知你講嗰個最重要嘅嘢就係小惠，我以為你想要錢咋！」
Jodi繼續挑撥離間﹕「嗱，小惠你聽到啦，你喺佢心目中嘅地位竟然仲低過錢喎。」
小惠雙眼噴火，我害怕得冷汗直冒。
我急道﹕「唔...唔係呀......你喺我心入面緊係最重要啦，但係Jodi無可能係要你呀嘛，咁我咪以為Jodi係想要錢囉，所以......」我轉而質問Jodi﹕「許佩琪！你玩嘢呀? 你要小惠做咩呀? 」
Jodi哈哈一笑﹕「我玩嘢? 我話你知，我最鍾意嘅就係......」
接著她竟然摟著小惠，深深的吻了她一下。
我跟追上來的Roy看得目定口呆，雙雙張大了口不知給甚麼反應才好，小惠也是幾秒後才醒悟過來，馬上推開了Jodi。
小惠滿臉通紅﹕「Jodi你......」
Jodi牽著小惠的手，坦然道﹕「係呀！我係鍾意小惠呀！」她頓了頓，又道﹕「本來最初我係鍾意Fiona嘅，不過你又話要追Fiona，咁好啦，見同你幾friend咪讓比你囉。咁跟住小惠出現，你明明有咗Fiona仲喺度阻頭阻勢，搞到最後小惠連我都唔肯見。你估我真係好想幫你呀﹖我係想小惠無事好似以前咁先出手咋！嗱，而家我有哂憑證喺手，你唔係想賴皮呀? 若違此誓，從此禿頭、性無能加大肚腩喎！」
我萬萬想不到Jodi竟然是喜歡女孩子的，我氣得指著Jodi﹕「你............！」
等等，Jodi喜歡小惠不代表小惠會接受她啊！小惠明明是喜歡我的！
「小惠係唔會鍾意你㗎！小惠鍾意嘅人係我呀！」
小惠噘噘嘴﹕「我唔鍾意你啦，你頭先仲同Fiona kiss......」
這次輪到Jodi和Roy張大了口瞪著我。
我馬上反駁﹕「Fiona同我講咗啦！你哋頭先係玩我咋嘛。而且你而家仲戴住我送比你嗰隻錶，你仲想唔認? 」
穿幫了的小惠面紅了一下，她馬上將手收到背後﹕「我...我無錶...所以戴住先咋嘛！」然後又哼了一聲﹕「我哋係玩你呀！咁點吖? 」接著小惠眼珠子一轉，露出狡猾的笑容，然後親暱的挽著Jodi的手臂﹕「諗諗吓，可能同女仔拍拖都唔錯喎。」
Jodi喜道﹕「小惠你都係咁覺得呢，我保證我會好過呀Sam！」
小惠你怎麼可能會答應她? ！你是故意氣我的吧！
我大聲道﹕「盧家惠！係你話你係我老婆！係你自己講㗎！你唔係唔認數呀? 」
Roy驚訝的看了看小惠，又看了看我﹕「老婆? ......」
小惠想了想，狡黠道﹕「咁你就要諗吓點樣追番個老婆喇。」
甚麼? 要我再次追求你? 你要看我的誠意嗎?
這個時候，我陡然想起了羊先生。這麽久沒看他的故事，到底故事發展得如何了? 『我』又是否要再次追求『小惠』? 那麽羊先生有沒有寫一個『我』追回自己老婆的故事呢? 若有的話小惠豈不是手到拿來? 嘿嘿......
我馬上拿出手機查看紙言，口中唸唸有詞﹕「羊先生......羊先生......羊先生......」
Roy當然不明所以，他奇怪的看著我﹕「羊先生? 」
小惠聽到Roy所說的竟然看穿我的想法，她兇巴巴道﹕「我警告你呀陳洛鋒！我已經睇過羊先生寫嘅故事啦！我唔知道佢點解會知道我哋啲嘢，我都唔想知！但係你絕對唔可以再去睇佢寫嘅嘢！如果唔係......哼哼！我一世都唔睬你！」說罷她就和Jodi手牽手的離開。
小惠她已經知道了羊先生的事? 為甚麼? ............是之前借電腦給小惠時給她發現的嗎? 她不準我看，難道是因為羊先生寫出了她騙我的原因? 嗚......這可真讓我心癢難熬......
不過滿足好奇心和小惠之間，我當然毫不猶豫的選擇了小惠。
我向著小惠大喊﹕「我唔會睇㗎！我一定會靠我自己追番你返嚟㗎！」
此時Roy伸手攔住了我﹕「小惠係我㗎，我會喺Jodi手上搶佢返嚟，你死心啦！」
我撥開他的手﹕「小惠係我嘅先啱呀！我唔會再讓比你！」
Roy推了我一下﹕「係我先啱！」
我也推了他一下﹕「係我㗎！」
這時候，我們同時瞧向小惠，她和Jodi已經走得遠遠了。
Roy道﹕「其實，我哋係咪應該解決咗Jodi先? 」
敵人的敵人就是朋友嗎? 主意不錯！
我爽快道﹕「咁喺踢走Jodi之前，我哋暫時係朋友，有無問題? 」
Roy點頭﹕「好！」
我們互望一眼之後，同時起步追上去，並同聲喊道﹕「小惠！等埋呀！」
(全文完)