《唔係啩！真係有個老婆教我追女仔！》: 終章
考試期間，跟小惠和Fiona碰到也形同陌路，我在她們眼中，就像透明人一個......
至於社交舞的考試，Jodi說Fiona跟她換了partner，所以考試時我是跟Jodi跳的。
唉......看來Fiona還沒有原諒我......
好不容易終於過了考試週，我馬上找Jodi。
「喂考完試啦，你仲唔快啲做嘢? 」
「駛你提咩！搞掂啦！」
我喜道﹕「咁...咁即係話...Fiona佢原諒咗我? 」
Jodi聳聳肩﹕「唔知呢，係啩。」
我被她無所謂的態度弄得有點急燥﹕「喂！咁即係點呀? 」
她淡淡然道﹕「冷靜啲啦。Fiona呢，佢就叫我同你講，今個月尾佢去英國喇。」
「英國? 佢去旅行呀? 」
「Fiona決定咗去英國讀書，今個月尾就走啦。」
甚麼? Fiona要離開香港到英國讀書? ！.......
我張大了口，發不出任何聲音。
Jodi續道﹕「所以呢，我哋嗰日會去送機嘅，唔駛問你一定去㗎啦。」
Fiona突然要走，我當然要去，但......她真的原諒了我麽? 那麽她和小惠又如何? 能和好如初嗎? 這個才是重點啊！
我將我的憂慮說出來。
Jodi倒是胸有成竹﹕「Fiona叫得我同你講，咁即係無嘢啦，至於佢同小惠呢......其實我都唔係好知。」
我不滿道﹕「喂！乜你咁㗎！做啲唔做啲！」
她拍一拍我肩膊，語重深長的﹕「少年人，有啲嘢呢，係要講緣份嘅，係你就係你，唔係你就唔係你，無得強求㗎。」
她這樣說是甚麼意思? 潛台詞是我和小惠沒有緣份，叫我不要強求嗎?
她續道﹕「不過我知道嗰日小惠都會去送機。至於你哋最後係點，我就唔知啦。」
小惠也會去送機? 是Fiona告訴她的嗎? 那麼她們是否和好初了?
送機那天，我帶著忐忑不安的心情，來到了客運大樓。
Jodi離遠已經看見了我並向我揮手﹕「喂，Sam，呢邊呀。」
我走到他們跟前﹕「早...早晨呀。」
Mandy只是悶哼一聲，然後別個臉去。
Gary﹕「喂，好耐無見。」
我回應了他，然後與Fiona的目光相接。
「Hi，Sam，好耐無見。」Fiona落落大方的。
Fiona跟我說話了！她沒有將我視而不見！她是否已經原諒我了? ！
我受寵若驚，結結巴巴的﹕「Hi...hi......好耐無見啦......點解...咁突然要去英國嘅? 」
Fiona微笑道﹕「其實爹地問咗我好耐啦，我係呢排先決定過去。」
是因為我跟她分手嗎? 所以她才捨得放下香港的一切決心到英國讀書嗎?
Fiona沒有再理會我，逕自的跟Mandy和Jodi聊天。
Gary將我拉到一旁﹕「喂，你而家同小惠點呀? 」
我黯然道﹕「我...我都唔知呀......」我想起他和Fiona的事，問道﹕「咁你呢? 你...同Fiona又點呀? 佢而家過英國讀書喎，咁你點呀? 喺香港等佢? 你同佢表白咗未? 」
Gary也黯然道﹕「唉......我都唔知點好......同佢感情好似好咗好多，但而家佢突然間又話過英國......人哋long D情侶都易散啦，何況我哋只係long D friend......」
他這樣說，就是還沒有表白吧。
「咁你仲唔同佢講你鍾意佢? 」
Gary又嘆了一口氣﹕「咁...咁佢對我嘅態度仲係好似好朋友咁，我驚講咗出嚟返唔到轉頭呀......」
Fiona並不是笨蛋，Gary對她的心意如何她再蠢也能感受一二吧，而她也沒有拉開跟Gary的距離，那麽Gary應該有很大機會的。
於是我道﹕「喂！你屋企都算係有錢呀呵。」
Gary瞪了我一眼，像是奇怪我這個時候問他這個問題，不過他還是回答了我﹕「算唔錯啦......」
「咁就得啦！你跟埋過去英國讀書咪得囉！」
他吃了一驚﹕「吓? ！......咁......」
「咁咩呀? 既然你咁鍾意Fiona，你唔豁出去點追到佢呀? 真係唔怪得你會輸比我！」
顯然，我的激將法成功了，他的眼神變得很不甘心，並咬牙毅然道﹕「好！我今晚就同呀爸呀媽講！」
就在此時，我聽到Jodi的聲音﹕「咦? 小惠同呀Roy喎。喂！呢邊呀！」然後我看到她向他們連連揮手。
卻說沒等到他們走過來，Fiona已經跑過去一把擁著小惠了。
只見Fiona一直在小惠耳邊說話，小惠的表情由驚愕，變成了感動，並緊緊擁著Fiona哭泣。
Jodi用手肘碰碰我，得意道﹕「睇嚟Fiona同小惠無嘢囉喎。」
看樣子，她們的確是和好如初了，我不禁十分好奇﹕「你究竟做咗啲咩令Fiona原諒我，又可以同小惠好返呀? 」
「我將你嗰日hurt佢背後嘅目的講返比佢知咋嘛，而且又有Gary同你做證，Fiona諗一諗就知你嘅苦心啦。而且小惠根本就係無辜嘅，佢係比你連累咋嘛。」
真的是我連累小惠嗎? ......唉...算了......反正現在已經沒事了......
Fiona幫小惠拭淚又繼續說話，只見小惠臉上一紅，並瞄了我一眼，然後鼓起腮跟Fiona說話，最後Fiona笑著將小惠牽了過來。
「Sam，你睇吓邊個嚟咗！」Fiona將小惠推了過來。
我當然很想馬上擁著她，但我還是克制了自己﹕「Hi......小惠......」
小惠好像有點害羞但又馬上變臉，她哼了一聲然後別過臉不理睬我。
Fiona走過來一左一右的挽著我和小惠，向其餘人道﹕「我哋去嗰邊買啲嘢，你哋喺度等一等啦，好快返。」
Fiona將我倆帶到一處他們看不到的地方，然後向小惠道﹕「小惠你等一等，我有啲嘢想同呀Sam講。」
小惠當然很疑惑，但她也識趣的走遠了幾步，在不遠處等著。
Fiona有話要單獨跟我說? 到底是甚麼。
「Sam，我要走啦。」
「嗯......我...對唔住......你要好好保重，得閒多啲返嚟探我哋啦。」除了道歉，其實我是很捨不得Fiona的。
Fiona微笑道﹕「臨走之前，我有樣禮物要送比你嘅。」她瞄了瞄小惠，小惠正看著我們。
禮物? 甚麼禮物? 怎麼我覺得她的笑容很詭異......
Fiona雙手突然掛上我的脖子，然後將我的頭拉下並將唇印上來......
唔...等...等等......Fiona......
意亂情迷之際，她鬆開了我，雙頰紅粉緋緋的﹕「呢個，係為咗懲罰你令我咁傷心嘅『禮物』。」
吓? 懲罰? 這算是懲罰嗎? 可不可以再罰一次?
她又在我耳邊笑道﹕「你將會得到應得嘅懲罰喇，我今次就原諒你啦！」
Fiona大概見我一頭霧水，於是往旁邊瞅了一下，我朝她的視線看過去，小惠正驚訝得掩著嘴巴。
仆街鳥！我都忘了小惠站在一旁，難怪Fiona說這個是懲罰了！
小惠由驚訝變做傷心，雙眼紅紅的淚水在眼眶裏滾來滾去，就要轉身離去。
Fiona你幹嗎要這樣做? ！這回真是跳進黃河也洗不清了！
正當我想追上前解釋時，Fiona已經比我快一步的抓住了小惠並跟她耳語。
只見小惠聽了後嬌嗔的打了Fiona一下，Fiona則笑笑的指了指我，然後我看到小惠瞅了我一眼，又露出一個不屑的表情。
嗚呀！她們到底在說些甚麽? 有人可以告訴我嗎?
她倆耳語完畢，Fiona揚揚手示意回去，然後她倆就手挽手的往回走。
我跟在小惠身旁，拉拉她衣袖想跟她說話，但卻「哼」的一聲甩開了我的手，又繼續和Fiona有說有笑。
怎麼回事? 剛才明明是Fiona主動吻我的！我甚麼都沒有做啊！怎麼她和Fiona像沒事人一樣，但卻不理睬我? ......難道剛才小惠沒看到主動的是Fiona，而Fiona又說是我主動吻她嗎? 冤枉呀！青天大老爺！
吃了這個啞巴虧，我卻知道解釋也沒有用，因為小惠相信的那個一定是Fiona而不是我。
回到眾人身邊，Fiona開始跟他們道別。
「Mandy，我走啦。」
Mandy擁著Fiona，淚眼汪汪的﹕「你...保重啦，記得多啲返嚟探我哋呀......」
Fiona拍了拍她的背﹕「傻瓜，我哋今晚都可以whatsapp啦！」
Mandy破涕為笑，又擁了擁Fiona。
Fiona跟Gary揮揮手﹕「再見啦。」然後就拉著行李轉身離開。
Gary像是下了很大的決心，向Fiona喊道﹕「Fiona！我會去英國搵你㗎！」
噢！Gary可真勇敢，竟然當眾示愛！還好剛才他看不到Fiona吻我，不然我鐵定直送機場醫院。
Fiona也愣了愣，然後她笑靨如花道﹕「好呀！我等你！」
這個答覆，Fiona是認可了Gary吧。
我拍了拍Gary的肩膊表示恭喜，正被海關人員檢查護照和機票的Fiona卻轉身向我道﹕「喂！Sam！提一提你，頭先我同小惠只係夾埋玩你，佢扮嬲咋。小惠走咗去囉喎，你仲唔快啲去追佢? 」
WHAT? 小惠走了?