《唔係啩！真係有個老婆教我追女仔！》: 第二十三章
樂言搭著我的肩膊﹕「喂！噚晚語氣重咗，梳哩呀。」
「唔係，你鬧得我啱，所以我噚晚去咗搵Fiona。」
他吃了一驚﹕「吓? ！......咁你同Fiona......」
我點點頭﹕「嗯，我哋分咗......」
我和樂言才離開宿舍，我就被人拉走了。
「你條仆街！你同我過嚟！」我定睛一看，是Gary，他已經知道我和Fiona的事了嗎?
我給他拉到一處暗角，然後......
「屌你老母！」冷不提防地，我的臉頰已經吃了一拳。
「喂喂喂！你做乜打人呀！」跟著我們的樂言馬上阻止Gary繼續進擊。
Gary指著我大駡﹕「仆你個街！Fiona咁好，你做乜要同佢分手呀！」
我捂著刺痛的臉頰，苦笑道﹕「我......唉......咁而家我同佢分咗手，你咪可以再追佢囉......」
Gary聞言又想衝上前打我，樂言及時制止了他，他隔著樂言駡道﹕「你條撚樣知唔知自己講緊乜呀！你唔係鍾意Fiona先追佢咩? 而家算點呀? 玩厭咗，又鍾意咗小惠，所以就唔要佢喇? 你當Fiona係咩呀? 你知唔知佢而家點呀? 你個賤人！」
Gary的質問，令我雙腿無力的跌坐在地上。我抱著頭，腦海一片混亂。
對不起......Fiona......對不起...我只是......不想繼續欺騙你......我喜歡的是小惠......對不起...真的對不起......
我抬起頭，這才發現我的視線已經模糊一片，我已經看不清眼前的一切。
我哽咽道﹕「對...對唔住......我都唔想.....對唔住......」
我聽到樂言在替我說話﹕「喂！你都睇到佢而家係咩樣啦！你估佢好想咁㗎? 咁感情無得勉強嘛，鍾意就係鍾意，無得呃。而且佢都無繼續拖住Fiona......」他吸了一口氣，又道﹕「其實，如果佢繼續同Fiona一齊，對佢仲唔公平啦，係咪? 」
樂言說完後，Gary沒有再責駡我，四周只餘下我們的呼吸聲。
一會兒後，我看到Gary的身影向我走近，然後向我伸出了手﹕「喂！起身啦。」
我握著他的手站起來，問道﹕「Fiona佢......而家點呀? 」
Gary苦笑﹕「頭先上lecture成堂都喺度抹眼淚，Mandy問咗佢好耐佢先肯講出嚟，而家有Mandy陪住佢。」
樂言道﹕「睇嚟Fiona仲未接受到。」
Fiona......怎樣才能讓她放棄我?
「樂言，你有無辦法呀? 」
「嗯......都有嘅，但就睇吓你做唔做得出喇。」
下午時份，我在中醫藥大樓附近等候著。不一會，我看見樂言和Gary伴著Mandy和Fiona向宿舍的方向走過來。
我立刻上前跟Fiona道﹕「Fiona你過嚟吖，我有啲嘢想同你講。」
Fiona先是嚇了一跳，然後踏前了一步，淚眼汪汪的﹕「Sam......」
Mandy看見是我已經破口大駡﹕「你個賤人仲嚟搵Fiona做咩呀? 你仲嫌hurt得佢唔夠呀? 」說著說著她走上前分隔著我和Fiona。
樂言馬上將她拉走﹕「人哋兩個人嘅事我哋唔理得咁多㗎。」
Gary向我打了一個眼色，我會意，於是我道﹕「跟我嚟吖。」然後將Fiona拉到不遠處。
Fiona神情萎靡，雙目通紅，她牽著我的手，正楚楚可憐的凝視著我。
看著她這個樣子，我的心都絞痛起來，差點就忍不住將她擁入懷裏好好安慰。
不！我的目的是讓她死心，若安慰她的話不是更讓她難捨難離嗎?
我換上一副撲克臉，冷冷的道﹕「你應該睇到我噚晚寫比你嗰張字條啦。」
Fiona的眼淚又開始流出來﹕「Sam......你真係鍾意小惠? 」
我坦然承認﹕「係，我係鍾意小惠。」
她臉色一黯﹕「但...佢而家同呀Roy一齊喎......」
我故意用輕挑的語氣﹕「之前我唔知佢都鍾意我，咁我見你又幾靚，咪追住你先囉，點知又得咗喎。咁而家我知道小惠係鍾意我，咁我緊係去搵返佢啦。一腳踏兩船呢啲嘢我係唔會做㗎，所以我咪即刻同你分手囉。至於呀Roy，其實小惠同我鬥氣先同佢一齊啫，我去氹吓佢就無事喇。」
Fiona的眼淚像缺堤一樣﹕「你......你當我係咩呀? ......」
我冷笑一下﹕「吓? 咁都仲要問? 畫公仔唔駛畫出腸呀? 我見悶悶哋搵你攝時間咋，你唔係真係咁認真呀? 」
她已經泣不成聲﹕「你...你唔係呀Sam......呀Sam唔會咁對我......佢唔會......」
我的心已經在淌血，不過我知道只差一步，只差一步Fiona就會對我完全死心。
我色迷迷的打量她﹕「嘿嘿...不過老實講，噚晚你咁主動，我都差啲忍唔住......可惜我都係唔夠賤，而家諗諗吓我應該食埋先走......」
啪！
我還沒有說完，左頰就重重的吃了一記耳光。
我不敢看Fiona，所以我撫著被打的臉頰，將目光投向遠方，若無其事的道﹕「我一直都係咁嘅人，只係你唔了解我啫。而家咪好囉，你終於知道我係咩人。其實你都無乜損失啫，係咪? 」
我不知道她有沒有聽到我的說話，因為她已經哭著跑掉了。
Gary去追Fiona時，跟我說﹕「喂，小惠頭先嚟咗，佢差唔多睇到哂成個過程，雖然咩都聽唔到，但應該估到發生咩事，你自己執生啦，我走先。」然後就一溜煙的去追Fiona了。
我馬上轉個頭去，只見小惠正緩緩向我走過來，樂言、Mandy和Roy則繼續站在遠方。
小惠來到我跟前，不發一言，抬頭冷冷的看著我。
我有點不知所措﹕「小惠，我......」
啪！
小惠揮手重重的甩了一個耳光在我右頰上。
「小惠......」
她沒有讓我說下去﹕「你做咩同Fiona分手呀? 」
「我...我唔想再呃Fiona，我更加唔想自己呃自己！我鍾意嗰個係你呀！」
她面紅耳赤的質問我﹕「你而家係咩意思呀！開頭又話鍾意Fiona鍾意到要死！而家追到手，又話鍾意第二個，你當我哋係咩呀? 你又當你自己係邊個呀? 」
我有點氣上心頭，抓著她的手道﹕「我無當我自己係邊個。我只係知道我而家係鍾意你！想同你一齊！」
她甩開了我，怒道﹕「係你話鍾意Fiona我先返嚟幫你，而家又話鍾意我? 你玩呀? ！」
我忍不住將所有事說出來﹕「你夠話你係我老婆啦！你根本唔係未來返嚟，點解你要呃我? 」
小惠瞪大了眼睛看著我，像是沒法接受被我識破了一切的事實。
我倆默默對望著，時間在我們身上像是失去了功效。
小惠終於打破沉默，她結結巴巴的﹕「咩...咩唔係未來返嚟呀? 如果我唔係你老婆點會知你咁多嘢呀? 」
我有點歇斯底里﹕「我唔知！但係我知道成日搵你嗰個Brian係你二哥！你屋企根本就喺九龍塘！你明明係鍾意我，點解要幫我追Fiona? 點解要對我咁好，但而家又要同Roy一齊?」
「我...我......我無鍾意你呀，衰人！」然後一腳朝我的脛骨踢去。
媽的！盧家惠你不用這麽狠吧?
我痛得跌倒在地，再爬起來時她已經跑走了。
「小惠！小惠！盧家惠！」我一拐一拐的想追上去，但一來受傷的腿不能發力，二來Roy已經攔住了我。
Roy冷冷的看著我﹕「你hurt完Fiona仲唔夠? 而家仲想傷害小惠? 」
我想將他推開﹕「唔關你事！唔好阻住呀！」
他一手就將我推倒在地，指著我道﹕「你唔記得之前同我講過啲咩喇? 而家一句『唔關你事』就想搶返小惠? 我會照顧小惠，唔駛勞煩你喇，Samuel。」他拋下這句話就緊追小惠而去。
「有無人可以話我知發生咩事呀? 梁樂言！」Mandy向著樂言咆哮。
樂言陪笑道﹕「係係係！Mandy姐，或者我哋係咪應該去搵返Fiona先呢? 我哋一路行一路講啦。」樂言給了我一個憐憫的眼神，就領著Mandy離開了。
所有人都走了......小惠，Fiona都走了......
我閉上眼，左右臉頰傳來熱辣辣的刺痛感，像是不斷提醒我剛剛把最喜歡的兩個女孩都趕走了......