《唔係啩！真係有個老婆教我追女仔！》: 第十四章
哈哈哈哈......第九章竟然說『我』打丁的時候給『小惠』撞破了！這可真尷尬得要命！若果真的發生的話......
我搖搖頭有點不敢想下去，這個情境實在太可怕了......
雖然自從與小惠同房後很久沒有來一發，但為免出現故事中的情節，看來我還是繼續憋下去比較好。
然後『我』被『小惠』逼迫去運動場跑步而巧遇『Fiona』，之後一起去吃早餐。這個情節當然不能錯過。
我看了看Fiona的時間表，她只有大後天需要上早課，看來就是那天了。
再看下去沒有甚麼特別的情節，只是後來『Roy』在『Mandy』身邊出現看來令『樂言』很在意，在意得令『他』帶走了『Mandy』。
樂言跟Mandy是不是有甚麼不可告人的秘密關係呢? 他們在中學早已認識，難道是前度的關係? 嗯...看來也不太像，但為甚麼『樂言』要帶走『Mandy』呢?
嗯，想不通，還是算了，反正Roy現在要追的不是Mandy而是小惠。
大後天，我一大早的起來換了一身運動套裝，看準時間躲在新校的平台探頭探腦，準備與Fiona來一個「偶遇」。
等到約莫七時二十分，我果然看到Fiona從圖書館那邊走過來。待她接近，我就突然跑出去。
她被我突如其來的出現嚇得驚叫一聲。
「呀...sorry......咦? Fiona? 乜咁啱呀? 」
Fiona拍了我一下，嗔道﹕「嚇死人咩? 」
我搔搔頭﹕「sorrysorry，我都唔知有人。」我續道﹕「而家先七點幾咋喎，你又會咁早返學嘅? 」
「我諗住早啲返嚟去備課嘛......你呢? ......睇你個樣，好似去做運動咁喎。」
「哦，我平時朝早都會去運動場跑吓步，啱啱跑完咋嘛。」
「哦係呀，但你好似無流汗咁嘅? 」
糟了！忘記要弄濕一點點臉龐，這可露出馬腳了！
我忙道﹕「其實我跑完一陣啦，只係我行多幾個圈，cool down埋先返上嚟啫。而且而家又唔熱，我都唔係流咗好多汗啫。」為免她懷疑下去，我連忙道﹕「你食咗早餐未呀? 一齊食完先上堂啦。」
Fiona微笑點點頭﹕「好呀。」
吃過早餐，我送Fiona到課室上課。
「你上堂上到幾點呀？不如一齊食lunch吖。」雖然我從故事中知道她待會要跟Mandy、Gary等人討論功課，但我還是問一下。
「噢，sorry呀，Fiona一陣要同我去傾功課呀，同唔到你食飯啦。」回答我的，卻是剛來到的Gary。
Fiona拍了一下手﹕「係喎！我都差啲唔記得添！」然後向我道﹕「我去唔到啦，sorry呀。」
雖然我早知結果如此，但還是忍不住狠狠瞪了Gary一眼。
我道﹕「食唔到幾咁閒啫，下次先囉。」
Fiona微笑道﹕「咁好啦，拜拜。」
Gary得意洋洋的看著我﹕「我哋上堂先啦，拜拜。」
看著他跟Fiona結伴走進課室，恨得我牙癢癢的！
跟樂言他們吃過午飯後去上課，剛離開宿舍的門口時記起Fiona他們應該在飯堂那邊討論功課。於是我朝那個方向看了一眼，果然發現了他們。
不但Fiona、Mandy、Gary在，連小惠和Roy也在！
怎麼小惠也會在這裏的? 故事中『她』明明就沒有出現。而且Roy也在，他是因為小惠才會在這裏嗎?
小惠正拿著滑鼠移來移去，我看見Roy正指著屏幕像是指點著她甚麼，但他突然直接抓起她的手操作！
你老......！好端端的幹嗎要碰她的手? 這不是非禮嗎?
我向樂言他們道﹕「喂你哋去上堂先啦，唔駛理我，我一陣會過嚟。」說罷已經向他們走去。
「嘩嘩嘩！原來係咁呀！呀Roy你好勁呀！」小惠眼望屏幕，雙手興奮的搖著Roy的手臂。
「咦? Sam......」Fiona看見了我，但我現在沒心情回答她。
我沉聲道﹕「盧家惠你同我過嚟。」我沒等她答應，就一把將她拉走。
才剛離開他們的視線範圍，小惠就甩開了我，怒道﹕「喂呀！做乜呀！你整到我隻手好痛呀！」
對了，我在幹甚麼? 看見小惠跟Roy這麽親密就憤怒了嗎? 我到底當小惠是甚麼? 我到底在幹甚麼? ......
小惠見我眼神空洞，不發一言的呆呆站著，怒道﹕「痴線㗎！無端端拉走人又唔講嘢！」她見我還是沒有反應，又道﹕「喂！你無嘢講我走啦！」說罷就要轉身離開。
我一聽見她要走，馬上拉住了她﹕「等...等等......」
她一臉的不耐煩﹕「點呀? 」
「我......你......」我支支吾吾的說不出話來，小惠又道﹕「點呀? 依依哦哦講乜呀? 」
我嘆了一口氣﹕「無......都係無嘢啦......」
小惠看了我一眼﹕「無嘢我返去啦。」離開之時又唸唸有詞﹕「都唔知痴咗邊條筋，無嗱嗱拉走人又唔講嘢......」
小惠走後，我抱著頭蹲在地上。
我到底在幹甚麼? 我在吃醋嗎? 我到底在幹甚麼? ......
我感到有人輕輕拍一拍我的肩膊，我抬頭一看，Fiona竟然站在我的面前。
Fiona柔聲道﹕「你無嘢嘛? 你面色好差喎。」
我連忙站起來﹕「無...我...我無事......」
Fiona溫柔的看著我﹕「真係無事? 小惠話你粒聲唔出，都唔知你發生咩事。」
我苦笑一下﹕「我...我都唔知點講......」然後我強裝精神﹕「其實我真係無事喎......」
Fiona定睛看了我好一會，才道﹕「咁好啦，我返過去先啦，但你有事嘅話一定要同我講喎。」
我點點頭，Fiona笑了笑就離開了。
我沒有去上課，回到房間直接躲在被窩裏。
Fiona......小惠......Fiona......小惠......Fiona......小惠............
她倆來來回回的在我腦海裏出現，直到我漸漸沉睡......
我牽著Fiona的手，甜甜蜜蜜的在拍拖，突然在我們眼前出現的，卻是手牽手的小惠和Roy。
我雙眼冒火，衝上前質問小惠﹕「你！......你唔係我老婆咩? 你點解會同佢......」我指著Roy，氣得說不出話來。
小惠幽幽的看著我﹕「由你同Fiona一齊嗰一刻，我已經唔係你老婆啦。」然後就牽著Roy離開。
我拉住了她﹕「小惠......」
小惠甩開了我並賞了我一個巴掌﹕「我同你無任何關係喇！陳洛鋒！」
Roy在離開之前，在我的肚子狠狠抽了一拳，然後冷笑道﹕「想享齊人之福呀? 嘿嘿！」
我痛得弓起身子，抱著痙攣的肚子在呻吟。
這時候有人扶起了我，原來是Fiona。
「Fiona......我......」我不知道還能解釋甚麼。
「呵，原來小惠係你老婆。」Gary不知何時出現在Fiona的身旁。
「原...原來......」Fiona流下淚來，默默轉身離開。
「唔好走！」我及時拉住了她。
Fiona轉過身，默默的看了我一眼，然後狠狠的打了我一個巴掌就跟Gary一起走了。
我嘶啞的叫道﹕「Fiona！」
「Fiona！」我霍然坐起來，冷汗流了一額，原來剛才只是做夢......
「唔駛發夢都掛住Fiona呀? 」小惠冷冷的聲音傳來。
我轉頭一看，原來小惠已經回來了，她正冷冷的看著我。
「我......」其實我剛才也有夢到她，但我又怎麼說出口呢......
小惠白了我一眼，沒好氣道﹕「差唔多8點啦，去食飯未呀? 」
甚麼? 八時?
我看見窗外漆黑一遍的天空，我竟然睡了整個下午。
「小惠......」
「咩事呀? 」
「今日...晏晝......對唔住呀......」
她瞪著我，道﹕「你究竟咩事呀? 」
「小惠你......」我看了她一眼又低下了頭﹕「你係我未來老婆呀呵......」
小惠顯得有點緊張﹕「第一日我就咁講啦，做咩呀? 你唔信我呀? 如果我唔係你老婆點會知你咁多嘢喎。」
我口不對心﹕「我唔係唔信你......」我頓了頓，續道﹕「只係......我見你同呀Roy好似......好似......」
我換了另外一種說法﹕「你唔係應該要避忌吓咩? 你始終都係....人哋老婆。」
小惠似笑非笑的看著我﹕「做咩呀? 你呷醋呀? 」
我矢口否認﹕「唔...唔係！我只係驚...你老公戴綠帽啫！」我變得理直氣壯﹕「咁話哂你係返嚟幫我，我有責任幫你老公睇住你囉！」
小惠悶哼一聲﹕「狐假虎威！」
我還想繼續教訓她﹕「總之就.......」
她沒有讓我說下去，截住了我﹕「得喇得喇！我有分數......情人節就到啦喎，你諗住點呀? 」
情人節? Shit！我都差點忘了！只怪我從前都跟這個節日無緣無份......
我有點猶豫﹕「你係話，我應該約Fiona? 」但這樣做的話，就跟表白無異吧?
小惠點點頭﹕「啱一半唔啱一半啦。」
甚麼意思? 我不明白。