入到痕管，原來有個陰謀係從來無人發現......: 第二章 垮國犯罪集團

開SEM一個禮拜，原來好多人已經分左組，我呢Ｄ死毒Ｌ肯肯定都係被人分剩果批。
 
學高登仔話齋，努力讀書你慌無女埋你身？ 我信，我真心信，所以開學一個禮拜都唔夠，我就已經毒係圖書館。

其實上左一個禮拜堂，好多野都唔係好明，可能自己英文好水，又咩都唔識，所以有好多野慢慢要追返上。 

突然，有一隻善良的手拍一拍我。 

「你好啊，我上CMS果堂見到你，我叫Sue，你都係BJC？」
「係.....係啊，你好...Sue。」我無意識到竟然有女仔主動同我打招呼。




「咁夜都未走？開sem第一個禮拜就咁努力？」
「因為自己成績麻麻，想努力小小追返D成績啊嘛。」
「哦！咁好啦，唔好留咁夜啦，夜晚痕管無車返出去架！我走啦BYE。」 

鳴啊！終於有第一個朋友，作為一個小毒撚，重要有人主動行埋黎同我打招呼，感動不已。

 之後自己係圖書館的一角，搞下搞下訓著左，連圖書館關埋我都唔知道，SHIT，零晨三點幾！ 明顯我就係因為熱醒啦！因為連冷氣都埋。

 忽然聽到樓下有車聲，我行去窗口望，一卡卡貨櫃車使入學校，零晨三點幾洗入學校？ 





然後我就想行出門口推開門出去睇下咩事，突然防盜響起，唔洗三十秒五六個人拎住步槍係門口指住我，Ｄ步槍紅外線係我身體指來指去。

 我被人用頭套蒙住，跟手就比人送上學校最高層樓，我聽到學校個電梯大大聲咁話「七樓～癡老～ SEVEN FLOOR」唔通同學校Ｄ老師有關？ 

入去時候聽到密碼鎖聲又聽到好似夾萬開鎖聲，死啦，我無辜架嘛，點算？

唔通真係有咩陰謀係呢間學校入面？ 我頭套一比人揭開，就見到我學系三個主要教授坐曬係度。

 就係佢整響圖書館警鐘。」個保安拉返支槍個保險掣然後企係後面。





「你係圖書館發現左咩野？」紅姐係系主任，佢個樣像呢個時候好惡！

「我咩都唔知架！我係圖書館訓著，關左門都唔知到，然後訓醒見到學校有貨櫃車駛入，咪想行出去門口睇下囉！點知到行到門口突然警鐘響起，就比你地送左上黎！啦，我咩都睇唔到！咩都唔知道，你放左我好嗎？」我話。

「你好似知道我地好多野，如果你扮唔知道都還好，但係你就係太醒目。」

紅姐拎住把手槍對住我個頭。

「不要再跟他說了啦，就地一槍「啪」了他就算了！」詹士係一個台灣黎既教授。

「又要殺人？這次誰負責清潔？還是把他活埋後山，反正又不是第一次了。」宋教授係好似內地黎，講Ｄ國語平時都好難明！

「計我話，不如就一槍「啪」左佢，然後就埋去後山，就咁話！」紅姐已經拉左手槍個保險掣。

 突然有人拍門，紅姐就走左去開門。





 「老闆，麻黃素送曬入圖書館，貨櫃車使走左。」

「嗯，出返去啦。」紅姐關返道門。 

「麻黃素......你地係學校製冰毒？呢間原來唔係學校係製毒工場！」我大叫左出黎。

「我都話你知到我地好多野架啦！睇黎都係要送你西天」紅姐準備舉起支槍對住我！ 係呢個千鈞一髮之際，我講左一句說話。