入到痕管，原來有個陰謀係從來無人發現......: 第一章 揭穿了的秘密

 「啦，我咩都睇唔到！咩都唔知道，你放左我好嗎？」我話。
「你好似知道我地好多野，如果你扮唔知道都還好，但係你就係太醒目。」紅姐拎住把手槍對住我個頭。
「不要再跟他說了啦，就地一槍「啪」了他就算了！」詹士又加多一把口。
「又要殺人？這次誰負責清潔？還是把他活埋後山，反正又不是第一次了。」宋教授加埋把嘴入黎。
「計我話，不如就一槍「啪」左佢，然後就埋去後山，就咁話！」紅姐已經拉左手槍個保險掣。

 PAUSE，啊！SORRY，我個故事係咪快左小小？好似未交代好多野，或者我講下自己係邊個先，我叫WK，新聞系三年級學生，前面果位紅姐，係我地學系主任，左手邊呢位詹士，右手呢位宋教授，都係我地學校既教授，講國語的。 

至於點解我比人用槍指住個頭，或者等我解釋下，簡單來講，就係因為我揭穿左呢間學校的秘密，無錯，就係呢間痕管－外間所稱呼的「學店」。





 與其說學店，不如說係一間跨國犯罪集團，等我同咁多位交代下故事劇情發展。

 是咁的。 那一年，DSE衰左，拎住17分，讀文科，因為唔識英文，學校理科係開英文，所以最後咩OFFER都無，唯有四出搵學位，本身小弟我熱愛文字，但係中文系呢類咁高竇的科目，係我不能高攀的，唯有搵比較實用小小的科目，剛剛好聽聞呢間學校開新聞系，我就九秒九狗衝。

 當日，我如同成吉思汗打仔一樣，衝去報名處，望都唔就填好曬份FORM，係果排爛爛溶溶的綠色凳上戰戰兢兢咁等INTERVIEW。 

我好記得，當日IN我果個，就係詹士。我唯有用自己好破爛的國語去應付佢。 

「你覺得作為一個新聞記者，有甚麼守則你要遵守呢？」佢問。





「俄撚為賴說，焦屎災甚麼情況下，也要繼續滋滋的公座，寶島事屎的真相。」

「很好，可以了，謝謝了！」死啦，佢係咪唔收我啊咁？

「俄想情問一下，醉快甚麼屎厚收到消息？」「最快下午五點給你電話了！」

「姣，些些！」 好啦，我就依然好擔心自己無書讀，個情況比起擔心女朋友有左更嚴重(YOU KNOW WHAT I MEAN)，不停望住自己個電話，等到五點。

 他媽的，終於響起。





 「喂WK！放榜啦喔！咩成績先？」打來條友叫阿志，中學同學兼死黨。

「頂你個肺！我跳樓啦！係咁先啦仆街！」呢個時候打來係咪想死你話？ 過左一陣，個電話又響，呢次應該無錯啦下話？

 「喂！阿志話你跳樓喔！唔好咁睇唔開啦好無」打來果個叫阿聰，我另外一個死黨。

「我殺左你條仆街仔再攬埋你老母跳樓啦！係咁啦冚家剷！」妖，係咪想死啊？ 五點十五分，電話做咩唔響？天啊！我係咪真係可以走去跳樓？

 「冚家剷來齊種樹，汝家池塘多.......」大家唔好誤會，呢個其實係我電話鈴聲。

 「喂請問係咪WK先生?我地係痕管打來，我地想通知，新聞系已經收左你。」 媽！我得左啦！對於我呢種考試失敗者，就好似第二次投胎重生一樣。

 係果個暑假，我努力減肥，去迎接第二次投胎，人人都話入到大專就唔洗讀書，個個都會識都女朋友、住HALL、上莊、返工、啪啪啪之類，總之果個暑假我就不停做運動，建立一個最完美的自己，去迎接自己女朋友。

 天啊！九月話咁快就到了。 





九月第一日開學，必定經過所謂木人巷，而呢條巷遽聞會有成千上萬的美少女拉你入會。

 「不如加入我地MU SOC啊同學！」「我地DANCE SOC好多活動架同學！」「我地DRAMA SOC好好玩架！」 天啊！FF都覺得興奮！ 當我到達學校門口第一步，咦？美少女呢？巷呢？ 

「同學，你有無興趣加入我地BOARD GAME學會啊？」說話的美少女，樣子甜美，白雪雪，重要著黑絲，佢雖然著左件外套，但都遮唔到佢美好身材，重要著短裙？唔好話玩BAORD GAME，我比你玩都願意啦！ 

「點入會架？」我問。

「好簡單架炸！你直行到下面經過餐廳，就會去到調常走廊，入面有我地既攤位，你我地有同學會比表你填同埋你要預備100$入會費喔！」 

就係咁，我一連入左幾個，唔係，係八個。

八個不同學會，我怕自己識唔到朋友，人地話入到大專一定要入會，個情況就好似你行古惑一定要跟大佬一樣。





 至於你點解話唔報 O CAMP？我唔係唔想報，而係報唔到，太多人爭啦？個個都話除左大O同細O之外，其他報唔報都無乜所謂。

就係咁，我展開左自己痕管的生涯。 其實新聞系WORK LOAD都幾大，應該話讀咩書都大架啦，但係睇住Ｄ師兄師姐日日拎住部大機走來走去做功課，我就覺得充滿熱誠，我一定要係呢度畢業！