我唔想一班朋友青春就咁完結: 茄汁酸味 都市傳聞
「喂！七仔！準備好未？」通肛輝向我擠眉弄眼。「通肛輝 或 肛輝」原名江東輝，因為當年受到《愛生事家庭》這套漫畫影響，學校男生爆發了一場腥風血雨?灌腸熱潮，而當中最為人熟悉，正是江東輝某次在PE堂跳起灌藍時，落地正好被我「灌個正著」，令江東輝當場失禁而因此得名。
「梗係有，唔通裸泳咩...」我拍拍背上的背包。七仔亦是我的花名，因為我家境困窮，零用錢得雞碎咁多，但又非常喜歡吃朱古力，於是便經常到學校附近的七仔偷kinder 繽紛樂，從未失過手！
「今次大約有幾多人？」通肛輝拉低口罩。
「至少都有十幾個掛，ICQ度約?。」我。
今天是2003年會考放榜的日子，我們這一年的會考生，因為沙士襲港，每個人都必須載著口罩考試，由於學校在最後上課天早半個月就宣佈停課，所以原本打算在最後上課天的慶祝活動，被逼取消。雖然說突然多了十幾天假期，讓學生多些時間溫書，但對我來說一點幫助也沒有，反而正在玩的網絡遊戲倒是連升了好幾級。
此外，一生人只有一次的中學生涯突然宣佈停課，就好像被人腰斬了一樣有點不完滿。所以我打算在會考放榜的這一天，約大家到沙灘瘋狂玩餐飽。正所謂痴痴呆呆坐埋一抬，我和這班能夠稱兄道弟的伙伴，根本就沒有四處找學校升中六的煩惱，因為根本沒有學校會收我們這群會考只得０～３分?精英份子！所以我夠膽講！就算在會考放榜這麼重要的一天！我也是能一呼百應的！
「?？原來你講真嫁？我以為你講笑...」
「你都痴線...我仲要返PARTTIME...」
「Sorry，我都估唔到自己會咁高分，我要去搵學校...」
「我無諗過去...」
結果........
「叛徒！！二五仔！！賣國賊！！」我怒吼拍抬，結果在學校附近的快餐店裡，竟然只剩下三個人...
「咁今日係咪CANCEL？不如去網吧打機。」阿豪提議，他是個很利害的氣球人，我早在中一時已經認識他，他是個不折不扣的胖子，但是到中二竟然突然變得消瘦，他說胖胖的一定溝唔到女。但到了中三有一個女同學跟他說「你胖一點比較可愛」，他又在數個月之後變得比以前更胖了。
「打少陣啦...呢排又無新game，Diablo3 又未出...」我捏住他臉上白裡透紅的肥肉。
「咁不如我地襯住最後一次機會，偷偷地去學校女廁打飛機丫～」忘了說，阿豪還是一條不折不扣的肥淫蟲。
「咁點啊？三個人去沙灘好似有Ｄ白痴...」肛輝沒有理會阿豪的白痴提議。
「咁食完飯就散，下次再約囉...」我。
「咁又唔好...就黎都無得見...三個人搵D野?啦...」肛輝低著頭啜著凍奶茶，似乎有話想說。
「做乜啊你？咩無得見？」我。
「我屋企人想我去外國親戚間公司度幫手...」我隱約見到肛輝的淚水在眼眶打轉。
「咁都好丫，溝鬼妹...」阿豪。
「可能唔會番黎喇...」肛輝的頭埋得更低。我不知道肛輝是不是偷偷落淚，但這一刻，我覺得連我自己杯凍檸茶都特別苦澀。
聽見肛輝要離開，我?三個當場DEAD AIR...
點解？點解我一直好好珍惜?青春會變成咁？大家畢業出來社會工作，見面的機會就不多了，加上很多長輩都說，在工作上，是認識不到真正的朋友。這個我不在乎，我也不打算去結識新朋友，我不想失去現在的每一個朋友。
「唔得！」我下定決定，站了起來。
「我唔想我??青春就咁完結！」那一刻我覺得自己好MAN。
「咁而家應該點做...」肛輝已經被我霸氣震懾，我相信呢一刻佢視我為偶像。
「吃埋個飯先講...」我發現所有食客都用奇異眼光望著我，所以我意興蘭珊地坐下來。
「七仔，你諗住點？」阿豪三扒兩撥就將整碟炸脾飯吃得一粒米也不剩。
「頭先我已經諗好?，肛輝就快離開香港，我?要令佢永遠記得呢個地方！同埋記得我?成班好兄弟！」我威風凜凜地說。
「成、成班？但係呢度得我地三個喳...」阿豪抬起頭掃視整抬四人桌，的確...只有我們三個人。
「總之我要令肛輝永遠記得我?！」我。
「咁應該點做呢？唔會係寫記念冊?？咁old school...」肛輝左上唇翹起表示嫌惡。
「首先，肛輝你仲有幾耐時間？」我問。
「應該未有咁快走，我都未執齊?，阿媽好似話8月14日先走。」肛輝。
「今日8月6日喇白痴仔！得番一個星期喳！」我兜巴車落肛輝個嘴度。
「大劑！咁點算啊？我仲未執行李！」肛輝擘大個口得個窿。
「妖！仲執，我?緊要定係執行李緊要啊？！」我今次用筷子掌肛輝個嘴。
「咁...咁啊？」肛輝。
「我已經諗好?，香港回歸之後變得愈來愈唔似香港，所有有歷史價值??政府乜都要拆，遲早香港只會變成一個只得高樓大廈?死城。」我裝作有學問。
「咁香港有乜歷史值得我?去懷念？」阿豪。
「老實講！我唔知！我修商科邊知咁多屎尿屁...」我。
「唔識你就咪講啦七頭仔。」肛輝竟敢駁嘴。
「不過我平時好鍾意睇Ｄ奇怪?，所以我決定?一個星期入面帶阿輝去破解全香港?都市傳聞！」我今次拿起鐵叉，肛輝縮都縮唔切。
「咩叫都市傳聞？」肛輝。
「所以話你係一隻真係一隻孤陋寡聞?井底蛙真係無講錯！咪即係...」我正想展示學問，阿豪竟然當眾好似上堂答問題舉起隻手。
「肥哥仔想要乜啊？你已經食?碟飯喇?～」茶餐廳伙記見到阿豪舉手，以為他要落單。
「啊...唔好意思，我個朋友低能嫁，真係唔好意思。」我向伙記低頭道歉，伙記講了一句單字粗口，掉頭就走。
「我知啊！係咪即係民間流傳又唔知係咪真定假??啊？」阿豪低聲說道。
「無錯就係呢種，估唔到你都識，我想?一個星期入面我?三個人去揭開都市傳聞?真面目，就當係我?幫肛輝慶祝出國。加上過多幾個月，大家就要出黎搵工各散東西，所以我決定要令到十年後、二十年後?自己，都記得呢段咁轟轟烈烈?青春！」我激動得再次站起來，閉上眼睛幻想周圍學生妹為我英姿尖叫迷倒。
「唔好意思啊...我個朋友佢弱智嫁...真係唔好意思。」阿豪。
我張開眼，伙記用兇悍?眼睛啤實我，示意我?唔好再玩?。
「好似幾有型咁，去到外國可以講俾Ｄ鬼妹聽...咁香港有乜都市傳聞？」肛輝似乎好有興趣。
「呢方面我仲要上網搜集吓資料。」我。
「我知我知！」阿豪又想舉手，好在我及時制止。
「傳聞只要偷睇到同一個女學生條底褲七次，個女學生就會無條件愛上你！」阿豪。
「呢個係你自己吹出黎嘢嘅藉口姐...」我對阿豪期望太高...
「咁我都諗到一個，聽講人臨死前會喺腦海出現走馬燈回顧一生，但現實只係過咗幾秒。」肛輝。
「你呢個只算係國際傳聞，再加上...請問輝哥你要點試驗呢個傳聞？」我。
我同肛輝同一時間望向阿豪...
「咪亂黎啊，我仲要留番條命玩Diablo III 同埋睇Hunter大結局嫁。」阿豪被嚇得身上肥碩嘅贅肉不停顫抖。
「咁你真係要長命Ｄ...」肛輝。
「我番屋企上網搜集資料，聽日同樣時間呢度等！」我。
於是我花了一整晚上網搜尋有關香港都市傳聞資料，皇天不負有心人，我將所有資料都抄晒落黎，我相信肛輝就算投胎都一定會記得香港同埋我哋，嘿嘿嘿....
第二朝，我將所有資料抄低放入背包，照片、影片存入iPhone。要破解香港嘅都市傳聞，睇怕我哋都係前無古人、後無來者，如果真係成功，就算唔上頭條都有個蘋果動新聞影吓啩。確定所有嘢都準備好，就出發同肛輝、阿豪集合。我身為呢個Team嘅Leader ，梗係遲少少到等佢地兩個拿定位等我先有隊長風範，所以我比約定時間遲咗十分鐘先到。點知佢兩條粉腸，足足遲左半個鐘先慢條斯理出現...
「尋晚我已經通宵將所有資料搜集好。點啊？你哋準備咗Ｄ乜？」襯食物未到，我將資料從背包拎出。
「我帶咗呢樣....」肛輝指住自己個腦。
「....」阿豪指住自己下體。
「真係唔、唔該晒你哋，你哋睇吓資料先...」我尋晚嘅努力到底為咗乜...
「D字寫得咁醜嘅，點睇啊？」肛輝。
「睇唔明，我不如即刻幫你試驗吓走馬燈呢個傳聞？」我緊握拳頭，臉上露出和諧微笑。
「都、都勉強睇得明嘅....」肛輝。
因為得一晚時間，肛輝一個星期後就走，所以只能夠破解一部分傳聞。
一）麥當奴茄汁甜醱度A1～A12
二）香港中文大學「辮子姑娘」。
三）1993年九廣鐵路廣告，其中一名小朋友七孔流血、面目獪獰。
四) 狐仙事件。
五）上環站廢置月台。