《耿耿於懷，念念不忘》: 女生篇(三) - 小藍
「男班長，好耐無見丫！你仲係同當年一樣，眼裡面只係得詩瑩。」
甫一見面，晞欣便毫不猶豫的挖苦著我們當年的男班長Jason。
「晞欣你仲係咁牙尖嘴利，畀你攪到我好尷尬tim…你知喇，當年我暗戀詩瑩全班都知嫁嘛。」
「咁當年唔知係邊個諗出呢條屎橋，想我做你煙幕等人唔知你溝小師妹？你知唔知我犧牲幾大先？」
「嘩嘩嘩，原來有料爆wor，黃詩瑩你咁守得秘密既，呢件事連我都唔知。」
「我呢d義字當頭，唔會出賣朋友咁衰女嫁。」
碰見了熟的朋友，我的話匣子自然地打開了。
三個人，你一言我一語談論著當時校園裡的大小事。
「係呢，講講下，點解唔見子樂既？」
「點解你覺得會見到佢呢？」我不禁蹩著眉，疑惑地問。
「上個星期我搵過佢，仲好”友善”咁同佢講左話你都會番，叫佢想見你就黎，佢仲應我好嫁，以為佢搵左你tim。」Jason的答案，使我的心忐忑不已，但同時又使我的自卑感作祟。
「或者人地根本唔想見我呢，又唔係同佢有親。」
「張子樂冧你冧到出哂面啦下化，果陣佢不知幾憎我，次次望住我地一齊對眼好似會噴火咁嫁。」
「幻覺黎姐，嚇你唔到既。」
「嗱，黃詩瑩，家下唔係我思覺失調啦，連Jason都感覺到。」
晞欣一臉神氣的在插話，很高興找到知音。
「你地咁夾，不如結婚啦！」
我沒好氣的瞄了他們一眼。
一直重覆著有關張子樂的話題，使我感到有點缺氧，思緒有點沉甸甸的。
不過我有種直覺，我們終究會再遇的。所以，也要作好隨時遇見他的心理準備。
踏入校園，沒有絲毫的陌生，彷彿我還沒有畢業，仍然是這裡的學生。
人頭湧湧的操場上，有很多不同類型的攤位，禮堂裡更定時有精彩的表演。看見學弟妹青澀的臉孔，我驟然覺得自己長大了。
「劉偉賢，黃詩瑩，岑晞欣…」在教員室門外，我們碰見了從前的班主任Miss Fung。
「Miss Fung，好耐無見，點解你仲係咁後生既，我地都就黎變中女喇…」
說罷，晞欣給了她一個熱情的擁抱。
「晞欣你又玩Miss Fung啦，咁大個都咁調皮。」
Miss Fung的容顏的確沒有多大的變化，不過還是有一點點風霜的痕跡。
依舊不變的是那一份溫婉和可親。
在我和Miss Fung之間，有一個只屬於我們的秘密。那是中五學期末，快要study leave前的事。
「叩叩…」
「請入黎…」
我懷著忐忑的心情踏進教員室。
「詩瑩你搵我，係咪有咩事解決唔到呀？」
Miss Fung一貫溫柔地微笑著。
「Miss Fung，我…」
話到口邊，我卻一個字也吐不出來，彆扭得尷尬。
「感情問題？」
「嗯…唔知算唔算係…」
「等miss估下先，你有鐘意既人？」
「其實我唔清楚…應該係話唔知係咪真係鐘意，不過佢似乎對我無意思。」
「你講果個係張子樂？」
「Miss...點解你唔估係Jason既？」
「因為一睇就知你地係無野呀！但張子樂我就有保留。」
「原來…真係咁明顯…？」
我嘀咕著，被看穿的感覺很不好受。
看著我哭笑不得的表情，MIss Fung莞爾一笑。
「詩瑩，你問問自己，如果張子樂同你表白，你會唔會開心，會唔會同佢一齊？」
「我…」
「答案係點，你唔駛同Miss Fung講，自己知道就得。」
「嗯…」
「單純地鐘意一個人，純粹想同對方一齊，係一件好幸福既事。」
「鐘意一個人都會唔單純既咩？」
那時候，老師的笑意變得更深。
「感情比你想像中複雜好多好多，到你有多d經歷，就會明白。」
到了今天，我才發現自己那時候的天真，只好慨嘆當時真的年少無知。
「咦，點解唔見子樂既？」
Miss Fung的問題，使我從回憶跳回現實，
今天，是我第二次聽到這個問題。
「其實我地係無約埋，所以唔知佢會唔會返黎…」
「我仲以為詩瑩你一定約埋佢，果陣你地孖公仔黎嫁嘛。」
「Miss Fung果然料事如神，不過佢地成十年無見喇，可以話係無疾而終，好可惜丫。」
晞欣總是要在這些時候加油添醋，使我尷尬得臉頰發燙。
豈料Miss Fung的反應更出乎我的意料之外。
「咁可惜？你地兩個咁襯，我以為你地上左同一間大學會一齊。」
曾經我也以為，和他能上同一所大學，是命運的安排。
只是後來，我知道這只不過是一個讓我有些微希冀的玩笑。
「感情，比我想像中複雜好多好多。」
我語帶雙關的給了她一個帶著些微苦澀的回應。
然後，我倆為著這一個屬於我們的秘密，相視而笑。
我在心裡由衷的感激Miss Fung，在我那段困惑的日子，扶了我一把。
沒有她那樣的「愛情預告」，我想我一定會在感情摔得更慘烈的吧？
和Miss Fung寒暄過後，我們繼續在校園裡閒逛。
當我們走到小賣部附近的時候，我看到了一個人站在收銀處旁邊，
像是在等人。我的心忽然揪緊了一下。
（待續）
(如果喜歡我的文章， 就給我一個 like 吧 )
P.S 如果大家有任何感情事 , 問題 , 也想分享下 ,
也可以給我一個 email [email protected]
Facebook Page : https://www.facebook.com/thesiufui