第366天 - 玩弄與被玩弄, 傷害與被傷害, 從來都是一個循環: 那個夏天

認識HE是去年6月15日的事。
 
那時Jolly剛剛跟阿陽在一起, 阿陽搞boat party, 而HE是他的好朋友。Jolly 覺得我和HE很相襯, 於是就拉我去想趁機把HE介紹給我。
 
「你20幾歲喇, 好心你搵返個男朋友啦。 阿男高, 皮膚黑, 又打籃球, 完完全全係你嗰type吖, 佢仲要影相都好叻, 文又得武又得, 好完美呀!」
「咁完美點解你自己唔要? 我都唔係鍾意呢type, 咁介紹好奇怪囉……」
「我有阿陽囉, 我唔搞三角戀咖。 奇咩怪喎, 我同阿陽咪又係朋友介紹識嘅。我想幫你咋, 小姐你老喇, 一直單身咁點得咖。上啦。佢真係ok咖。好心你眼角唔好咁高啦。」
「痴線, 你就老! 我唔係眼角高呀, 我要搵個啱feel嘅人呀。我去唱k唔理你。」
 
認識新朋友不是什麼壞事, 但我一向就是很怕什麼介紹, 扯紅線的事。尤其是他是Jolly男朋友的best friend, 我可不想胡亂跟jolly 身邊的男人扯上什麼關係, 一看下去就覺得他們身上沒有半點好人的成份……




 
我不理她, 獨自走到船頭, 拿起咪一個人唱卡拉ok, 突然一把男聲出現了。

「點解你唔出去玩呀? 佢地去晒玩香蕉船喎。」是阿男。
「吓, 我唔識游水呀……廢事要人救我啦。」
「唔識游水都可以玩, 唔驚咖。」
「唔……佢地都出咗去啦, 我下一轉先啦。」
「咁...一係同我一齊去浸吓水囉, 我都唔識游水嘅。今日咁好天又出到嚟海中心, 你唔係淨係唱k吓話。」
「你又啱嘅, 好啦……」





就是這樣, 當船上其他人去了玩香蕉船的時候, 我就和他一人抱著一個大水泡, 跳入海中。
 
「哇~ 真係好舒服呀! 」
這是我一次跳到海中心浸水, 海水原來涼得像冰一樣, 這樣漂蕩著自由得很, 舒服得很。

「梗係啦, 枉你上到船竟然只係掛住唱K。」
「驚水呀嘛我… 又唔識其他人, Jolly又掛住痴實阿陽唔理我。」
「你唔當我係人呀? 你咪識我囉。」
「都係今日先第一次見啫咁……」
「話時話, 今日上船咁耐我都未認真睇清楚你咩樣。」




他說罷就游近我想拉開我的太陽眼鏡。

「咦! 好衰囉, 咁樣望住我好尷尬呀。」
我努力掙扎甩開他的手。
 
「喂, 你兩個喺水搞咩呀? 咁快就除衫喇?」
我轉個頭, 發現原來Jolly和阿陽在船上看了我們很久, 還拿著相機拍照。
 
「喂吔! 你影咩呀!」
「影你地偷情囉! 加油啦吓唔阻你。阿陽我都地去偷情唧!」
「喂吔!」
他們不理我, 自己走入了船艙「玩」。
 
他突然伸出手揉我的臉。
「你鼓埋泡腮個樣好得意, 哈哈。」




「喂吔! 我最憎人話我得意咖喇, 唔理你呀。」
我裝作生氣, 撥他海水, 作勢要游去別處, 不理他。

「喂呀, 咁小器咖, 我睇錯咗你。」他一邊模仿我剛剛的語氣, 一邊裝可愛扮游狗仔式。
「吓? 點解睇錯我呀。」
「我以為你係同Jolly唔同嘅女仔, 點知原來一樣咁小器。」
「我先唔係囉, 我同佢梗係唔同啦, 根本就兩個style……」
說著說著, 我們突然在海中心認真聊天起來。
 
我們兩人笨笨的抱著兩大水泡在海中心飄浮。那兩個小時,  是我和他第一次認真地面對面聊天。他說他想了解我多點,  他談起了他的EX, 說他受過重傷, 很久沒愛過人。我很驚訝今天才不過是我們第一次見面, 他竟然打開心扉跟我說這麼多。 聽完他的故事, 聽完他的過去, 我突然覺得這個人沒我想像中那麼差。Jolly沒說錯, 他的確是我喜歡的類型, 也許我不應該因為他是阿陽的朋友而跟他保持距離, 也許他是不一樣的。
 
「你地啱啱喺水傾咩傾咁耐?」下船之後, Jolly把我拉到一邊細聲的問我。
「秘密! 唔話你聽。」
「咁快就有秘密! 又話好奇怪, 又話唔係鍾意佢呢type。」
「哎呀做friend之嘛! 鬼叫其他人出晒去玩得返我同佢兩個唔識游水嘅人喺度咩。」




「吓? 佢唔識游水? 哇, 咁嘅大話都講得出? 佢同阿陽成日去游水咖喎。」
「咩話? 佢呃我?」
「哈哈, 唔係嘅, 佢想搵機會同你相處啫…… 你地兩個……加油啦, 我等聽你好消息。」她擺出一副極欠揍的表情, 若非阿陽和HE在我們身後, 我一定一拳揍過去了。
 
雖然他是騙了我, 但我聽完Jolly這樣說我卻暗自高興起來。

糟了, 我應該是中招了。