[真人真事+少少甜] 一切，由MSN開始: 特別篇(二)、Kelly：戀愛初哥

識我既人都知我平時好靜，完全係唔出聲咁濟。 

再加上我讀書成績優異，其他同學都淨係會私底下嗌我做讀書拎。 

唯獨只有一個人，佢從來唔會帶有色眼鏡看待我，亦唔會取笑我係學校老套既打扮。 

可能其實佢都唔太記得我係邊個，只係知我地係普通同學。 

正正因為佢對我同佢對其他人一樣，令我深深感受到自己唔係怪人，只係普通人一個。 





我開始唔在意其他人既目光，因為我就係我。果個人係邊個？無錯，就係丁當。 

火影入面既嗚人一直無意地咁比勇氣雛田，而丁當亦都一樣咁樣做。 

最後，嗚人同雛田修成正果。但我從來都無諗過要同丁當一齊。 

因為佢身邊一直有藍琛蕾。藍琛蕾成績無我好，但性格開朗，溫柔得黎又帶點可愛，可以話係班上既寵兒。 

但我性格陰沉，又唔點講野。 





成績好又點？只會成為同學口中既「死讀書怪」，有d人甚至唔記得我既存在... 

自從大雄出現係藍琛蕾身邊，我開始努力去嘗試打扮自己。載con、噴香水、畫眼線等等去令自己變得有魅力。 

如果唔係大雄既出現，我諗我呢一世都唔會嘗試追丁當。 

依家既我好幸福。 

其實又未必。 





雖然我依家同左丁當一齊，但係佢始終間唔中望住藍琛蕾既時候，眼神流過一絲既溫柔、愛惜，而佢從來無試過咁望過我... 

有d人會覺得我好姣、好淫。上一次，丁當上黎就係咁誘惑佢。其實係有原因嫁！ 

我成績係好，但對愛情一曉不通，唯有上網取下經。 

好多人話高登仔乜都識，所以我都開左個AC去問下佢地。 

其中一個絲打話：「男人，你滿足到佢既性需要，佢就呢一世都唔會離開你。 」天真既我以為係真，結果丁當走得仲快... 

其實，我諗我同大雄都知道丁當同藍琛蕾密不可分既關係，但我地都唔願意去相信呢個事實。 

「拿太多滿分，可惜相戀課程像比深海更深...」收音機傳黎既呢首歌既歌詞完全係我心聲呀...