[真人真事+少少甜] 一切,由MSN開始: 第三十一章、藍:試用完畢
眨下眼又一個星期...
「藍藍,早晨呀!咳咳...」大雄一大早又企坐巴士總站等我。
「都話你唔舒服就唔好行過黎海濱陪我啦!又唔聽話嫁! 」把口係咁講,其實心入面係開心既。
「咁我掛住你嘛!況且... 今日好重要呀。萬一你拒絕左我,我都要好好享受埋今日佢哈哈。 」係喎!今日係七日試用期既Last Day!
「你又知我會拒絕你? 」
「唔知嫁,但都有可能既。 」
「你想唔想知道答案?我依家就可以話你聽。」
大雄以那些年入面柯騰既口吻話:「拜托不要現在告訴我,請讓我繼續... 咳咳咳咳!」
「你睇下,係到扮型,結果7到飛起哈哈! 」
「咁無良心嫁你!」
「不嬲嫁啦哈哈。你呀... 注定要比我笑你一世。」
「唔係答我又要做你『一世既兄弟』呀嘛... 」
「白痴!係做『一世既男朋友呀』! 」大雄聽到之後,開心到係條街度嗌左出黎。雖然街上面D人都覺得佢係痴線佬,但見到佢傻下傻下咁,真係好可愛。
「行快D啦傻仔!再唔行就要遲到。」
「知道啦,女!朋!友! 」
「你咁大聲,全街都知啦!」
「我就係要全世界都知藍琛蕾係我郭雄仁既男朋友!咳咳咳...」
「你睇下你,一激動又咳啦! 」
成個上午,大雄雖然係咁咳,好病咁既樣,但佢都勁興奮。到左lunch,佢病到講唔到野,把聲沙哂。我摸下佢額頭,超級熱!
「大雄... 下奏去睇醫生之後番屋企訓一覺啦,你發緊燒呀! 」
「我唔要呀! 咁難得我地先正式... 咳咳咳咳咳...」
「拿拿拿!你睇下你,病到咁... 一係我陪你一齊請假去睇醫生啦。」
「咁咪姐係要你逃學陪我...」
「一次半次唔緊要啦。」我即刻打比呀媽,同佢講我好唔舒服,要請假去睇醫生。
「搞掂啦。你陣間叫你呀媽打電話啦,我地快D去荃豐中心睇醫生。」
「打電話請假姐,我最擅長哈哈。 」佢打番學校之後就壓低把聲扮係佢老豆講野,真係好搞笑。
「嘩!乜你唔驚佢打比你屋企人問嫁咩?」
「咳咳... 佢地好多時係外地工幹,邊得閒聽呢D電話。」醫生話大雄只係感冒,訓多D、食下藥就好快無事。
我見大雄燒到呆下呆下咁,決定送佢番屋企。
「平時你都送我番去,今日到我啦!我上埋去煲粥比你食,之後食藥啦。睇你個樣,番去一定唔會好好休息。」
「好呀!咳咳咳... 估唔到藍藍都識煲粥。 」其實我都未煲過,不過病左食粥比較好,等我試下先。
「Sorry呀... 第一日已經要你咁辛苦照顧我。 」
「傻豬!呢個係我責任黎嫁。遲D你養我當還債啦哈哈。」