[真人真事+少少甜] 一切，由MSN開始: 第三十章、丁：套的抉擇

從來都唔讀書嘅，竟然會因為陪女而走去補習。當我同肥仔俊講我要去補習嘅時候，佢以為我傻向左走向右走左，其實我都係咁諗。 

不過去完op之後我就諗通左，我應該要放低藍藍，因為我身邊已經有一個好愛我嘅人。 

就係咁，我今日放學嘅節目終於唔係去網吧或者打波，而係單機去補習社。 

我去到補習社，坐低左無耐，竟然俾我撞到大雄同藍藍！ 有無咁好彩呀… 

結果成堂我都聽唔入腦，佢本身講d咁難我已經唔係好追到，仲要坐係大雄同藍藍隔離，最後上完堂我都學唔到d咩… 





一落堂之後，我就求其作左個藉口走左，費事要做佢地電燈膽咁尷尬。 

日子慢慢咁過，每日返學等放學，放學等補習，補完習就送kelly返屋企。望到藍藍同大雄出雙入對，我已經漸漸咁麻木，無咁大反應。 

雖然係咁，我同藍藍都仲keep住有msn，只不過次數已經無之前咁多，而話題亦都加入左彼此嘅感情生活。 

有一晚，kelly係msn度同我講。 

靜香： 
22:45 後日就係我地一個月記念日喇 




22:45 不如上我屋企玩丫 

乜咁快就一個月喇，你唔講我都唔知喎… 

我： 
22:46 你屋企有咩玩呀 

靜香： 
22:47 大把野玩啦haha 
22:47 你上到黎咪知囉死蠢xd 





第二日，我同肥仔俊吹水果陣口快快咁講左聽日會上kelly屋企。 

『嘩！你地發展得咁快嘅！  』 

『咩呀，你係咪諗多左呀，上屋企唔一定要卜野嘅 』 

『唔卜野唔通吹水咩！咁樣叫得你上去姐係預左俾你食啦，有食唔食罪大惡極呀 』 

『你睇av睇上腦喇 』 

『你唔想咁快做爸爸就帶定袋上去啦』 

『痴線』 





雖然講就咁講，不過我都有認真考過買唔買套上去嘅問題。如果佢唔想卜但係我帶套上去俾佢發現左咪好尷尬 ？但係唔帶嘅話如果要卜又要特登落樓下買又會破壞哂個氣氛喎。究竟點算好呀… 

果日朝頭早，我去緊kelly屋企嘅時候經過一間７仔。我行左入去，望一望收銀櫃下面果d一盒盒五顏六色嘅套。我唔敢企係度慢慢揀，咁就唯有係間鋪入面行黎行去，再偷偷地咁望d套。 

唔知係我黑仔定係間７仔真係咁好生意，成日都有人係度俾錢買野，等我想落手都唔得 。我見到個店員都開始留意我，費事俾佢報警拉我，我都拿拿林走左無買到。

上到kelly屋企，見到佢着住吊帶背心加條短褲，我已經見怪不怪。我一行入門口，佢就突然間攬住我黎錫，跟住同我講：『一個月快樂！』 

『一…一個月快樂』我一時間仲未反應過黎。 

『我整左張卡俾你呀，你快d睇下 』 

kelly拎左張a4 size嘅卡出黎，上面有一張我地係op時影嘅合照，上面仲寫左d肉麻又幾warm野。 

我睇睇下突然有d內疚，我上kelly屋企之前淨係掛住買唔買套，但係就咩都無準備送俾佢，反而佢就咁有心機整左張卡俾我，果一刻我真係覺得自己幾衰仔 。 





『sorry呀，我咩都無準備到就上左黎…』 

『唔緊要啦，我要你個人咪夠囉 。張卡靚唔靚先？』 

『靚呀，我會收好佢 』 

『咁就好喇。我屋企有wii喎，你岩唔岩玩？ 』 

『無所謂呀』 

見住kelly彎低身拎碟嘅時候，佢個patpat好自然咁凸起左，我忍唔住望左一望，發現佢個shape真係好吸引，又圓又大，真係好想一野後入佢 ，不過我當然無咁做啦，但係呢個時候小丁亦都已經起左身…