[真人真事+少少甜] 一切,由MSN開始: 第二十章、丁:怦然心動
諗左好耐,我始終決定唔到要去邊一邊,所以我決定去沖個涼理清下我嘅思緒。
估唔到我返出黎之後,藍藍已經覆左我。
藍藍:
20:48 我突然諗起我星期六有野做
20:48 下星期再約
點解佢個語氣咁嘅,唔通藍藍見我未覆以為我有野做誤會左?
![](http://forum5.hkgolden.com/faces/@.gif)
話咁快就到左星期六,我上到kelly屋企。一打開門,kelly著左件連身t-shirt,下面岩岩好夠遮住佢條底褲,一對美腿就係我眼前。
![](http://forum5.hkgolden.com/faces/bomb.gif)
經過上次中秋節嘅經驗,我一早已經估到kelly嘅衣著風格,所以小丁今次嘅反應都無咁大。
![](http://forum5.hkgolden.com/faces/kill2.gif)
『快D入黎坐啦』
![](http://forum5.hkgolden.com/faces/smile.gif)
原來kelly屋企都幾大,睇落都好似幾有錢咁。
跟住我就同kelly坐在係飯枱温書,我一有唔明就問佢,佢次次都好仔細咁教我,雖然我係咁問佢野都無嫌我煩,突然間發覺到佢份人比我想像中仲要溫柔細心。
温下温下話咁快就到左4點。kelly問我:『你肚唔肚餓呀?不如食D野順便抖下丫』
『好呀,有咩食?』
kelly係廚房拎左成大堆零食出黎。
『嘩…咁多邊度食得哂呀…』
『兩個人好易食嫁炸』
我地一路食,kelly就撩我傾計。
『其實你都學得幾快嫁喎,教你D野都好快明,如果你上堂聽多D書成績可能會幾好』
『咁都要你教得好先得嘅』
![](http://forum5.hkgolden.com/faces/biggrin.gif)
『咁我教得咁好你點報答我先?』
![](http://forum5.hkgolden.com/faces/tongue.gif)
『…請你食飯?』
『好呀!不如我地打個賭丫』
『賭咩』
![](http://forum5.hkgolden.com/faces/wonder.gif)
『我地鬥邊個econ高分D』
![](http://forum5.hkgolden.com/faces/biggrin.gif)
『我成績咁屎實輸嫁喎…你姐係玩我姐』
![](http://forum5.hkgolden.com/faces/angry.gif)
『我岩岩教你D野你都明得7788啦,唔洗咁淆喎』
![](http://forum5.hkgolden.com/faces/biggrin.gif)
『好囉,咁囂張,輸左點先?』
![](http://forum5.hkgolden.com/faces/angry.gif)
『贏左果個可以命令輸果個做一樣野,點丫?』
『好呀,你唔好後悔喎』
![](http://forum5.hkgolden.com/faces/angry.gif)
『點會喎,我已經諗好要你做咩啦』
![](http://forum5.hkgolden.com/faces/hehe.gif)
『咁快?做咩呀?』
kelly突然將個頭哄到好埋,嚇到我縮左一縮,佢跟住笑住咁講:『輸左你咪知囉hehe』
食完之後,我同kelly又繼續温書,不過唔知點解kelly張櫈同我突然近左好多,佢身上面果陣香味飄過黎搞到我專心唔到。
![](http://forum5.hkgolden.com/faces/bomb.gif)
『丁當,我有D攰…』跟住kelly突然間攬住我訓左落我個膊頭到。
![](http://forum5.hkgolden.com/faces/kill.gif)
『你唔洗理我嫁,你繼續温啦,借你個膊頭黎訓陣』小姐,好難唔理你喎…
![](http://forum5.hkgolden.com/faces/banghead.gif)
佢個頭同我個頭貼得好近,果陣香味變得好强烈。為左唔好嘈醒佢,我成個身都好似僵左咁,唔敢有咩動作。
呢個時候,我偷偷地望一望佢下半身果條若隱若現嘅粉紅色底褲,真係好誘人
![](http://forum5.hkgolden.com/faces/kill2.gif)
![](http://forum5.hkgolden.com/faces/banghead.gif)
就係咁過左半個鐘,kelly終於都起身,我即刻鬆左口氣。
『做咩你塊面咁紅?』
『下…可…可能有少少熱姐。都温得7788喇,我走先喇,今日唔該哂』講完之後我就拿拿聲孰野走人。
![](http://forum5.hkgolden.com/faces/banghead.gif)
『我幫你開門丫』
正當我岩岩想行出門口嘅時候,kelly突然叫住我:『丁當!』
我一擰轉頭,kelly突然哄個頭埋黎,佢嘅嘴同我嘅雙唇對上左,我地錫左呀!!!!!!
![](http://forum5.hkgolden.com/faces/bomb.gif)
![](http://forum5.hkgolden.com/faces/banghead.gif)
當我仲未搞清楚左發生咩事嘅時候,kelly同我講:『ut加油呀』
![](http://forum5.hkgolden.com/faces/angel.gif)
最後我連byebye都唔記得左講就即刻走左。我到依家都仲回味緊果一下,估唔到我嘅初吻咁就俾左佢…
呢個時候,我諗起肥仔俊之前叫我去馬嘅野。其實諗諗下kelly都唔錯丫,佢應該有對我有D好感,唔係都唔會無啦啦錫我啦,話唔定我真係可以試下同佢發展下…